ក្រុមហ៊ុនរថភ្លើងនៃប្រទេសវៀតណាមបើកដំណើរការហើយនូវសេវាដឹកជញ្ជូនរវាងហាណូយ–ប្រទេសប៊ែលហ្សិកនៃទ្វីបអឺរ៉ុប

ខមភើសអចលនទ្រព្យ·សេចក្តីរាយការណ៍ព័ត៌មាន ~  យោងតាមរយៈសារព័ត៌មាន Vietnam News នៅថ្ងៃ២០ ខែកក្កដានេះបានឱ្យដឹងថា ក្រុមហ៊ុនរថភ្លើងនៃប្រទេស វៀតណាម បានធ្វើការចាប់ផ្តើមបើកដំណើរការនូវសេវាដឹកជញ្ជូននៅតាមផ្លូវដែកពីទីក្រុងហាណូយនៃប្រទេស វៀតណាម រហូតដល់ ប្រទេសប៊ែលហ្សិកនៃទ្វីបអឺរ៉ុប ជាលើកដំបូងហើយ ដែលសេវានេះគឺកកើតឡើងនៅលើរថភ្លើងចំនួន២៣ទូ និងដាក់ឱ្យមានការដឹកនូវទំនិញដូចជាផលិតផលវាយនភណ្ឌ ផលិតផលស្បែក និងស្បែកជើងជាដើម។

នេះបើយោងតាមប្រសាសន៍របស់លោក Nguyen Hoang Thanh អគ្គនាយករងនៃ Ratraco ដែលជាក្រុមហ៊ុនរៀបចំនូវការដឹកជញ្ជូនទំនិញនៅលើផ្លូវដែកទៅកាន់ទ្វីបអឺរ៉ុបលើកនេះបានឱ្យដឹងថា ការដឹកជញ្ជូនទំនិញតាមរយៈរថភ្លើងពីប្រទេសវៀតណាមទៅកាន់ប្រទេសប៊ែលហ្សិក វាគឺជាចំណែកមួយនៃការជួយពង្រីកមធ្យោបាយដឹកជញ្ជូនទៅតាមផ្លូវដែកពីប្រទេសវៀតណាមទៅកាន់តំបន់ក្នុងទ្វីបអឺរ៉ុបឱ្យកាន់តែទូលាយបន្ថែម ដែលនាពេលបច្ចុប្បន្នគឺមានស្រាច់រួចមកហើយនូវសេវាកម្មទៅកាន់មួយចំនួនដូចជា ប្រទេសអាល្លឺម៉ង់ និងប្រទេសប៉ូឡូញ។

លោកបានបន្តទៀតថា “ បច្ចុប្បន្ននេះក្រុមហ៊ុន Ratraco ជាមួយនិងដៃគូរបស់ខ្លួនក្នុងតំបន់នៃទ្វីបអឺរ៉ុប បានគ្រោងនឹងធ្វើការរៀបចំការធ្វើដំណើរចំនួន ៨ ដងក្នុងមួយខែ ពីខាងស្តានីយន៍នៃប្រទេសវៀតណាម ” ។ ទទ្ទឹមនឹងគ្នានេះ តាមការថ្លែងរបស់លោក ខាងក្រុមហ៊ុនមាននូវគម្រោងរថភ្លើងជើងទី ២ ដែលនឹងចាកចេញពីស្ថានីយ៍ Yen Vien ក្នុងប្រទេសនៅថ្ងៃទី ២៧ ខែកក្កដាខាងមុខនេះ ដោយមានការដឹកជញ្ជូននូវផលិតផលអេឡិចត្រូនិច ហើយចំពោះជើងទី៣គឺនឹងចាកចេញនូវថ្ងៃទី ៣ នៃខែសីហា។

គួរបញ្ជាក់ផងដែរថា ការដឹកជញ្ជូនតាមរថភ្លើងរវាងប្រទេសវៀតណាម ទៅកាន់តំបន់អឺរ៉ុប គឺនឹងត្រូវចំណាយរយៈពេលប្រមាណពី ២៥ ទៅ ២៧ថ្ងៃ ហើយរថភ្លើងគឺមានការចាប់ចេញដំណើរពីស្ថានីយ៍ Yen Vien ក្នុងទីក្រុងហាណូយនៃប្រទេស វៀតណាម ឆ្ពោះទៅកាន់ទីក្រុង Zhenzhou ក្នុងខេត្ត Henanនៃប្រទេសចិន មុននឹងធ្វើការភ្ជាប់ចូលទៅបណ្តាញផ្លូវរថភ្លើងនៃអាស៊ីអឺរ៉ុប ដែលឆ្លងកាត់ប្រទេស កាហ្សាក់ស្ថាន រុស្ស៊ី បេឡារុស្ស ប៉ូឡូញ អាល្លឺម៉ង់ និងប៊ែលហ្សិក៕

រៀបរៀងនិងកែសម្រួលដោយខមភើសកម្ពុជា

រៀបរៀងដោយ ៖ Thangnyth，   ប្រធានផ្នែកនិពន្ធ ៖ Sunnie，   នាយក / ផលិតករ ៖ Nicole

កាន់តែងាយស្រួលស្វែងរកអចលនទ្រព្យបានគ្រប់ប្រភេទជាមួយគេហទំព័រ Compass ទាំងក្នុង និងក្រៅប្រទេសមាននៅ ៖  កម្ពុជា | សិង្ហបុរី | អារ៉ាប់រួម | ថៃ | ហ្វីលីពីន | មីយ៉ាន់ម៉ា | ឡាវ