ធនាគារ​ ​និង​គ្រឹះស្ថាន​មីក្រូ​ហិរញ្ញវត្ថុ​នៅ​កម្ពុជា​ដំឡើង​អត្រា​ការប្រាក់​

ខមភើសអចលនទ្រព្យ·សេចក្តីរាយការណ៍ព័ត៌មាន~ តាមមន្ត្រីជាន់ខ្ពស់ក្នុងឧស្សាហកម្មនេះ ធនាគារ និង គ្រឹះស្ថានមីក្រូហិរញ្ញវត្ថុជាច្រើនក្នុងប្រទេសកម្ពុជាបានដំឡើងអត្រាការប្រាក់សម្រាប់ប្រាក់បញ្ញើជាប្រាក់ដុល្លារ និងប្រាក់រៀលប្រមាណ ០,៥ ភាគរយ និង ១ភាគរយក្នុងមួយឆ្នាំដាច់ដោយឡែកពីគ្នា ប៉ុន្តែមិនមានការថយចុះអត្រាប្រាក់កម្ចីក្នុងរយៈពេលបីខែចុងក្រោយនេះឡើយ។

គណៈកម្មាធិការទីផ្សារបើកចំហសហព័ន្ធ (FOMC) នៃធនាគារកណ្តាលអាមេរិក Federal Reserve បានបង្កើនគោលដៅសម្រាប់មូលនិធិសហព័ន្ធ ដោយអត្រាការប្រាក់គោលដែលធនាគារពាណិជ្ជខ្ចី និង ឲ្យខ្ចីនូវទុនបម្រុងលើសរបស់ពួកគេទៅស្ថាប័នហិរញ្ញវត្ថុផ្សេងទៀត ចន្លោះពី២,២៥ភាគរយ ទៅ២,៥ភាគរយ។

លោក សុខ វឿន ប្រធានគ្រឹះស្ថានមីក្រូហិរញ្ញវត្ថុកម្ពុជា (CMA) បានមានប្រសាសន៏ថា ប្រហែល ៤០ ភាគរយនៃដើមទុនវិនិយោគសរុបនៅក្នុងគ្រឹះស្ថានមីក្រូហិរញ្ញវត្ថុទាំងប្រាំ គឺជាកម្ចីពីអ្នកឱ្យខ្ចីនៅក្រៅប្រទេស និងក្នុងស្រុក ខណៈដែលនៅសល់គឺបានមកពីប្រាក់បញ្ញើសាធារណៈ ឬសន្សំ។ គ្រឹះស្ថានមីក្រូហិរញ្ញវត្ថុទូទៅទទួលបានកម្ចីពីអ្នកឲ្យខ្ចីបរទេស និងក្នុងស្រុកដើម្បីប្រើប្រាស់ជាដើមទុន។

លោកបន្តថា៖ «ត្រូវតែមានទំនាក់ទំនង និងឥទ្ធិពលទាក់ទងនឹងអត្រាការប្រាក់។ តាមពិតទៅ យើងក៏មានប្រភពទុនពីអាមេរិក និងអឺរ៉ុបដែរ។ នៅពេលដែលធនាគារកណ្តាលរបស់ពួកគេដំឡើងអត្រាការប្រាក់សម្រាប់ធនាគារពាណិជ្ជ ខណៈដែលអ្នកឱ្យខ្ចីរបស់យើងក៏ទទួលបានប្រាក់កម្ចីពីធនាគារ ឬមូលនិធិទាំងនោះ ដែលពួកគេត្រូវបង់ការប្រាក់បន្ថែមទៀតដល់ស្ថាប័នទាំងនោះ»។

លោកបន្ថែមថា៖ «អ្នកផ្តល់ប្រាក់កម្ចីនៅក្រៅប្រទេសរបស់យើងត្រូវគិតប្រាក់ឱ្យយើងខ្ពស់ជាងមុន ដើម្បីឱ្យពួកគេអាចរក្សាកម្រិតសមរម្យ។ នោះហើយជាមូលហេតុដែលយើងជាអ្នកខ្ចីត្រូវបង្កើនបន្ថែមទៀតដើម្បីឱ្យមានភាពស៊ីសង្វាក់គ្នា។ ទាំងធនាគារ និងគ្រឹះស្ថានមីក្រូហិរញ្ញវត្ថុក្នុងព្រះរាជាណាចក្រកម្ពុជាក៏នឹងដំឡើងអត្រាការប្រាក់សម្រាប់ប្រាក់កម្ចីនាពេលអនាគតផងដែរ ប្រសិនបើអត្រាការប្រាក់នៃកម្ចីចេញពីប្រភពហិរញ្ញវត្ថុក្រៅប្រទេសនៅតែបន្តឡើង»។

លោក សុខ វឿន ជានាយកប្រតិបត្តិនៃក្រុមហ៊ុន LOLC (Cambodia) Plc ដែលជាក្រុមហ៊ុនមួយក្នុងចំណោមគ្រឹះស្ថានមីក្រូហិរញ្ញវត្ថុទាំងប្រាំ នៅក្នុងប្រទេសកម្ពុជា បន្តឲ្យដឹងថា ធនាគារ និងគ្រឹះស្ថានមីក្រូហិរញ្ញវត្ថុបានដំឡើងអត្រាការប្រាក់សម្រាប់ប្រាក់បញ្ញើជាប្រាក់រៀលខ្ពស់ជាងអត្រាប្រាក់ដុល្លារ ដោយសារស្ថាប័នហិរញ្ញវត្ថុទាំងនោះប្រឈមនឹងការខ្វះខាតក្រដាសប្រាក់រៀល។

លោកថា៖ «ការដំឡើងអត្រាការប្រាក់គឺមិនល្អទេ ព្រោះវានឹងប៉ះពាល់ដល់សេដ្ឋកិច្ច។ មិនត្រឹមតែស្ថាប័នប៉ុណ្ណោះទេ ថែមទាំងអ្នកប្រើសេវាហិរញ្ញវត្ថុផងដែរ ព្រោះពួកគេត្រូវចំណាយលើការប្រាក់ខ្ពស់ជាងមុន។ យើងមិនដំឡើងការប្រាក់សម្រាប់កម្ចីទេ ប៉ុន្តែប្រសិនបើស្ថានភាពបែបនេះ យើងនឹងដំឡើងវា។ ធនាគារជាទូទៅមានភាគរយតិចតួចនៃកម្ចីបរទេសនៅក្នុងដើមទុនរបស់ពួកគេ»៕

ប្រភព៖ Khmer Times

កាន់តែងាយស្រួលស្វែងរកអចលនទ្រព្យបានគ្រប់ប្រភេទជាមួយគេហទំព័រ Compass ទាំងក្នុង និងក្រៅប្រទេសមាននៅ ៖  កម្ពុជា | សិង្ហបុរី | អារ៉ាប់រួម | ថៃ | ហ្វីលីពីន | មីយ៉ាន់ម៉ា | ឡាវ