យើងសង្កេតឃើញថាប៉ុន្មានឆ្នាំចុងក្រោយនេះប្រទេសកម្ពុជាកំពុងមានសន្ទុះខ្លាំងលើការអភិវឌ្ឍន៍ ជាពិសេសទៅលើប្រព័ន្ធហេដ្ឋារចនាសម្ព័ន្ធដែលក្នុងនោះមាននូវគម្រោងធំៗជាច្រើនដែលកំពុងស្ថិតនៅក្នុងការសិក្សា ក៏ដូចជាកំពុងដំណើរការស្ថាបនាជាដើម។ ដើម្បីស្ថាបនាដូចជាផ្លូវថ្នល់ ផ្លូវដែក ផ្លូវល្បឿនលឿន ផ្លូវរថភ្លើង ព្រលានយន្ដហោះ និងការអភិវឌ្ឍនូវកោះថ្មីជាដើម ។ គម្រោងទាំងអស់នេះគឺដើម្បីឆ្លើយតប ទៅនឹងភាពស៊ីវិល័យក្នុងការរស់នៅរបស់ប្រជាជននាយុគ្គសម័យថ្មីផងដែរ។
ជាមួយគ្នានេះដែរកាលពីពេលកន្លងទៅ ក៏លេចឮអំពីគម្រោងសាងសង់ស្ពាន និងផ្លូវក្រោមទន្លេ ឆ្ពោះពីទីក្រុងកោះពេជ្រទៅកាន់កោះថ្មីមួយទៀតដែលមានឈ្មោះថាកោះនរាហ៍ ដែលត្រូវបានវិនិយោគដោយ ក្រុមហ៊ុនវិនិយោគទុនអនិកជនកម្ពុជា ហៅកាត់ OCIC ក្នុងទំហំទឹកប្រាក់រាប់ពាន់លានដុល្លារឯណោះ។
លោកទូច សំណាង អគ្គនាយករងនៃក្រុមហ៊ុន OCIC បានឲ្យដឹងថាបច្ចុប្បន្នក្រុមហ៊ុនកំពុងសិក្សាលទ្ឋភាពសាងសង់ស្ពាន និងផ្លូវក្រោមទន្លេ ឆ្ពោះពីទីក្រុងកោះពេជ្រទៅកាន់ទីក្រុងកោះនរាហ៍ ដែលកំពុងចាក់ដី និងថ្មបំពេញលើទីតាំងដែលជាកោះចាស់ ហើយត្រូវបាក់ស្រុតដោយសារទឹកជំនន់ទន្លេមេគង្គ។
ដោយការសិក្សានេះ ស្ថិតក្រោមជម្រើសពីរគឺ ទី១ សាងសង់ស្ពានយោងដោយខ្សែឬកាប ដែលមានគន្លងរថយន្តអាចបើកបរពីរទៅមកបាន ដែលមានប្រវែងប្រមាណ១០០០ម៉ែត្រ និងគ្រោងចំណាយទឹកប្រាក់ពី៦០ ទៅ៧០លានដុល្លារអាមេរិក និងជម្រើសទី២ គឺសាងសង់ផ្លូវក្រោមទន្លេ ដែលមានប្រវែងនិងទំហំផ្លូវដូចគ្នា ប៉ុន្តែការចំណាយអាចប្រើប្រាស់ថវិកា រហូតដល់២០០លានដុល្លារអាមេរិកឯណោះ។
ចំពោះកោះដែលកំពុងធ្វើការអភិវឌ្ឍន៍នេះវិញគឺមានផ្ទៃដីប្រមាណ ១០០ ហិចតា ដែលមានប្រវែងបណ្ដោយ ៣.៥ គីឡូម៉ែត្រ និងមានការចាក់ដីអបដងទន្លេមេគង្គក្រោមប្រវែង ៣០០ ម៉ែត្រផងដែរ។ ហើយកោះថ្មីមួយនេះត្រូវបានគេរំពឹងទុកថា នឹងត្រូវរៀបចំ ដូចទៅនឹងទីក្រុងកោះពេជ្រសព្វថ្ងៃនេះអ៊ីចឹង។
សម្រាប់ទឹកប្រាក់ដែលត្រូវចំណាយទៅលើគម្រោងនេះគឺមាន រហូតទៅដល់២០០០លានដុល្លារអាមេរិក ដែលត្រូវចំណាយទៅលើការសាងសង់ហេដ្ឋារចនាសម្ព័ន្ធទីក្រុងកោះនរាហ៍នេះ ដោយរួមបញ្ចូលជាមួយនឹងស្ពានឬផ្លូវក្រោមទន្លេដែលកំពុងសិក្សាផងដែរ។(ព័ត៍មាននេះមានប្រភពមកពីBusiness-Cambodia.com)
0
()
Application has been successfully submitted
we will contact you soon, please pay attention
ទូរស័ព្ទ:+855 66300666
+855 (0) 23222206 (CN/EN/KH)
+86 023 67480241 (CN)
+855 (0) 66400666 (CN/EN/KH)