ក្រុមហ៊ុនអចលទ្រព្យខមភើស > ព័ត៌មានអំពីអចលទ្រព្យនៅប្រទេសកម្ពុជា > Others > កម្ពុជា សម្រេចបានអត្រាងើបឡើងវិញនៃវិស័យទេសចរណ៍ខ្ពស់បំផុតនៅអាស៊ីអាគ្នេយ៍

កម្ពុជា សម្រេចបានអត្រាងើបឡើងវិញនៃវិស័យទេសចរណ៍ខ្ពស់បំផុតនៅអាស៊ីអាគ្នេយ៍

2024-03-14

217

សង្ខេប：កម្ពុជាជាប់ចំណាត់ថ្នាក់លេខ ១ ក្នុងអត្រាស្ទុះងើបឡើងវិញនៃវិស័យទេសចរណ៍នៅតំបន់អាស៊ីអាគ្នេយ៍ក្នុងឆ្នាំ ២០២៣។

កម្ពុជាជាប់ចំណាត់ថ្នាក់លេខ ១ ក្នុងអត្រាស្ទុះងើបឡើងវិញនៃវិស័យទេសចរណ៍នៅតំបន់អាស៊ីអាគ្នេយ៍ក្នុងឆ្នាំ ២០២៣។

យោងតាមរបាយការណ៍របស់ក្រុមហ៊ុនស្រាវជ្រាវទេសចរណ៍ Outbox Consulting វិស័យទេសចរណ៍របស់ប្រទេសកម្ពុជា មានអត្រាស្ទុះងើបឡើងវិញខ្ពស់បំផុតក្នុងឆ្នាំ២០២៣ ក្នុងបណ្តាប្រទេសអាស៊ីអាគ្នេយ៍ គឺ ៨២.៥% នៃកម្រិតមុនជំងឺកូវីដ-១៩។

ប្រទេសដែលជាប់ចំណាត់ថ្នាក់លេខ២ និងលេខ៣គឺ ម៉ាឡេស៊ីដែលមានអត្រា ៧៧.២% និង ឥណ្ឌូណេស៊ីជាមួយនឹងអត្រា ៧១.៧% នៃការងើបឡើងវិញវិស័យទេសចរណ៍។ បន្ទាប់មកគឺសិង្ហបុរី ៧១.៣% ថៃ ៧០.៤% វៀតណាម ៧០% និងហ្វីលីពីន ៦៦%។

របាយការណ៍បានបង្ហាញទៀតថា កាលពីឆ្នាំមុន ម៉ាឡេស៊ីបានជាប់ចំណាត់ថ្នាក់លេខ១ ក្នុងការទទួលភ្ញៀវទេសចរណ៍ដែលមានចំនួន ២៩ លាននាក់ ក្នុងនោះ មានភ្ញៀវទេសចរបរទេសជិត ៩លាននាក់ ដែលបានធ្វើដំណើរកម្សាន្តក្នុងប្រទេសនេះរយះពេលមួយថ្ងៃប៉ុណ្ណោះ។

បន្ទាប់មកប្រទេសថៃជាប់ចំណាត់ថ្នាក់លេខ២ បានទទួលភ្ញៀវទេសចរណ៍ ២៨លាននាក់ ដែលតាមពីក្រោយដោយសិង្ហបុរី (១៣,៦លាននាក់) និងវៀតណាម (១២,៦លាននាក់)។

គួរជម្រាបថា ចាប់តាំងពីចុងឆ្នាំមុនមក ប្រទេសថៃ និងម៉ាឡេស៊ីបានលើកលែងទិដ្ឋាការសម្រាប់ភ្ញៀវទេសចរមកពីប្រទេសសេដ្ឋកិច្ចធំៗដូចជាប្រទេសចិន និងឥណ្ឌា។

---------------------------------- The End ----------------------------------

ការបដិសេធទទួលខុសត្រូវ៖ អត្ថបទដែលបានបង្ហោះបន្តនៅលើគេហទំព័រខមភើស គឺសម្រាប់ក្នុងគោលបំណងបញ្ជូននូវព័ត៌មានបន្ថែមហើយមិនមានន័យថាគេហទំព័រខមភើសយល់ព្រមនឹងទស្សនៈរបស់អត្ថបទឬបញ្ជាក់ពីភាពត្រឹមត្រូវនៃខ្លឹមសាររបស់អត្ថបទឡើយ។ អត្ថបទដែលបានកត់សម្គាល់ថា “ ប្រភពមកពី៖ Compass original” សូមបញ្ជាក់ថាមានប្រភពមកពីគេហទំព័រខមភើសផ្ទាល់តែម្ដង។ ប៉ុន្តែខ្លឹមសារនៃអត្ថបទគឺសម្រាប់ទុកជាឯកសារយោងតែប៉ុណ្ណោះ មិនគួរចាត់ទុកជាដំបូន្មានលើការវិនិយោគនោះទេ ហើយក៏មិនមានន័យថាគេហទំព័រខមភើសយល់ព្រមទាំងស្រុងនឹងទស្សនៈទាំងនោះឡើយ។

ចែករំលែក

មតិយោបល់ចុងក្រោយ

ព្រឹត្តិការណ៍ថ្មីៗ