ស្ត្រីម្នាក់ដែលខំស្វះស្វែងជួយដល់សត្វដំរី «ខាវ៉ាន់» ដ៏សែនឯកោបំផុតពីប្រទេសប៉ាគីស្ថានមកកាន់ទឹកដីកម្ពុជាបានកំពុងអង្រួនទឹកចិត្តរបស់មហាជនទូទាំងពិភពលោក ដោយសារតែសត្វដំរី «ខាវ៉ាន់» ពេលនេះបានមកដល់ទឹកដីសៀមរាបអង្គរ ប្រទេសកម្ពុជា ដែលជាកន្លែងថ្មីលែងឯកោដូចពីមុនទៀតហើយ ។
ស្រ្តីដែលបានជួយរំដោះជីវិតសត្វដំរី «ខាវ៉ាន់» គឺលោកស្រី «Cher» ដែលត្រូវបានគេស្គាល់ថា ជាតារាចម្រៀង និងជាតារាសម្តែងជនជាតិអាមេរិក ដែលមានចិត្តធម៌បំផុត ។ នៅពេលគាត់លោកស្រីបានដឹងថា សត្វដំរី «ខាវ៉ាន់» កំពុងរស់នៅក្នុងភាពឯកោម្នាក់ឯង នៅក្នុងប្រទេសប៉ាគីស្ថានភ្លាម គាត់ក៏បានធ្វើដំណើរទៅកាន់ប្រទេសនោះដើម្បីស្នើរសុំឱ្យសត្វដំរីនេះផ្លាស់លំនៅទៅកាន់កន្លែងថ្មី ។
ក្រោយពីបានឃើញសត្វដំរី «ខាវ៉ាន់» មកដល់ប្រទេសកម្ពុជាដោយសុវត្ថិភាព តារាចម្រៀង Cher បាននិយាយពាក្យក្នុងចិត្តថា «ខ្ញុំពិតជាមានមោទនភាពណាស់ដែលគាត់ (ដំរី) រស់នៅទីនេះ ព្រោះកន្លែងថ្មីនេះ នឹងធ្វើឱ្យគាត់លែងឯកោទៀតហើយ ។ ខ្ញុំសង្ឃឹមថា ជម្រកថ្មីនេះនឹងផ្តល់ក្តីសង្ឃឹមថ្មី សម្រាប់គាត់ផងដែរ» ។
សូមបញ្ជាក់ផងដែរថា សត្វដំរី «ខាវ៉ាន់» ជាដំរីឈ្មោលមានអាយុ៣៥ឆ្នាំត្រូវបានក្រុមអភិរក្សសត្វព្រៃជួយសង្គ្រោះពីសួនសត្វមួយនៃប្រទេសប៉ាគីស្ថានតាមរយៈការតស៊ូផ្នែកច្បាប់ ហើយចុងក្រោយតុលាការកំពូលរបស់ប៉ាគីស្ថានបានសម្រេចឱ្យដំរីខាវ៉ាន់ត្រូវមានសេរីភាព និងបញ្ជូនមករស់នៅក្នុងព្រៃធម្មជាតិនៃដែនជម្រកសត្វព្រៃរបស់ប្រទេសកម្ពុជា ៕
អត្ថបទដោយ ៖ សំណាង
0
()
Application has been successfully submitted
we will contact you soon, please pay attention
ទូរស័ព្ទ:+855 66300666
+855 (0) 23222206 (CN/EN/KH)
+86 023 67480241 (CN)
+855 (0) 66400666 (CN/EN/KH)