ខមភើសអចលនទ្រព្យ·សេចក្តីរាយការណ៍ព័ត៌មាន~ រដ្ឋាភិបាលកម្ពុជាបានលើកទឹកចិត្ត ក្រុមហ៊ុនអាមេរិកឱ្យចូលរួម ក្នុងគម្រោងហេដ្ឋារចនាសម្ព័ន្ធ និងកសាងហេដ្ឋារចនាសម្ព័ន្ធរូបវន្ត ដែលមានគុណភាពនៅក្នុងប្រទេសកម្ពុជា។
ការលើកទឹកចិត្តនេះត្រូវបានធ្វើឡើងដោយ ឯកឧត្តម ស៊ុន ចាន់ថុល ទេសរដ្ឋមន្រ្តីនិងជារដ្ឋមន្រ្តី ក្រសួងសាធារណការនិងដឹកជញ្ជូន ក្នុងកិច្ចប្រជុំនិម្មិតជាមួយលោក Ted Osius ប្រធាន និងជានាយកប្រតិបត្តិក្រុមប្រឹក្សាធុរកិច្ចអាមេរិក-អាស៊ាន (US-ABC) អមដោយតំណាងមកពីបណ្តា ក្រុមហ៊ុនសមាជិកក្រុមប្រឹក្សា។
ឯកឧត្តមទេសរដ្ឋមន្រ្តីបានសង្កត់ធ្ងន់ថា លើសារៈសំខាន់នៃការចូលរួមរបស់វិស័យឯកជន ក្នុងការអភិវឌ្ឍហេដ្ឋារចនាសម្ព័ន្ធក៏ដូចជា សេដ្ឋកិច្ចជាតិដោយបន្ថែមថា វិស័យឯកជនគឺជាក្បាលម៉ាស៊ីនដ៏សំខាន់ នៃកំណើនសេដ្ឋកិច្ចរបស់កម្ពុជា។
ឯកឧត្តមទេសរដ្ឋមន្រ្តីបានបន្ថែមថា មិនមានក្រុមហ៊ុនអាមេរិកណា ចូលរួមក្នុងការដេញថ្លៃគម្រោងសាងសង់ហេដ្ឋារចនាសម្ព័ន្ធនៅកម្ពុជានោះទេ ដូច្នេះលើកទឹកចិត្តឱ្យក្រុមហ៊ុនអាមេរិកចូលរួមនិងវិនិយោគក្នុងការអភិវឌ្ឍហេដ្ឋារចនាសម្ព័ន្ធនៅកម្ពុជា។
រំលឹកកាលពីសម័យកាលមុន សហរដ្ឋអាមេរិកបានជួយ សាងសង់ផ្លូវជាតិលេខ ៤ ប្រវែង ២៣០ គីឡូម៉ែត្រតភ្ជាប់ពីរាជធានីភ្នំពេញ ទៅក្រុងព្រះសីហនុនៃខេត្តព្រះសីហនុក្នុងទសវត្សរ៍ឆ្នាំ ១៩៥០ ។
រៀបរៀងនិងកែសម្រួលដោយខមភើសកម្ពុជា
រៀបរៀងដោយ ៖ Nea, ប្រធានផ្នែកនិពន្ធ ៖ Sunnie, នាយក / ផលិតករ ៖ Nicole
កាន់តែងាយស្រួលស្វែងរកអចលនទ្រព្យបានគ្រប់ប្រភេទជាមួយគេហទំព័រ Compass ទាំងក្នុង និងក្រៅប្រទេសមាននៅ ៖ កម្ពុជា | សិង្ហបុរី | អារ៉ាប់រួម | ថៃ | ហ្វីលីពីន | មីយ៉ាន់ម៉ា | ឡាវ
អាផាតមិនល្អនៅខណ្ឌសែនសុខ សម្រាប់ណែនាំនៅថ្ងៃនេះ៖
0