ដីក្នុងខណ្ឌធំៗចំនួន៣ក្នុងរាជធានីភ្នំពេញដែលមានតម្លៃថ្លៃជាងគេបំផុត

បច្ចុប្បន្នគេសង្កេតឃើញថា សំណង់លំនៅដ្ឋាន និងអគារខ្ពស់ៗបានកើនឡើងយ៉ាងខ្លាំងពីមួយឆ្នាំទៅមួយឆ្នាំក្នុងភូមិសាស្ត្ររាជធានីភ្នំពេញដែលធ្វើឱ្យតម្លៃដីធ្លីមានការកើនឡើងខ្ពស់កប់ពពកក្នុងរយៈពេលប៉ុន្មានឆ្នាំចុងក្រោយនេះ ។ ខាងក្រោមនេះជាតម្លៃដីដែលថ្លៃជាងគេបំផុតក្នុងរាជធានីភ្នំពេញ ៖

ទី១-ខ័ណ្ឌដូនពេញ

ជាមជ្ឈមណ្ឌលពាណិជ្ជកម្មដែលដីមានតម្លៃថ្លៃបំផុតដោយដីលំនៅដ្ឋានត្រូវបានលក់ក្នុងតម្លៃ 3500ដុល្លារក្នុងម៉ែត្រការ៉េ និងដីសម្រាប់ធ្វើពាណិជ្ជកម្មមានតម្លៃជាមធ្យមគឺ 6100ដុល្លារក្នុងមួយម៉ែត្រការ៉េ ។ ក្នុងនោះសង្កាត់ផ្សារថ្មី1 ផ្សារថ្មី2 និងផ្សារថ្មី3 ក្នុងខ័ណ្ឌដូនពេញដែលជាដីពាណិជ្ជកម្មមានតម្លៃថ្លៃបំផុតដែលអាចលក់បានដល់ទៅ 9000ដុល្លារក្នុងមួយម៉ែត្រការ៉េ រីឯដីលំនៅដ្ឋានក្នុងសង្កាត់ផ្សារចាស់វិញមានតម្លៃ 4000ដុល្លារក្នុងម៉ែត្រការ៉េ ។

ទី២-ខ័ណ្ឌ7មករា

ជាមជ្ឈមណ្ឌលពាណិជ្ជកម្មមួយទៀតដែលដីមានតម្លៃថ្លៃបំផុតលំដាប់លេខ2 នៅរាជធានីភ្នំពេញ គឺដីសម្រាប់សង់លំនៅដ្ឋានក្នុងតំបន់នេះត្រូវបានលក់ក្នុងតម្លៃ 3300ដុល្លារក្នុងមួយម៉ែត្រការ៉េ ខណៈពេលដែលដីពាណិជ្ជកម្មមានតម្លៃ 5400ដុល្លារក្នុងម៉ែត្រការ៉េ ។ តំបន់ដែលដីមានតម្លៃថ្លៃជាងគេនៅក្នុងខ័ណ្ឌមួយនេះមានដូចជាសង្កាត់អូរឫស្សី1,2,3 និង4 គឺជាដីពាណិជ្ជកម្មដែលមានតម្លៃ 6000ដុល្លារក្នុង1ម៉ែត្រការ៉េ និងសង្កាត់បឹងព្រលិត ដីមានតម្លៃប្រមាណជា4000ដុល្លារក្នុងមួយម៉ែត្រការ៉េ ។

ទី៣-ខ័ណ្ឌចំការមន

ជាប់ចំណាត់ថ្នាក់លេខ3ជាខ័ណ្ឌដែលដីមានតម្លៃថ្លៃមធ្យមគឺ 3000ដុល្លារក្នុង1ម៉ែត្រការ៉េសម្រាប់ដីលំនៅដ្ឋាន និងដីពាណិជ្ជកម្មមានតម្លៃ 5100ដុល្លារក្នុង1ម៉ែត្រការ៉េ ៕

អត្ថបទដោយ ៖ សំណាង