យោងតាមទិន្នន័យរបស់ក្រសួងទេសចរណ៍ ក្នុងរយៈពេលប្រាំខែដំបូងក្នុងឆ្នាំ ២០២៣ ចំនួនភ្ញៀវទេសចរបរទេសបានកើនឡើងដល់ ២.១៦ លាននាក់ កើនឡើង ៥៣០ ភាគរយ បើធៀបនឹងរយៈពេលដូចគ្នាកាលពីឆ្នាំមុន។
ដូចដែលយើងឃើញស្រាប់ ឧស្សាហកម្មទេសចរណ៍របស់ប្រទេសកម្ពុជាកំពុងងើបឡើងវិញយ៉ាងពេញលេញ ដោយមានមនុស្សកាន់តែច្រើនឡើងមកទីនេះដើម្បីធ្វើដំណើរ និងធ្វើការ។
ថ្ងៃនេះ Compass Real Estate នឹងពិភាក្សាអំពី
របៀបជួលអចលនទ្រព្យនៅប្រទេសកម្ពុជា
ហើយនឹងផ្តល់ "ការណែនាំអំពីការជួល"
សម្រាប់អ្នកចង់ជួលកន្លែងស្នាក់នៅក្នុងប្រទេសកម្ពុជា
ផ្នែកទី១៖ ស្វែងរកអចលនទ្រព្យ
ជាធម្មតា មានវិធីពីរយ៉ាងក្នុងការស្វែងរកអចលនទ្រព្យ
▎ ជួលផ្ទាល់ពីម្ចាស់ផ្ទះ
នៅក្នុងប្រទេសកម្ពុជា ម្ចាស់ផ្ទះនឹងធ្វើការបិត/ព្យួរព័ត៌មានអំពីអចលនទ្រព្យនៅខាងក្រៅ។ ប្រសិនបើអ្នកអាចធ្វើការទាក់ទងបានយ៉ាងរលូន និងស្គាល់ពីស្ថានភាពក្នុងតំបន់ និងដំណើរការជួល អ្នកអាចទាក់ទងម្ចាស់ផ្ទះដោយផ្ទាល់ដើម្បីជួលអចលនទ្រព្យ។ ទោះជាយ៉ាងណាក៏ដោយ អ្នកនឹងត្រូវប្រាកដថា តើពួកគេអាចផ្តល់បង្កាន់ដៃ និងសេវាជួសជុលផ្ទះបានទាន់ពេលដែរឬទេ។
▎ស្វែងរកភាគីទីបី ដូចជាគេហទំព័រអចលនទ្រព្យ ឬភ្នាក់ងារអចលនទ្រព្យ
នៅលើគេហទំព័រអចលនទ្រព្យ ឬភ្នាក់ងារអចលនទ្រព្យ ដែលមានបញ្ជីអចលនទ្រព្យជាច្រើនទៀត ប៉ុន្តែទីផ្សារជួលដោយខ្លួនឯងគឺខ្វះខាតនូវសេវាកម្មស្តង់ដារ ដូច្នេះអ្នកគួរតែស្វែងយល់អំពីភាគីទីបី និងការវាយតម្លៃរបស់ពួកគេជាមុនសិន។
________________________________
វិធីលឿនបំផុតក្នុងការជួលអចលនទ្រព្យនៅប្រទេសកម្ពុជា៖
១. សូមវាយបញ្ចូល [www.compass.com.kh] នៅលើ Google → ចូល/ចុះឈ្មោះ គណនីរបស់អ្នកនៅក្នុងគេហទំព័រ នោះនឹងបង្ហាញនូវជម្រើសអចលនទ្រព្យជាច្រើន ដែលជាគេហទំព័រដ៏ពេញនិយមមួយសម្រាប់ប្រជាជនក្នុងតំបន់ដើម្បីជួលអចលនទ្រព្យ។
២. ក្នុងចំណោមជម្រើសអចលនទ្រព្យផ្សេងៗ អ្នកអាចជ្រើសរើសតាមថវិកាផ្ទាល់ខ្លួនរបស់លោកអ្នក រួមទាំងតំបន់ តម្លៃ និងប្រភេទអចលនទ្រព្យ។
៣. បន្ទាប់ពីរកឃើញ ជម្រើសដែលអ្នកចូលចិត្តហើយ អ្នកអាចទាក់ទងភ្នាក់ងារដោយខលតាមលេខទូរស័ព្ទ ឬចុច "ជជែកឥឡូវនេះ" សម្រាប់ព័ត៌មានលម្អិត និងនាំអ្នកទៅពិនិត្យអចលនទ្រព្យ។
៤. បន្ទាប់ពីពិនិត្យអចលនទ្រព្យរួច អ្នកអាចចរចាតម្លៃដោយផ្ទាល់ជាមួយម្ចាស់ផ្ទះ ហើយត្រូវប្រាកដថាត្រូវចរចាតម្លៃសេវាពាក់ព័ន្ធ (អ៊ិនធឺណេត ទូរទស្សន៍ខ្សែកាប ការគ្រប់គ្រងអចលនទ្រព្យ ការចោលសំរាម។ល។) ជាមុនសិន។
៥. ធ្វើការចុះហត្ថលេខាលើកិច្ចសន្យាហើយចូលស្នាក់នៅតែម្ដង។
ប្រសិនបើអ្នកមានការណាត់ជួបសម្រាប់ការមើលបន្ទប់ផ្ទាល់ អ្នកគួរតែរៀបចំ “បញ្ជីសម្រាប់ត្រួតពិនិត្យ”
√ បញ្ជីសម្រាប់ត្រួតពិនិត្យ
- សុវត្ថិភាពនៅមជ្ឈដ្ឋានជុំវិញ
- ទីតាំងនៅជុំវិញ និងក្នុងបន្ទប់មានអនាម័យស្អាត
- សម្ភារៈបរិក្ខារ៖ ម៉ាស៊ីនបោកខោអាវ ម៉ាស៊ីនត្រជាក់ ទូទឹកកក ម៉ាស៊ីនកម្តៅទឹក ។ល។
- ពិនិត្យមើលចំណុចថាមពលអគ្គិសនីដើម្បីប្រាកដថាមានការផ្គត់ផ្គង់ថាមពលគ្រប់គ្រាន់
- ពិនិត្យមើលក្បាលម៉ាស៊ីនដើម្បីឱ្យប្រាកដថាសម្ពាធទឹកគឺធម្មតា
- ពិនិត្យទ្វារ បង្អួច ទូ ថាតើពួកគេអាចបើក និងបិទបានធម្មតា ឬខូចត្រូវជួសជុល
- ពិនិត្យមើលថាតើឥដ្ឋមានបាត់ឬខូចដែរឬទេ
- យល់ដឹងពីតម្រូវការរបស់ម្ចាស់ផ្ទះសម្រាប់ការជួសជុល។
❗️❗️❗️ប្រសិនបើអ្នកសម្រេចចិត្តថានឹងជួលផ្ទះណាមួយ សូមព្យាយាមថតរូបសម្ភារៈទាំងអស់នៅក្នុងបន្ទប់ ហើយរក្សាទុកវាជាភស្តុតាងក្នុងករណីមានវិវាទនៅពេលអនាគត។
ផ្នែកទី២៖ ប្រភេទអចលនទ្រព្យ និងតម្លៃ
មានអចលនទ្រព្យជាច្រើនប្រភេទនៅក្នុងប្រទេសកម្ពុជា ដូចជា ផ្ទះល្វែងសម្រាប់ប្រជាជនក្នុងស្រុក និងអាផាតមេន ឬផ្ទះវីឡាសម្រាប់ជនបរទេស។ ប្រភេទនៃអចលនទ្រព្យនីមួយៗមានគុណសម្បត្តិ និងគុណវិបត្តិរៀងៗខ្លួន ហើយតម្លៃក៏ប្រែប្រួលទៅតាមទីតាំង សម្ភារៈបរិក្ខារ ការតុបតែងជាដើម ដូច្នេះហើយអ្នកអាចគ្រប់គ្រងថវិកាផ្ទាល់ខ្លួនបានដោយសមហេតុផល និងស្វែងរកកន្លែងស្នាក់នៅសមរម្យ។
!!!តម្លៃចំណាយផ្សេងៗ
• ថ្លៃសេវាភ្នាក់ងារអចលនទ្រព្យ៖ នៅក្នុងប្រទេសកម្ពុជា អ្នកជួលមិនចាំបាច់បង់ថ្លៃភ្នាក់ងារទេ ដែលថ្លៃនេះភាគច្រើនត្រូវបង់ដោយម្ចាស់ផ្ទះ។
• ការតម្កល់ប្រាក់៖ មិនមានច្បាប់កំណត់សម្រាប់ការតម្កល់ប្រាក់នោះទេ គឺត្រូវបានកំណត់ដោយម្ចាស់ផ្ទះ។ ជាធម្មតាគេកក់ប្រាក់១ខែ ហើយបង់១ខែសម្រាប់អាផាតមេន ផ្ទះវីឡា និងកក់ប្រាក់ ២ ទៅ ៣ខែ ហើយបង់១ខែសម្រាប់ផ្ទះល្វែង និងវីឡា។ ការតុបតែងផ្ទះកាន់តែប្រណីត ប្រាក់កក់កាន់តែច្រើន។
• ថ្លៃទឹកនិងអគ្គិសនីក្នុងប្រទេសកម្ពុជាមានភាពខុសគ្នាបន្តិចបន្តួចនៅតាមខេត្ត ក្រុង ឬស្រុកផ្សេងៗគ្នា។ ជាធម្មតា ថ្លៃអគ្គិសនី ១០០០រៀល (០.២៥ដុល្លារ)/គីឡូវ៉ាត់ម៉ោង។ ហើយតម្លៃទឹកគឺ ០.៣០ - ០.៦០ ដុល្លារ/ម៉ែត្រគូប។
ផ្នែកទី៣៖ ការចុះហត្ថលេខាលើកិច្ចសន្យា
នៅពេលជួលផ្ទះ អ្នកគួរជៀសវាងពាក្យសន្យាដោយគ្រាន់តែប្រើពាក្យសម្ដី។ អ្នកត្រូវតែចុះហត្ថលេខាលើកិច្ចសន្យា ហើយដាក់កិច្ចព្រមព្រៀងទាំងអស់ទៅក្នុងនោះ។ នៅពេលចុះហត្ថលេខាលើកិច្ចសន្យា សូមចងចាំនូវចំណុចមួយចំនួនដូចខាងក្រោម៖
✔ម្ចាស់ផ្ទះជាច្រើននឹងតម្រូវឱ្យអ្នកជួលផ្តល់ច្បាប់ចម្លងអត្តសញ្ញាណប័ណ្ណទិដ្ឋាការលិខិតឆ្លងដែន។ល។ត្រូវប្រាកដថាឯកសារទាំងនេះមានសុពលភាពពេញលេញមួយរយៈពេលជួល។
✔ ត្រូវប្រាកដថាអ្នកកំពុងទាក់ទងជាមួយម្ចាស់ផ្ទះពិតប្រាកដ មិនមែន "ម្ចាស់ផ្ទះទីពីរ" ទេ។
✔ ប្រសិនបើអ្នកមិនអាចទៅមើលអាផាតមេនដោយផ្ទាល់បានទេ អ្នកគួរតែសួរមិត្តភ័ក្តិ ឬសាច់ញាតិឱ្យពិនិត្យមើល ឬមើលវីដេអូជាមួយភ្នាក់ងារ ឬម្ចាស់ផ្ទះ។
✔ ពិនិត្យកិច្ចសន្យាឱ្យបានហ្មត់ចត់មុននឹងចុះហត្ថលេខា រួមទាំងកាលបរិច្ឆេទនៃការអនុញ្ញាតឱ្យចូលស្នាក់នៅ និងរើចេញ តម្លៃជួលខែដំបូង សម្ភារៈបរិក្ខាររស់នៅចាំបាច់ ប្រាក់កក់ ការថែទាំផ្ទះ ថ្លៃទឹក និងភ្លើង អ៊ីនធឺណិត។ល។
❗️❗️❗️សូមយកចិត្តទុកដាក់លើលក្ខខណ្ឌនៅការបញ្ចប់កិច្ចសន្យា ក្នុងពេលជាមួយគ្នានេះ សាក្សីត្រូវចុះហត្ថលេខាលើកិច្ចសន្យាជួល ប្រសិនបើអ្នកជួលដោយផ្ទាល់ជាមួយម្ចាស់ផ្ទះ អ្នកត្រូវការអ្នកទីបីដើម្បីទៅជាមួយ។
ផ្នែកទី៤៖ ការបញ្ចប់កុងត្រា
ប្រសិនបើអ្នកចង់បញ្ចប់កុងត្រាជួល អ្នកគួរតែយកចិត្តទុកដាក់លើចំណុចខាងក្រោម៖
✔ ជាទូទៅ អ្នកត្រូវជូនដំណឹងដល់ម្ចាស់ផ្ទះយ៉ាងតិចមួយខែជាមុន។ ប្រសិនបើការជួលត្រូវបានបញ្ចប់មុនថ្ងៃផុតកំណត់ អ្នកនឹងត្រូវបង់ប្រាក់ពិន័យមួយចំនួន ដែលនឹងត្រូវបានកំណត់យោងទៅតាមលក្ខខណ្ឌនៃកិច្ចសន្យាជួល។
✔ មុនពេលចេញដំណើរ អ្នកគួរតែធ្វើការសម្អាតបន្ទប់ខ្លះៗ ពិនិត្យការខូចខាតសម្ភារៈក្នុងផ្ទះ ហើយប្រៀបធៀបកិច្ចសន្យា និងរូបថត និងវីដេអូ មុនពេលចូលស្នាក់នៅ ដើម្បីបញ្ជាក់ថាតើត្រូវបង់ថ្លៃសេវាផ្សេងទៀតដែរឬទេ។
ជារួមមក ទីផ្សារជួលក្នុងប្រទេសកម្ពុជាគឺធំគួរសម ជាមួយនឹងជម្រើសជាច្រើន។ អ្នកអាចជ្រើសរើសកន្លែងស្នាក់នៅសមរម្យទៅតាមតម្រូវការរបស់អ្នក។
សម្រាប់ការបើកអាជីវកម្ម អ្នកអាចជ្រើសរើសជាប្រភេទផ្ទះអាជីវកម្ម។ ផ្ទះអាជីវកម្មជាទូទៅមានពីបីទៅបួនជាន់ ហើយជាន់ផ្ទាល់ដីអាចប្រើសម្រាប់បើកហាង។ ជាន់ខាងលើគឺសម្រាប់រស់នៅដោយខ្លួនឯង។
ប្រសិនបើអ្នកជាបុគ្គលិក អ្នកធ្វើការ អ្នកអាចជ្រើសរើសអាផាតមេនដែលមានអត្ថប្រយោជន៍ជាច្រើនដូចជាទីតាំងល្អ សេវាបោកគក់ និងសម្អាត ឧបករណ៍ប្រើប្រាស់ក្នុងផ្ទះដែលមានពេញលេញ កន្លែងកម្សាន្ត និងកន្លែងហាត់ប្រាណ និងសន្តិសុខ ២៤ ម៉ោង… ដែលពិតជាងាយស្រួលសម្រាប់ជីវិតប្រចាំថ្ងៃរបស់អ្នក។
ប្រសិនបើអ្នកកំពុងជួលជាមួយគ្រួសាររបស់អ្នក វីឡានឹងក្លាយជាជម្រើសដ៏ល្អ។ មានបន្ទប់គេងជាច្រើន មានទីធ្លាមួយ ហើយជាទូទៅហុំព័ទ្ធទៅដោយរុក្ខជាតិបៃតង។
1