ផលិតផលក្នុងស្រុកសរុប (GDP) របស់ប្រទេសកម្ពុជា សម្រាប់មនុស្សម្នាក់ ត្រូវបានរំពឹងថានិងកើនឡើងដល់ ២ ០៧១ ដុល្លារក្នុងឆ្នាំ ២០២៤ ពោលគឺមានការកើនឡើង ៨% ពីឆ្នាំ ២០២៣។ នេះបើយោងតាមទិន្នន័យពីរបាយការណ៍ “ថវិកាសង្ខេប ឆ្នាំ២០២៤” របស់ក្រសួងសេដ្ឋកិច្ច និងហិរញ្ញវត្ថុ។
តាមរបាយការណ៍ក្រសួងខាងលើបានអោយដឹងថា៖ តាមការព្យាករណ៍ សេដ្ឋកិច្ចកម្ពុជានៅឆ្នាំ២០២៤ ត្រូវបានព្យាករថានឹងងើបឡើងវិញ ហើយរំពឹងថានឹងសម្រេចបានកំណើនក្នុងរង្វង់ ៦,៦% ដែលធ្វើឱ្យ ផសស ថ្លៃបច្ចុប្បន្ន ស្ថិតក្នុង រង្វង់ ១៤២ ៩៥៧ ប៊ីលានរៀល, សមមូលនឹងប្រមាណ ៣៥ ១៦៨ លានដុល្លារអាម៉េរិក, ស្របពេលដែល ផសស សម្រាប់មនុស្សម្នាក់ត្រូវបានរំពឹងថានឹងកើនឡើងដល់ ២ ០៧១ ដុល្លារ អាម៉េរិក បើប្រៀបធៀបនឹង ១ ៩១៧ ដុល្លារអាមេរិក ក្នុងឆ្នាំ ២០២៣។
ក្រសួងបានបញ្ជាក់ទៀតថា កំណើនសេដ្ឋកិច្ចកម្ពុជានៅក្នុងឆ្នាំ ២០២៤ ត្រូវបានទ្រទ្រង់ដោយវិស័យសំខាន់ៗចំនួន៣÷ (ទី១) វិស័យឧស្សាហកម្មត្រូវបានព្យាករថានឹងបន្តនិន្នាការកើនឡើងក្នុងរង្វង់ ៨,៥% ក្នុងឆ្នាំ ២០២៤ ពីប្រមាណ ៥,០% ក្នុងឆ្នាំ ២០២៣ ដោយសារការរំពឹងទុកការងើបឡើងវិញនៃ អនុវិស័យកាត់ដេរ ស្របពេលដែលអនុវិស័យកម្មន្តសាលមិនមែនកាត់ដេរនៅបន្តរក្សាបាន កំណើនរឹងមាំ ខណៈដែលអនុវិស័យសំណង់នៅបន្តមានកំណើនទាប។ (ទី២)- វិស័យសេវាកម្ម ត្រូវបានព្យាករថានឹងបន្តនិន្នាការល្អ ក្នុងអត្រាកំណើន ៦,៩% ក្នុងឆ្នាំ ២០២៤ ពីមូលដ្ឋានល្អក្នុងរង្វង់ ៨,១% ក្នុងឆ្នាំ ២០២៣ ដោយសារការបន្តងើបឡើងវិញនៃ សកម្មភាពសេដ្ឋកិច្ចក្នុងស្រុក ជាពិសេសអនុវិស័យសណ្ឋាគារ និងភោជនីយដ្ឋាន ដែលក៏នឹងមាន ផលជះជាវិជ្ជមានដល់វិស័យ-អនុវិស័យគាំទ្រផ្សេងៗទៀត រួមមាន អនុវិស័យលក់ដុំ-រាយ និង ដឹកជញ្ជូនជាដើម។ (ទី៣)-វិស័យកសិកម្ម រំពឹងថានឹងបន្តសម្រេចបានកំណើនល្អ ក្នុងរង្វង់ ១,១% ក្នុងឆ្នាំ ២០២៤ ធៀបនឹង ០,៩% ក្នុងឆ្នាំ ២០២៣ ដោយសារការបន្តនិន្នាការល្អនៃអនុវិស័យដំណាំ និង ការបន្តងើបឡើងវិញនៃអនុវិស័យនេសាទ ខណៈដែលអនុវិស័យចិញ្ចឹមសត្វនៅបន្តមានស្ថិរភាព។
លោកបណ្ឌិត ហុង វណ្ណៈ អ្នកជំនាញសេដ្ឋកិច្ចនៃវិទ្យាស្ថានទំនាក់ទំនងអន្តរជាតិនៃរាជបណ្ឌិត្យសភាកម្ពុជា បានលើកឡើងថា៖ ការព្យាករណ៍កំណើន GDP សម្រាប់មនុស្សម្នាក់របស់កម្ពុជា គឺធ្វើឡើងដោយអ្នកជំនាញដែលមានការអង្កេត និងស្រាវជ្រាវយ៉ាងជិតស្និទ្ធ។
លោកបណ្ឌិតបានមានប្រសាសន៍ថា បច្ចុប្បន្ននេះ យើងកំពុងឃើញអ្នកវិនិយោគកាន់តែច្រើនឡើងៗ មកបណ្តាក់ទុនលើវិស័យផ្សេងៗ ដែលជាហេតុជំរុញឱ្យមានការអភិវឌ្ឍន៍ និងវឌ្ឍនភាពនៃសេដ្ឋកិច្ចសង្គមក្នុងស្រុក ហើយជាការពិតណាស់ ប្រាក់ចំណូលសម្រាប់មនុស្សម្នាក់ៗក៏នឹងកើនឡើងផងដែរ។
លោកបណ្ឌិតបានបន្តទៀតថា រដ្ឋាភិបាលកំពុងបង្ហាញនូវការប្ដេជ្ញាចិត្តក្នុងការលើកកម្ពស់កម្រិតជីវភាព និងប្រាក់ចំណូលរបស់ប្រជាជនកម្ពុជា។ ជាក់ស្ដែងក្នុងឆ្នាំ២០២៣កន្លងទៅនេះ បើទោះជាសេដ្ឋកិច្ចពិភពលោកមានដំណើរការមិនល្អក៏ដោយ ការនាំចេញរបស់កម្ពុជាទៅកាន់ទីផ្សារអន្តរជាតិក៏នៅតែរក្សាបាននូវសន្ទុះកំណើន។
0
()
Application has been successfully submitted
we will contact you soon, please pay attention
ទូរស័ព្ទ:+855 66300666
+855 (0) 23222206 (CN/EN/KH)
+86 023 67480241 (CN)
+855 (0) 66400666 (CN/EN/KH)