អចលនទ្រព្យអាចនឹងកើនឡើង បន្ទាប់រដ្ឋាភិបាលចង់បង្កើតទីក្រុងល្វាឯម

កាលពីថ្ងៃទី៣១ សីហា សម្តេចតេជោហ៊ុន សែននាយករដ្ឋមន្រ្តីនៃកម្ពុជាបានប្រកាសពីការសិក្សាបង្កើតទីក្រុងល្វាឯម ស្ថិតក្នុងស្រុកល្វាឯម ខេត្តកណ្តាល។

សម្តេចតេជោបានថ្លែងថា ទីក្រុងល្វាឯម នឹងស្ថិតក្នុងចំណុះទឹកដីខេត្តកណ្តាល ពោលគឺមិនមែនត្រូវកាត់ចូលក្នុងដែនរដ្ឋបាល រាជធានីភ្នំពេញនាពេលអនាគតទេ ដោយសម្តេចលើកឡើងថា “ទីក្រុងល្វាឯមដែលកំពុងសិក្សា នឹងស្ថិតក្នុងរដ្ឋបាលខេត្តកណ្តាល ដើម្បីឲ្យខេត្តកណ្តាលមានពន្ឋអាកររបស់គេផង។

សម្តេចតេជោបានបន្តថា “ខ្ញុំឲ្យសិក្សាតំបន់ល្វាឯម ឲ្យទៅជាទីក្រុងល្វាឯម ហើយខ្ញុំបានបញ្ជាក់ជាមួយកសម្តេចក្រឡាហោមស ខេងថាលើកនេះ មិនមែនសិក្សាហើយ យកមកភ្ជាប់មកភ្នំពេញទេ”។ សម្តេចបន្តថា “លើកនេះសិក្សាហើយ ប្រគល់ឲ្យខេត្តកណ្តាល បើមិនចឹងដីតំបន់ណាមានភាពរីកចម្រើនប្រគល់ឲ្យរាជធានីភ្នំពេញអស់ អញ្ចឹងគុណតម្លៃដីក្នុងខេត្តកណ្តាលចេះតែថយៗ”។

ស្រុកល្វាឯម ជាស្រុកធំមួយក្នុងខេត្តកណ្តាល ដែលមានឃុំចំនួនរហូតដល់១៥ និង៤៣ភូមិ ជាមួយចំនួនប្រជាជនរស់នៅសរុប៦៥,៨៣៥នាក់ (ស្ថិតិឆ្នាំ ១៩៩៨)។ 

ទាក់ទងនឹងការលើកឡើងរបស់សម្តេច លើផែនការបង្កើតទីក្រុងល្វាឯម ឲ្យស្ថិតក្រោមរដ្ឋបាលខេត្តកណ្តាល អ្នកជំនាញអចលនទ្រព្យបានរំពឹងទុកថា អាចនឹងមានការកើនឡើងនូវតម្លៃអចលនទ្រព្យនៅក្នុងតំបន់នោះ ក៏ដូចជាលំនាំទៅនឹងទីក្រុងតាខ្មៅ ប៉ុន្តែប្រហែលជាមិនទាន់អាចប្រៀបនឹងដីនៅតំបន់រាជធានីភ្នំពេញបានឡើយ។ 

កាន់តែងាយស្រួលស្វែងរកអចលនទ្រព្យបានគ្រប់ប្រភេទជាមួយគេហទំព័រ Compass ទាំងក្នុង និងក្រៅប្រទេសមាននៅ ៖  កម្ពុជា | សិង្ហបុរី | អារ៉ាបរួម | ថៃ | ហ្វីលីពីន | មីយ៉ាន់ម៉ា | ឡាវ