រដ្ឋាភិបាល ពិភាក្សាពីកម្មវិធីវិនិយោគរយៈពេលបីឆ្នាំខាងមុខ ដែលមានគម្រោងសរុបចំនួន ៦១៧ គម្រោង និងត្រូវការទុនសរុបជិត ១២ ពាន់លានដុល្លារអាមេរិក។
សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រី នៃព្រះរាជាណាចក្រកម្ពុជា បានអញ្ជើញដឹកនាំកិច្ចប្រជុំពេញអង្គគណៈរដ្ឋមន្រ្តី នាថ្ងៃទី១៥ ខែមីនា ឆ្នាំ២០២៤ នេះ។
បើតាមសេចក្តីប្រកាសព័ត៌មានរបស់ទីស្តីការគណៈរដ្ឋមន្ត្រី កិច្ចប្រជុំនេះក៏បានពិភាក្សានិងឆ្លងរបៀបវារៈ 《សេចក្តីព្រាងកម្មវិធីវិនិយោគសាធារណៈ ៣ឆ្នាំរំកិល ២០២៥-២០២៧》។ កម្មវិធីនេះ ជាឧបករណ៍ផ្នែកគោលនយោបាយមួយសម្រាប់អនុវត្តផែនការយុទ្ធសាស្ត្រអភិវឌ្ឍន៍ជាតិ ២០២៤- ២០២៨ តាមរយៈការស្នើឡើងនូវគម្រោងវិនិយោគសាធារណៈដែលអាចឆ្លើយតបទៅនឹងអាទិភាព ដូចមានចែងក្នុង យុទ្ធសាស្ត្របញ្ចកោណ-ដំណាក់កាលទី១ និងផែនការយុទ្ធសាស្ត្រអភិវឌ្ឍន៍ជាតិ ២០២៤-២០២៨។
កម្មវិធីវិនិយោគនេះបានរៀបចំឡើងដោយមានការសម្របសម្រួលនិងដឹកនាំដោយក្រសួងផែនការ និងមានការចូលរួមផ្តល់ធាតុចូលពីគ្រប់ក្រសួង ស្ថាប័ន។
កម្មវិធីវិនិយោគនេះ មានគម្រោងសរុបចំនួន ៦១៧ គម្រោង ក្នុងនោះគម្រោងកំពុងដំណើរការមានចំនួន ១៧៣ គម្រោង និងគម្រោងសម្រាប់អនុវត្តផែនការយុទ្ធសាស្ត្រអភិវឌ្ឍជាតិ មានចំនួន ៤៤៤ គម្រោង។ ក្នុងចំណោមគម្រោងសរុប ៦១៧ មាន ១៧៣ គម្រោងកំពុងដំណើរការ ដោយត្រូវការទុនចំនួន ៤ ៦៧៨ លានដុល្លារអាមេរិក និង ៤៤៤ គម្រោងទៀត ជាគម្រោងសម្រាប់អនុវត្តផែនការយុទ្ធសាស្ត្រអភិវឌ្ឍជាតិ ដោយត្រូវការទុនចំនួន ៧ ០១៤លានដុល្លារអាមេរិក។
គួរជម្រាបថា នៅឆ្នាំ២០២៤នេះ សេដ្ឋកិច្ចកម្ពុជា ត្រូវបានរំពឹងថានឹងកើនឡើងក្នុងអត្រា ៦,៤%។
បើធៀបនឹង《កម្មវិធីវិនិយោគសាធារណៈ ៣ ឆ្នាំរំកិល ២០២៣-២០២៥》គម្រោងវិនិយោគសាធារណៈមានតិចជាងមុនចំនួន ៤៦ គម្រោង ប៉ុន្តែទុនវិនិយោគសរុបនឹងកើនឡើង ២ ៥៧១ លានដុល្លារអាមេរិក ឬស្មើនិង ២៨% ។
ក្នុងចំណោមគម្រោងវិនិយោគសាធារណៈ ឆ្នាំ ២០២៣ ដល់ឆ្នាំ ២០២៥ វិស័យហេដ្ឋារចនាសម្ព័ន្ធមាន ៣៧,៤% វិស័យសេដ្ឋកិច្ចមាន ៤៣,៦% វិស័យសេវាកម្មមាន ៥,៦% និងវិស័យសង្គមកិច្ច ១៣,៤% ។
0
()
Application has been successfully submitted
we will contact you soon, please pay attention
ទូរស័ព្ទ:+855 66300666
+855 (0) 23222206 (CN/EN/KH)
+86 023 67480241 (CN)
+855 (0) 66400666 (CN/EN/KH)