អត្ថបទណែនាំអំពីការជួល! តើត្រូវធ្វើដូចម្តេចដើម្បីជ្រើសរើសការិយាល័យដែលសមរម្យរបស់អ្នក?

យោងតាមរបាយការណ៍របស់សារព័ត៌មានក្នុងស្រុក ក្នុងរយៈពេលពីរខែដំបូង ឆ្នាំ ២០២៤ ប្រទេសកម្ពុជាទាក់ទាញការវិនិយោគបានជាង ១,៣ ពាន់លានដុល្លារអាមេរិក ដោយកើនឡើងជាង ៥០០ ភាគរយ បើធៀបនឹងរយៈពេលដូចគ្នាក្នុងឆ្នាំ ២០២៣ ដែលលំហូរវិនិយោគរបស់វិនិយោគិនចិនមានប្រមាណ ៥៤៥ លានដុល្លារអាមេរិក ស្មើនឹង ៤០ ភាគរយនៃទំហំវិនិយោគសរុប។

គេអាចមើលឃើញថា អ្នកវិនិយោគមកពីប្រទេសផ្សេងៗនៅតែពេញចិត្តទីផ្សារកម្ពុជា។ នៅពេលដែលវិនិយោគិនកាន់តែច្រើនវិនិយោគ និងបើករោងចក្រ និងសហគ្រាសនៅក្នុងព្រះរាជាណាចក្រ ទីផ្សារកម្ពុជានឹងកាន់តែមានភាពស្វាហាប់ និងមានឱកាសកាន់តែច្រើន។

ដូច្នេះហើយ តើការជួលការិយាល័យនៅពេលចាប់ផ្តើមក្រុមហ៊ុននៅប្រទេសកម្ពុជាដោយរបៀបណា? ថ្ងៃនេះ Compass Real Estate នឹងចែករំលែកជាមួយលោកអ្នកនូវគន្លឹះមានប្រយោជន៍មួយចំនួនសម្រាប់ការជួលការិយាល័យ។ អញ្ជើញបន្តអាននូវអត្ថបទខាងក្រោមទាំងអស់គ្នា!

┊តម្រូវការជាក់លាក់┊

១. ថវិកា

ជាដំបូង អ្នកត្រូវកំណត់ថាតើអ្នកត្រូវការទំហំប៉ុនណា និងចំនួនថវិការបស់អ្នក។

ប្រសិនបើអ្នកមានបុគ្គលិកតែពីរបីនាក់ ហើយតាមពិតមិនត្រូវការកន្លែងច្រើនទេ ការិយាល័យរួមគ្នាអាចជាជម្រើសដ៏ល្អ។ ការិយាល័យរួមគ្នាជារឿយៗផ្តល់ជូននូវជម្រើសជួលដែលអាចបត់បែនបាន ហើយអាចនាំទៅរកការសន្សំសំចៃហិរញ្ញវត្ថុដ៏សំខាន់ទៀត។

ប្រសិនបើអ្នកត្រូវការទំហំធំជាងនេះ អ្នកក៏អាចពិចារណាជួលជាន់ទាំងមូល ឬអាគារទាំងមូលតែម្ដង។

បច្ចុប្បន្ននេះ អគារការិយាល័យនៅក្នុងប្រទេសកម្ពុជាត្រូវបានបែងចែកទៅជា លំដាប់ A, លំដាប់ B និង លំដាប់ C ដែលមានជម្រើសជាច្រើនសម្រាប់ជ្រើសរើស។ ការិយាល័យលំដាប់ A មានគុណភាពខ្ពស់បំផុត ជាមួយនឹងទីតាំងភូមិសាស្រ្តល្អប្រណីត មានសម្ភារៈទំនើបទាន់សម័យ និងសេវាកម្មគ្រប់គ្រងអចលនទ្រព្យប្រកបដោយវិជ្ជាជីវៈ។ វាគឺជាជម្រើសដំបូងសម្រាប់ក្រុមហ៊ុនខ្នាតធំជាច្រើន ឬជាទីស្នាក់ការកណ្ដាលរបស់ក្រុមហ៊ុន ដូច្នេះអ្នកជួលភាគច្រើននឹងជួលជាន់ទាំងមូលយកតែម្ដង។ ការិយាល័យលំដាប់ B មានកម្រិតមធ្យម ហើយចំណែកឯការិយាល័យលំដាប់ C គឺមានសភាពចាស់។

២. ការបន្តកុងត្រាជួល៖ នៅប្រទេសកម្ពុជា ការបន្តកិច្ចសន្យាជួលមិនមានចែងនៅក្នុងច្បាប់នោះឡើយ។ ម្ចាស់ផ្ទះ និងអ្នកជួលអាចចរចាលក្ខខណ្ឌថ្មី មុនពេលរយៈពេលជួលផុតកំណត់។ សម្រាប់ភតិកៈ អ្នកអាចចរចាជាមួយម្ចាស់ផ្ទះដើម្បីបញ្ចូលនីតិវិធីបន្តការជួលទៅក្នុងកិច្ចសន្យា រួមទាំងចំនួនអតិបរមានៃតម្លៃជួលដែលអាចកើនឡើងនៅពេលបន្ត ដើម្បីការពារសិទ្ធិ និងផលប្រយោជន៍ផ្ទាល់ខ្លួនរបស់អ្នក។

៣. ការបញ្ចប់កិច្ចសន្យាជួល៖ នៅពេលដែលកិច្ចសន្យាផុតកំណត់ សហគ្រាសត្រូវប្រគល់ការិយាល័យមកវិញតាមលក្ខខណ្ឌដែលទទួលបាន។

៤. ផ្ដល់ឱ្យជួលដោយឥតគិតថ្លៃ៖ រយៈពេលនៃកិច្ចសន្យាជួលដោយមិនគិតថ្លៃ ត្រូវបានកំណត់ដោយផ្អែកលើបរិមាណ ថ្លៃដើម និងរយៈពេលនៃការិយាល័យដែលបានជួល។ បច្ចុប្បន្ននេះ រយៈពេលជួលដោយមិនគិតថ្លៃ(ជួលសាកល្បងដោយមិនគិតថ្លៃ) អាចមានចាប់ពី ១ សប្តាហ៍ទៅដល់ ៣ ខែ។

┊ទីផ្សារការិយាល័យនៅរាជធានីភ្នំពេញ┊

នៅឆ្នាំ ២០២៣ មានការកើនឡើងនៃការផ្គត់ផ្គង់ការិយាល័យថ្មីជិត ២០០ ០០០ ម៉ែត្រការ៉េ បើធៀបនឹងឆ្នាំ ២០២២ ដែលក្នុងនោះការផ្គត់ផ្គង់ការិយាល័យលំដាប់ B មានការកើនឡើងគួរឱ្យកត់សម្គាល់។

បើនិយាយពីតម្លៃជួលវិញ តម្លៃជាមធ្យមសម្រាប់ការិយាល័យលំដាប់ A គឺប្រហែល ២៣ ដុល្លារក្នុងមួយម៉ែត្រការ៉េក្នុងមួយខែ។ ឧទាហរណ៍ អគារវឌ្ឍនៈ កាពីតាល មានតម្លៃចន្លោះពី ២៨-៤៨ ដុល្លារក្នុងមួយម៉ែត្រការ៉េ អគារFlatiron by Meridian មានតម្លៃ ២៨ ដុល្លារក្នុងមួយម៉ែត្រការ៉េ អគារMorgan Tower មានតម្លៃ ១៥ ដុល្លារក្នុងមួយម៉ែត្រការ៉េ ។

តម្លៃជួលសម្រាប់ការិយាល័យលំដាប់ B គឺលើសពី ១០ ដុល្លារក្នុងមួយម៉ែត្រការ៉េក្នុងមួយខែ។ អគារ Raintree Office មានតម្លៃចន្លោះពី ២៥-២៩ ដុល្លារក្នុងមួយម៉ែត្រការ៉េ អគារ Keystone Office មានតម្លៃចំនួន ២៥ ដុល្លារក្នុងមួយម៉ែត្រការ៉េ និងអគារ Amass Central Tower មានតម្លៃ ១៨ ដុល្លារក្នុងមួយម៉ែត្រការ៉េ។

សម្រាប់ការិយាល័យលំដាប់ C តម្លៃជួលចាប់ផ្តើមពី ៦ ដុល្លារក្នុងមួយម៉ែត្រការ៉េក្នុងមួយខែ។

សរុបសេចក្តីមក ការជួលការិយាល័យគឺជាដំណើរការដ៏ស្មុគស្មាញមួយ។ មានជម្រើសច្រើនពេកសម្រាប់អគារការិយាល័យនៅក្នុងទីក្រុងភ្នំពេញ ដែលតម្រូវឱ្យសហគ្រាសពិចារណាយ៉ាងទូលំទូលាយពីតម្រូវការជាក់លាក់ ត្រួតពិនិត្យនៅនឹងកន្លែង ការចរចា និងការចុះហត្ថលេខារហូតដល់ដំណាក់កាលចូលដល់ការគ្រប់គ្រង។ មានតែតាមរយៈរឿងទាំងនេះប៉ុណ្ណោះ ដែលអាចធានាថាក្រុមហ៊ុនអាចជួលនូវការិយាល័យដែលសមរម្យបំផុត និងចាក់គ្រឹះសម្រាប់ការអភិវឌ្ឍន៍រយៈពេលវែង។ ក្រៅពីការជួលការិយាល័យ ប្រសិនបើក្រុមហ៊ុនបានធ្វើផែនការអភិវឌ្ឍន៍រយៈពេលវែង និងមានថវិកាគ្រប់គ្រាន់ ការទិញដី និងសាងសង់អគារការិយាល័យផ្ទាល់ខ្លួនក៏ជាជម្រើសដ៏ល្អផងដែរ។