រយៈពេល៣ថ្ងៃបុណ្យចូលឆ្នាំខ្មែរ កម្ពុជាទទួលភ្ញៀវទេសចរសរុបជាង ១៣ លាននាក់

នាឱកាសពិធីបុណ្យចូលឆ្នាំថ្មីប្រពៃណីជាតិខ្មែរ រយៈពេល០៣ថ្ងៃ ដែលត្រូវនឹងថ្ងៃទី១៣-១៥ ខែមេសា ឆ្នាំ២០២៤នេះ ខេត្តដែលទទួលបានភ្ញៀវទេសចរច្រើនជាងគេតាមរបាយការណ៍ស្ថិតិទេសចរណ៍ មានចំនួន៥ខេត្ត ខណៈនោះខេត្តកំពង់ចាមជាខេត្ត ១ ដែលទទួលបានភ្ញៀវទេសចរច្រើនជាងគេបំផុត ដោយភ្ញៀវទេសចរជាតិមានចំនួនប្រមាណ ៣ ៤៣១ ២២៤ នាក់ និងភ្ញៀវទេសចរអន្តរជាតិមានចំនួនប្រមាណ ៣៥៦ នាក់។

យោងតាមប្រភពពីក្រសួងព័ត៌មានបានឱ្យដឹងថា រាជធានី-ខេត្ត ដែលទទួលបានទេសចរច្រើនជាងគេទាំង៥ សម្រាប់បុណ្យចូលឆ្នាំថ្មីប្រពៃណីជាតិខ្មែរ រយៈពេល០៣ថ្ងៃ នៃឆ្នាំ២០២៤នេះ រួមមាន÷ 

១. កំពង់ចាម មានទេសចរជាតិ ប្រមាណ ៣ ៤៣១ ២២៤ នាក់ និងទេសចរបរទេស ប្រមាណ ៣៥៦ នាក់

២. កំពង់ស្ពឺ មានទេសចរជាតិ ប្រមាណ ១ ២៣៣ ២៩៥ នាក់ និងទេសចរបរទេស ប្រមាណ ១ ២៤៣ នាក់

៣. បាត់ដំបង មានទេសចរជាតិ ប្រមាណ ១ ០៧១ ៥៥៥ នាក់ និងទេសចរបរទេស ប្រមាណ ១ ៦៤១ នាក់

៤. ព្រៃវែង មានទេសចរជាតិ ប្រមាណ ១ ០១៤ ៦០៦ នាក់ និងទេសចរបរទេស ប្រមាណ ៣៣ នាក់

៥. សៀមរាប មានទេសចរជាតិ ប្រមាណ ៩៤៣ ០០០ នាក់ និងទេសចរបរទេស ប្រមាណ ១២ ៩៩១ នាក់

គួរបញ្ជាក់ផងដែរថាចំពោះសិ្ថតិសរុបរួមនៃចំនួនភ្ញៀវទេសចរទាំងអស់ក្នុងឱកាសបុណ្យចូលឆ្នាំថ្មីប្រពៃណីជាតិ មានទេសចរជាតិ ប្រមាណ ១៣ ២៧៧ ៥៥៦ នាក់ និងទេសចរបរទេស ប្រមាណ ៨១ ៧៤៥ នាក់៕