ខមភើសអចលនទ្រព្យ·សេចក្តីរាយការណ៍ព័ត៌មាន~ក្រសួងសេដ្ឋកិច្ចនិងហិរញ្ញវត្ថុកម្ពុជា និងវិទ្យាស្ថានផែនការនិងរចនាទីក្រុងនៃ ទីក្រុងស៊ិនជិនប្រទេសចិន បានចុះកិច្ចសន្យាពិគ្រោះយោបល់ដើម្បីប្រែក្លាយខេត្តព្រះសីហនុ ទៅជាតំបន់សេដ្ឋកិច្ចពិសេសពហុបំណងគំរូ។
ការចុះហត្ថលេខាលើកិច្ចសន្យាជាផ្លូវការនេះ បានធ្វើឡើងរវាង ឯកឧត្តមផាន់ ផល្លា រដ្ឋលេខាធិការក្រសួងសេដ្ឋកិច្ចនិងហិរញ្ញវត្ថុ និងលោកSima Xiao នាយកវិទ្យាស្ថានរៀបចំផែនការនិងរចនាទីក្រុងនៃទីក្រុងសិនជិន ដោយមានវត្តមានរបស់លោកបណ្ឌិតសភាចារ្យ អូន ព័ន្ធមុនីរ័ត្ន ឧបនាយករដ្ឋមន្ត្រីនិងជារដ្ឋមន្ត្រី នៃក្រសួងសេដ្ឋកិច្ចនិងហិរញ្ញវត្ថុ។
តាមកិច្ចសន្យា វិទ្យាស្ថាននឹងរៀបចំផែនការមេដែលបង្ហាញពីចក្ខុវិស័យ និងទិសដៅអភិវឌ្ឍន៍តំបន់សេដ្ឋកិច្ចពិសេស ដែលមានគំរូស្របតាមបរិបទនយោបាយសេដ្ឋកិច្ចនិងសង្គមរបស់កម្ពុជា។
ឧបនាយករដ្ឋមន្រ្តីបានមានប្រសាសន៍ឲ្យដឹងថា គោលដៅអភិវឌ្ឍន៍ខេត្តព្រះសីហនុទៅជាតំបន់សេដ្ឋកិច្ចពិសេសពហុបំណងគំរូ គឺដើម្បីលើកកម្ពស់និរន្តរភាពនៃការអភិវឌ្ឍន៍របស់ខ្លួន។
លោកបានបន្ថែមទៀតថា នេះក៏មានបំណងប្រែក្លាយខេត្តព្រះសីហនុ ទៅជាតំបន់សេដ្ឋកិច្ចធំមួយនៅអាស៊ីអាគ្នេយ៍ ដោយប្រើប្រាស់បច្ចេកវិទ្យាឆ្លាតវៃ និងជាតំបន់ឧស្សាហកម្មជឿនលឿន ដែលដើរតួជាសង្វាក់ផលិតកម្មក្នុងតំបន់ និងពិភពលោក។
រៀបរៀងនិងកែសម្រួលដោយខមភើសកម្ពុជា
រៀបរៀងដោយ ៖ Nea, ប្រធានផ្នែកនិពន្ធ ៖ Sunnie, នាយក / ផលិតករ ៖ Nicole
កាន់តែងាយស្រួលស្វែងរកអចលនទ្រព្យបានគ្រប់ប្រភេទជាមួយគេហទំព័រ Compass ទាំងក្នុង និងក្រៅប្រទេសមាននៅ ៖ កម្ពុជា | សិង្ហបុរី | អារ៉ាប់រួម | ថៃ | ហ្វីលីពីន | មីយ៉ាន់ម៉ា | ឡាវ
0