ក្រុងទាំង៤នេះមានសន្ទុះសក្តានុពលខ្លាំងត្រូវបានគេចាត់ថាជាតំបន់ស្តេចត្រាញ់អចលនទ្រព្យ

ប្រទេសកម្ពុជាទទួលបានទុនវិនិយោគលើវិស័យសំណង់ជិតដល់៤ពាន់លានដុល្លារក្នុងឆមាសទី១ ឆ្នាំ២០២០នេះដែលវាជាកំណើនមួយកើនឡើងយ៉ាងឆាប់រហ័ស ។ 

ស្របពេលជាមួយនឹងរឿងរ៉ាវនៃកំណើនការវិនិយោគបែបនេះអ្នកជំនាញផ្នែកអចលនទ្រព្យបានបង្ហាញឱ្យដឹងថា មានតំបន់ចំនួន៤ដែលកំពុងតែទទួលបានការរីកចម្រើនយ៉ាងខ្លាំងទៅលើវិស័យសំណង់ និងអចលនទ្រព្យនោះគឺ ក្រុងភ្នំពេញ, ក្រុងព្រះសីហនុ, ក្រុងបាវិត និងក្រុងប៉ោយប៉ែត ។

ទីក្រុងបាវិត និងទីក្រុងប៉ោយប៉ែត សំណង់ភាគច្រើនត្រូវបានគេធ្វើឡើងសម្រាប់ផ្គត់ផ្គង់ទៅដល់ខាងសេវាកម្មដឹកជញ្ជូនដែលធ្វើឱ្យសំណង់ទាំងអស់នោះមានការកើនឡើងជាលំដាប់ មិនថាទាំងអូតែល ភោជនីយដ្ឋាន និងរោងចក្រឃ្លាំងជាដើម ចំណែកឯសំណង់ដែលកំពុងតែអភិវឌ្ឍច្រើននៅខេត្តព្រះសីហនុត្រូវបានធ្វើឡើងសម្រាប់បម្រើជូនទៅកាន់ភ្ញៀវទេសចរចិន ៕

អត្ថបទដោយ ៖ សំណាង