ក្នុងរយៈពេល ៦ខែ របស់រាជរដ្ឋាភិបាលអាណត្តិថ្មី ពោលចាប់ពីខែកញ្ញា ឆ្នាំ២០២៣ ដល់ខែកុម្ភៈ ឆ្នាំ២០២៤នេះ មានគម្រោងវិនិយោគចំនួន ១៧៣គម្រោង ត្រូវបានចុះបញ្ជីនៅក្រុមប្រឹក្សាអភិវឌ្ឍន៍កម្ពុជា (CDC) សរុបទុនវិនិយោគ ៤១៥០លានដុល្លារ បង្កើតការងារជាង ១៧ម៉ឺនកន្លែង។
នេះបើតាមការថ្លែងរបស់សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រីនៃកម្ពុជា ធ្វើឡើងក្នុងឱកាសអញ្ជើញដឹកនាំកិច្ចប្រជុំពេញអង្គគណៈរដ្ឋមន្ត្រី នាព្រឹកថ្ងៃទី១៥ ខែមីនា ឆ្នាំ២០២៤ នៅវិមានសន្តិភាព។
សម្តេចបានបញ្ជាក់ទៀតថា សម្រាប់គម្រោងវិនិយោគទាំង ១៧៣គម្រោងនេះ មានក្នុងវិស័យកសិកម្ម កសិ-ឧស្សាហកម្ម ឧស្សាហកម្មទេសចរណ៍ ហេដ្ឋារចនាសម្ព័ន្ធ និងផ្សេងៗទៀត។ ចំណែកប្រភពនៃការវិនិយោគមានមកពីប្រទេសចិន សិង្ហបុរី អាមេរិក កូរ៉េខាងត្បូង វៀតណាម ថៃ ប្រុយណេ ជប៉ុន និងប្រទេសជាច្រើនទៀត ព្រមទាំងពីកម្ពុជា ខ្លួនឯងផងដែរ។
សម្តេចបានថ្លែងថា រាជរដ្ឋាភិបាលកម្ពុជា កំពុងធ្វើការយ៉ាងសកម្ម ក្នុងការលើកកម្ពស់បរិយាកាស និងការលើកទឹកចិត្តវិនិយោគ ដើម្បីជំរុញ និងបង្កើនសកម្មភាពសេដ្ឋកិច្ច ព្រមទាំងបង្កើនការងារ។ ជាក់ស្តែងតាំងសម្តេចផ្ទាល់ និងថ្នាក់ដឹកនាំជាច្រើនទាំងថ្នាក់ជាតិ និងក្រោមជាតិ បានជួបប្រជុំ និងទាក់ទងជាមួយវិស័យជនជាច្រើនទាំងក្នុង និងក្រៅប្រទេស ពោលគឺតាមតែពីរាជរដ្ឋាភិបាលអាណត្តិទី៧ ត្រូវបានបង្កើត។
សម្តេចបានអះអាងថា សម្តេចបានសង្កេតឃើញថា វិនិយោគិនបរទេសភាគច្រើន បានឃើញសក្តានុពលរបស់កម្ពុជា នឹងមានចំណាប់អារម្មណ៍ មកបណ្តាក់ទុន នៅកម្ពុជា ផងដែរ ។
សម្តេចបានថ្លែងបញ្ជាក់ទៀតថា ៦ខែមកនេះ រោងចក្រសហគ្រាសសរុបដែលបានបើកថ្មីមាន៣៣១៣ ក្នុងនោះមានវិស័យកាត់ដេរ ១៦៤រោងចក្រ និងមិនមែនកាត់ដេរ មាន ៣១៤៩រោងចក្រ បង្កើតការងារសរុប ៧៦០០០កន្លែង។
នាឱកាសនោះដែរ សម្ដេចបានឲ្យដឹងទៀតថា នាពេលខាងមុខនឹងមានគណៈប្រតិភូវិនិយោគិនកូរ៉េខាងត្បូង មកបំពេញទស្សនកិច្ចនៅកម្ពុជា ខណៈសម្ដេច ក៏នឹងអញ្ជើញបំពេញទស្សនកិច្ចនៅកូរ៉េខាងត្បូង ក្នុងខែឧសភា ឆ្នាំ២០២៤នេះផងដែរ។
សម្ដេចបន្ថែមទៀតថា ក្នុងដំណើរ ទស្សនកិច្ចផ្លូវការ នៅកូរ៉េខាងត្បូង នាពេលខាងមុខនេះ សម្ដេចនឹងជជែកពិភាក្សា ជាការងារជាមួយ លោកប្រធានាធិបតីកូរ៉េត្បូង ដើម្បីទាក់ទាញការ វិនិយោគិនពីកូរ៉េខាងត្បូង មកវិនិយោគនៅកម្ពុជាបន្ថែមទៀត។
គួរជម្រាបថា បើគិតរយៈពេល២ខែដើមឆ្នាំ២០២៤នេះ កម្ពុជាទទួលបានគម្រោងវិនិយោគចំនួន ៦៩គម្រោង ក្រោមទុនវិនិយោគសរុបជិត ១.៣ពាន់លានដុល្លារ។
0
()
Application has been successfully submitted
we will contact you soon, please pay attention
ទូរស័ព្ទ:+855 66300666
+855 (0) 23222206 (CN/EN/KH)
+86 023 67480241 (CN)
+855 (0) 66400666 (CN/EN/KH)