ក្រសួងធនធានទឹក និងឧតុនិយមបានអំពាវនាវដល់ប្រជាពលរដ្ឋទាំងអស់ប្រយ័ត្នខ្ពស់ ចំពោះបាតុភូតផ្គររន្ទះខ្យល់កន្ត្រាក់ និងភ្លៀងធ្លាក់ខ្លាំង ចាប់ពីថ្ងៃទី២៧ ខែឧសភា ដល់ថ្ងៃទី២ ខែមិថុនា ឆ្នាំ ២០២០ ខាងមុខនេះ ។
តាមការចេញផ្សាយរបស់ក្រសួងធនធានទឹក នៅថ្ងៃទី២៦ ខែឧសភា ស្តីពីស្ថានភាពធាតុអាកាសពីថ្ងៃទី ២៧ ខែឧសភា ដល់ថ្ងៃទី០២ ខែមិថុនា ឆ្នាំ២០២០ បានលើកឡើងថា តាមរយៈនៃការប្រែប្រួលជាបន្តបន្ទាប់នៃស្ថានភាពអាកាសធាតុសង្កេតឃើញថា ខ្យល់មូសុងនិរតីនឹងបក់ខ្លាំងមកលើកម្ពុជា ។
ស្ថានភាពបែបនេះធ្វើឲ្យចាប់ពីថ្ងៃទី២៧ ខែឧសភា ដល់ថ្ងៃទី០២ ខែមិថុនា នឹងធ្វើឲ្យបណ្តាខេត្តនៅតំបន់វាលទំនាបកណ្តាល មានសីតុណ្ហភាពអប្បបរមាមានពី ២៥-២៧អង្សាសេ និងសីតុណ្ហភាពអតិបរមា មានពី៣៣-៣៦អង្សាសេ ។
ក្រសួងបន្តថាអាកាសធាតុបែបនេះនឹងអាចមានភ្លៀងធ្លាក់រាយប៉ាយពីមធ្យមទៅច្រើន ក្នុងនោះ ផ្នែកខ្លះ នៃវាលទំនាបភាគពាយ័ព្យ អាចនឹងមានភ្លៀងធ្លាក់ខ្លាំង ។ ក្រសួងបន្តថាចំពោះបណ្ដាខេត្តនៅតំបន់ជួរភ្នំដងរែក និងខ្ពង់រាបឦសានមាន សីតុណ្ហភាពអប្បបរមា មានពី ២៣-២៥អង្សាសេ និងមានសីតុណ្ហភាពអតិបរមា មានពី ៣២-៣៥អង្សាសេ។
ស្ថានភាពបែបនេះនឹងអាចមានភ្លៀងពីតិចទៅបង្គរ ដោយឡែកបណ្តាខេត្តនៅភាគឦសានជាប់ប្រទេសវៀតណាមនឹងអាចមានភ្លៀងពីខ្សោយទៅមធ្យម ។
ដោយឡែកបណ្តាខេត្តនៅតំបន់មាត់សមុទ្រ មានអប្បបរមាមានពី២៦-២៨អង្សាសេ និងសីតុណ្ហភាពអតិបរមា មានពី ៣២-៣៤អង្សាសេ នឹងអាចមានភ្លៀងពីតិចទៅបង្គួរ ។
ជាមួយគ្នានោះដែរក្រសួងក៏បានលើកឡើងថា ដោយអាស្រ័យស្ថានភាព ធាតុអាកាសដូចបានជម្រាបជូនខាងលើ សូមឲ្យប្រជាពលរដ្ឋប្រុងប្រយ័ត្នចំពោះបាតុភូតផ្គរ រន្ទះ និងខ្យល់កន្ត្រាក់ ដែលអាចកើតមានជាយថាហេតុ ៕(ព័ត៌មាននេះមានប្រភពមកពី Koh Santepheap.com)
0
()
Application has been successfully submitted
we will contact you soon, please pay attention
ទូរស័ព្ទ:+855 66300666
+855 (0) 23222206 (CN/EN/KH)
+86 023 67480241 (CN)
+855 (0) 66400666 (CN/EN/KH)