បច្ចុប្បន្នមានមានតំបន់ជាយក្រុងមួយចំនួនធំត្រូវបាន វិនិយោគិនធ្វើការអភិវឌ្ឍជាលំដាប់ ហើយមួយចំនួនក៏ទើបតែចាប់ផ្ដើមកើនឡើងនូវហេដ្ឋារចនាសម្ព័ន្ធ មួយចំនួនតែប៉ុណ្ណោះ ហើយកាលពីថ្ងៃទី ១៩ ធ្នូ ២០១៩ នេះ នៅក្នុងពិធីបើកវេទិកាផ្សព្វផ្សាយ និងពិគ្រោះយោបល់ លោក ប៉ា សុជាតិវង្ស ប្រធានក្រុមប្រឹក្សារាជធានីភ្នំពេញ បានមានប្រសាសន៍ឱ្យដឹងថា ខណ្ឌមួយនៅជាយក្រុងកំពុងមានការរីកចំរើនខ្លាំងខាងវិស័យសំណង់ និងឧស្សាហកម្មជាដើម។
ដោយក្នុងឱកាសនោះលោកបានលើកឡើង ពីខណ្ឌស្ថិតនៅតាមជាយក្រុងមួយគឺខណ្ឌកំបូល ដែលទើបបំបែកចេញពីខណ្ឌពោធិ៍សែនជ័យថ្មីៗនេះ។
លោកបានបញ្ជាក់ថា ខណ្ឌមួយនេះកំពុងមានការ រីកចម្រើនគួរឲ្យកត់សម្គាល់ក្នុងរយៈពេលប៉ុន្មានឆ្នាំកន្លងមកនេះ នេះពិសេសលើវិស័យសំណង់ ពាណិជ្ជកម្ម និងឧស្សាហកម្ម។
បន្ថែមពីនេះលោក បានមានប្រសាសន៍ថា ទន្ទឹមនឹងការរីកចំរើនទាំងអស់នេះ វាក៏បានលេចចេញនូវបញ្ហាប្រឈម ជាច្រើនផងដែរ ទាក់ទងនឹងហេដ្ឋារចនាសម្ព័ន្ធនានា និងផ្នែកបរិស្ថាន ជាដើម ដែលតម្រូវឲ្យមានការបង្កើនការផ្តល់សេវា អប់រំសុខាភិបាល បន្ថែមទៀត។
គួរកត់សម្គាល់ផងដែរថា ខណ្ឌកំបូល កកើតនូវហេដ្ឋារចនាសម្ព័ន្ឋខ្វាត់ខ្វែង ហើយមានការតភ្ជាប់រវាងផ្លូវជាតិលេខ៤ ផ្លូវទំនប់កប់ស្រូវ និងផ្លូវក្រវ៉ាត់ក្រុងទី៣ផងដែរ។មិនតែប៉ុណ្ណោះ ការវិនិយោគពីសំណាក់ធុរកិច្ចជនអន្តរជាតិនិងជាតិក៏មានច្រើនក្រាស់ក្រែលដែរ ឯកំណើននៃវិស័យអចលនទ្រព្យវិញគឺមានសន្ទុះយ៉ាងល្អប្រសើរ ដែលជំរុញឱ្យមានការកើនឡើងតម្លៃដីធ្លីជាបន្តបន្ទាប់ ហើយគម្រោងអភិវឌ្ឍលំនៅឋានក៏មានស្ទើរគ្រប់ប្រភេទ និងគ្រប់តម្រូវការរបស់ប្រជាជន។
បើអ្នកវិនិយោគចាប់អារម្មណ៍ ការបោះទុនវិនិយោគនៅតាមជាយក្រុងគួរចាប់អារម្មណ៍លើតំបន់នេះ ព្រោះមួយរយៈចុងក្រោយនេះពិតជាមានការរីកដុះដាលយ៉ាងល្អប្រសើរ មួយវិញទៀតវាក៏ជាតំបន់មួយដ៏សាកសមសម្រាប់អ្នកដែលមានជីវភាពមធ្យមធ្វើការវិនិយោគផងដែរ ជាពិសេសគឺវិស័យអចលនទ្រព្យ។(ព័ត៍មាននេះមានប្រភពមកពីBusiness-Cambodia.com)
0
()
Application has been successfully submitted
we will contact you soon, please pay attention
ទូរស័ព្ទ:+855 66300666
+855 (0) 23222206 (CN/EN/KH)
+86 023 67480241 (CN)
+855 (0) 66400666 (CN/EN/KH)