ខេត្តកំពតស្ថិតនៅទិសនិរតីក្នុងតំបន់ឆ្នេរសមុទ្រនៃប្រទេសកម្ពុជា ដែលមានរមណីដ្ឋានឋានសួគ៍បូកគោ និងជាសមាជិកក្លឹបឆ្នេរសមុទ្រដែលស្អាតបំផុតលើពិភពលោក ជាគោលដៅទេសចរណវប្បធម៍ ប្រវត្តិសាស្រ្ត និងធម្មជាតិ ល្អឯក ពេញនិយមបំផុតនៅកម្ពុជា ។
តាមរយៈចក្ខុវិស័យនគររូបនីយកម្មនេះទីក្រុងកំពតនឹងអភិវឌ្ឍទៅជាមជ្ឈមណ្ឌលកែច្នៃផលិផល កសិកម្ម ឧស្សាហកម្ម ទីផ្សារអន្តរជាតិ សម្រាប់ផលិតផលកសិកម្ម និងចែកចាយទំនិញ និងជាទីក្រុងទំនើបដែលមានហេដ្ឋារចនសម្ព័ន្ធ សេវាកម្មទីក្រុង និងគុណភាពបរិស្ថានរស់នៅប្រសើរ ។
ក្រៅពីដំណាំកសិកម្មសក្តានុពល ម្រេច និងធុរេន និងវិស័យទេសចរណ៍ ការតភ្ជាប់ហេដ្ឋារចនាសម្ព័ន្ធ ផ្លូវថ្នល់ រថភ្លើង និងការតភ្ជាប់កំពងផែសមុទ្រ គឺជាធាតុផ្សំសំខាន់សម្រាប់ទីក្រុងកំពត និងខេត្តកំពតទាំងមូល ។
សម្រាប់វិស័យអចលនទ្រព្យវិស័យដីធ្លីត្រូវបានមើលឃើញថា មានសន្ទុះកំណើនយ៉ាងខ្លាំងគួរឲ្យកត់សម្គាល់ ពោលគឺប្រតិបត្តិការទិញលក់ត្រូវបានធ្វើឡើងនៅគ្រប់ទីកន្លែង ជាពិសេសនៅតាមតំបន់ទេសចរណ៍ ដែលគេជឿថា ជាតំបន់មានសក្តានុពលនៅពេលអនាគត ។
ជាក់ស្តែងសម្រាប់ទីផ្សារតម្លៃដីដោយដីលំនៅដ្ឋាននៅតាមជាយក្រុងមានតម្លៃពី ៣០ ដុល្លារ ទៅ ៥០ ដុល្លារ ក្នុងមួយម៉ែត្រការ៉េ ។ ដីជាប់មាត់សមុទ្រមានតម្លៃ ២០០ ទៅ ២៥០ ដុល្លារ ។ ចំណែកដីនៅតាមមាត់ព្រែក ក្នុងតំបន់សក្តានុពល (ស្ពានកំពង់បាយ) តម្លៃដីអាចមានចន្លោះ ១,២០០ដុល្លារ ទៅ ១,៥០០ ដុល្លារ ក្នុងមួយម៉ែត្រការ៉េ រីឯដីចេញឆ្ងាយពីស្ពានកំពង់បាយក្នុងរង្វង់កន្លះគីឡូម៉ែត្រមានតម្លៃចាប់ពី ១៥០ ដុល្លារ ទៅ ៤០០ ដុល្លារក្នុងម៉ែត្រការ៉េ ៕
អត្ថបទដោយ ៖ សំណាង
0
()
Application has been successfully submitted
we will contact you soon, please pay attention
ទូរស័ព្ទ:+855 66300666
+855 (0) 23222206 (CN/EN/KH)
+86 023 67480241 (CN)
+855 (0) 66400666 (CN/EN/KH)