កាលពីថ្ងៃទី៩ ខែមេសា ឆ្នាំ២០២៤ ក្រសួងរៀបចំដែនដី នគរូបនីយកម្ម និងសំណង់ បានរៀបចំពិធីដាក់ឱ្យប្រើប្រាស់ជាផ្លូវការ សេវាសាធារណៈតាមប្រព័ន្ធឌីថល ដែលអាចឱ្យប្រជាពលរដ្ឋធ្វើការស្នើសុំសេវាពីក្រសួងបានគ្រប់ទីកន្លែង និងមានភាពងាយស្រួលជាងមុន។ ដោយកម្មវិធីនេះប្រព្រឹត្ដទៅក្រោមអធិបតីភាពឯកឧត្ដម សាយ សំអាល់ ឧបនាយករដ្ឋមន្ដ្រី រដ្ឋមន្ដ្រីក្រសួងរៀបចំដែនដី នគរូបនីយកម្ម និងសំណង់។
ការដាក់ឱ្យប្រើប្រាស់សេវាសាធារណៈតាមប្រព័ន្ធឌីជីថលនេះ គឺក្នុងទិសដៅបង្កើនគុណភាព និងពង្រីកវិសាលភាពសេវាសាធារណៈឲ្យកាន់តែរហ័ស ប្រសិទ្ធភាព និងតម្លាភាព គឺផ្អែកលើមូលដ្ឋានទិន្នន័យ និងការធ្វើបរិវត្ដកម្មឌីជីថល។ ដោយក្នុងនោះក្រសួងបានកសាងនូវប្រព័ន្ធឌីជីថលសំខាន់ៗដូចខាងក្រោម៖
● ការស្នើសុំសេវាសាធារណៈអនឡាញ ដែលជាមធ្យោបាយថ្មីមួយ ក្នុងការផ្ដល់សេវាសាធារណៈរបស់ក្រសួងតាមប្រព័ន្ធអនឡាញ ធានាបាននូវសុវត្ថិភាព ប្រសិទ្ធភាព មានភាពងាយស្រួល ចំណេញពេលវេលា។
● ចរន្ដការរដ្ឋបាលក្រសួងតាមប្រព័ន្ធអេឡិចត្រូនិក ដែលមានមុខងារសម្រួលដល់ចរន្ដការឯកសារផ្ទៃក្នុងរបស់ក្រសួង។
● កសាងបណ្ណាល័យឯកសារគតិយុត្ដអេឡិចត្រូនិក មានលក្ខណៈវ័យឆ្លាត ងាយស្រួលស្វែងរកឯកសារគតិយុត្ដតាមទម្រង់ HTML
● ការចុះបញ្ជីដីធ្លីតាមប្រព័ន្ធអេឡិចត្រូនិក ដើម្បីធានាសុវត្ថិភាពក្នុងការគ្រប់គ្រងទិន្នន័យ ជាពិសេសការរៀបចំប្រព័ន្ធទិន្នន័យឱ្យមានលក្ខណៈប្រមូលផ្ដុំ។
● រៀបចំថ្នាល “មជ្ឈមណ្ឌលប្រជាជន” (People Center) ដែលជាថ្នាលប្រមូលផ្ដុំទិន្នន័យគ្រប់ប្រភេទសម្រាប់ផ្ដល់សេវាដល់ប្រជាពលរដ្ឋកម្ពុជាទូទាំងប្រទេស និងជាថ្នាលដែលអនុញ្ញាតឱ្យក្រសួងស្ថាប័នបញ្ចូលព័ត៌មានគោលក្នុងវិស័យរបស់ខ្លួន ដើម្បីក្លាយជាផែនទីជាតិរួមមួយសម្រាប់ប្រើប្រាស់ក្នុងការសិក្សាវិភាគ និងរៀបចំផែនការអភិវឌ្ឍឲ្យកាន់តែមានភាពគ្រប់ជ្រុងជ្រោយ។
ជារួម ការងារផ្តល់សេវាសាធារណៈ និងការគ្រប់គ្រងទិន្នន័យ ជាអាទិភាពគោលនយោបាយក្រសួង គឺមានវឌ្ឍនភាពគួរឱ្យកត់សម្គាល់ ដែលនេះពិតជាបានចូលរួមចំណែកយ៉ាងសំខាន់ក្នុងកិច្ចដំណើរការផ្តល់សេវាសាធារណៈ ដោយធានាបានទាំងគុណភាព វិសាលភាព និងកាត់បន្ថយពេលវេលា។ ការណ៍នេះ នឹងជម្រុញឱ្យមានការចូលរួមបន្ថែមទៀតពីគ្រប់តួអង្គទាំងអស់រួមមាន ស្ថាប័នសាធារណៈ វិស័យឯកជន ជាពិសេសអ្នកប្រើប្រាស់សេវាសាធារណៈ ដែលកាន់តែទុកចិត្តមកលើការផ្តល់សេវា ពោលគឺកសាងបានភាពជឿទុកចិត្តលើប្រព័ន្ធឌីជីថល របស់រាជរដ្ឋាភិបាល ស្របតាមទិសដៅអាទិភាពនៃយុទ្ធសាស្ត្របញ្ចកោណ ដំណាក់កាលទី១។
ជាមួយគ្នានេះ អ្នកប្រើប្រាស់អាចស្នើសុំសេវាទាំងនេះ នៅលើវេបសាយរបស់ក្រសួង www.mlmupc.gov.kh ដោយមិនចាំបាច់មកដាក់ពាក្យផ្ទាល់នៅការិយាល័យច្រកចេញ-ចូលតែ១ របស់ក្រសួងរៀបចំដែនដី នគរូបនីយកម្ម និងសំណង់ ។ ទន្ទឹមគ្នានេះ អ្នកប្រើប្រាស់ក៏អាចស្នើសុំសេវាទាំងនេះ នៅលើ APP Camdigikey និងថ្នាល CamDX របស់ក្រសួងសេដ្ឋកិច្ចនិងហិរញ្ញវត្ថុផងដែរ ដែលធានាបាននូវសុវត្ថិភាពនៃការប្រើប្រាស់ និងភាពលឿនរហ័សនៃការបំពេញទិន្នន័យបុគ្គល និងក្រុមហ៊ុន។
លើសពីនេះទៅទៀត ក្រសួងរៀបចំដែនដី នគរូបនីយកម្ម និងសំណង់ បាននឹងកំពុងសហការជាមួយក្រសួងមហាផ្ទៃ លើការរៀបចំសេវាសាធារណៈដែលបានធ្វើប្រតិភូកម្មទៅមន្ទីរ រៀបចំដែនដី នគរូបនីយកម្ម សំណង់ និងសុរិយោដី (ដ.ន.ស.ស) រាជធានី-ខេត្តទាំង២៥ ជាសេវាអនឡាញជាបណ្តើរៗ ក្នុងនោះមន្ទីរនៅរាជធានីភ្នំពេញកំពុងរៀបចំបានមួយជំហានរួចហើយ។
ចំពោះដំណើរការនៃការស្នើសុំសេវាអនឡាញ ក្រសួងរៀបចំដែនដី នគរូបនីយកម្ម និងសំណង់មានដូចខាងក្រោម៖
ដំណាក់កាលទី១៖ ម្ចាស់សំណើ បំពេញបែបបទអនឡាញ
ដំណាក់កាលទី២៖ ច្រកចេញចូលតែ១ ត្រួតពិនិត្យទទួលសំណើ
ដំណាក់កាលទី៣៖ បញ្ជូនទៅអគ្គនាយកដ្ឋានជំនាញចុះត្រួតពិនិត្យ
ដំណាក់កាលទី៤៖ បញ្ជូនទៅថ្នាក់ដឹកនាំត្រួតពិនិត្យ និងសម្រេចចុងក្រោយ៕
0
()
Application has been successfully submitted
we will contact you soon, please pay attention
ទូរស័ព្ទ:+855 66300666
+855 (0) 23222206 (CN/EN/KH)
+86 023 67480241 (CN)
+855 (0) 66400666 (CN/EN/KH)