គម្រោងផ្លូវនាវាចរណ៍ (ព្រែកជីកហ្វូណនតេជោ) ត្រូវបានរាជរដ្ឋាភិបាលអនុញ្ញាតឲ្យដំណើរការ ដោយធ្វើការស្ដារ និងជីកផ្លូវទឹកទន្លេបាសាក់តភ្ជាប់ទៅសមុទ្រខេត្ដកែប មានចម្ងាយប្រមាណ ១៨០ គីឡូម៉ែត្រ ដែលក្នុងនោះតម្រូវឲ្យជីកផ្លូវថ្មី ដើម្បីតភ្ជាប់ពីព្រែកតាកែវ ទន្លេមេគង្គ តភ្ជាប់ទៅព្រែកតាហ៊ីង ទន្លេបាសាក់ ទៅសមុទ្រខេត្ដកែប។
យោងតាមផែនការមេគ្រប់ជ្រុងជ្រោយស្ដីពីប្រព័ន្ធដឹកជញ្ជូនអន្តរមធ្យោបាយ និងភស្ដុភារកម្មកម្ពុជា ២០២៣-២០៣៣ គម្រោងនេះត្រូវសាងសង់សន្ទះប្រឡាយនាវាចរណ៍ចំនួន ៣ ដែលស្ថិតនៅលើព្រែកតាកែវ នៃស្រុកកៀនស្វាយ ខេត្ដកណ្ដាល, ក្រុងស្វាយដូនកែវ ខេត្ដតាកែវ និងស្រុកដំណាក់ចង្អើរ ខេត្ដកែប។ គម្រោងនេះក៏មានគម្រោងសាងសង់កំពង់ផែយុទ្ធសាស្ដ្រចំនួន ២ រួមមាន៖ នៅទីរួមខេត្ដតាកែវ និងស្រុកដំណាក់ចង្អើរ ខេត្ដកែប ដែលជាតំបន់មជ្ឈមណ្ឌលភស្ដុភារកម្ម និងតំបន់ផ្លាស់ប្ដូរពហុមធ្យោបាយដឹកជញ្ជូន និងកំពង់ផែរណបចំនួន ៤ គឺ៖ ស្រុកកំពង់ត្រាច ស្រុកអង្គរជ័យ ស្រុកអង្គរបុរី និងស្រុកស្អាង ដែលមានតួនាទីជាផែជំនួយ និងជាឃ្លាំងផ្ទុកនិងចែកចាយទំនិញ សម្រាប់តំបន់ដែលនៅជុំវិញកំពង់ផែនេះ។
គម្រោងនេះក៏មានផែនការសាងសង់ផ្លូវមេចំនួន ២ នៅអមសងខាងផ្លូវទឹកនេះដែរ និងត្រូវសាងសង់ស្ពានមួយចំនួនតាមបណ្ដោយផ្លូវទឹកនេះពីស្រុកកៀនស្វាយ រហូតដល់សមុទ្រខេត្ដកែប។
សម្រាប់គម្រោងផ្លូវទឹកប្រវត្ដិសាស្រ្ដនេះដែរ គឺត្រូវបានទទួលសិទ្ធិវិយោគ និងសាងសង់ដោយក្រុមហ៊ុនសាជីវកម្មស្ពាន និងថ្នល់ចិន (CRBC) ក្រោមទម្រង់ BOT (សាងសង់-ធ្វើអាជីវកម្ម-ផ្ទេរ)។ តាមការបង្ហើបឲ្យដឹងពីឯកឧត្ដម ប៉េង ពោធិ៍នា កាលពីអំឡុងខែមករា កន្លងទៅបានឲ្យដឹងថា គម្រោងព្រែកជីកហ្វូណនតេជោនេះ គ្រោងរៀបចំពិធីបើកការដ្ឋានសាងសង់ក្នុងអំឡុងត្រីមាសទី៤ ឆ្នាំ២០២៤ ខាងមុខនេះ។ ដោយឡែកកាលពីពេលថ្មីៗនេះ ឯកឧត្ដម ស៊ុន ចាន់ថុល ឧបនាយករដ្ឋមន្ដ្រី អនុប្រធានទី១ ក្រុមប្រឹក្សាភិវឌ្ឍន៍កម្ពុជា បានឲ្យដឹងថា គម្រោងខាងអាចនឹងរំពឹងបើកការដ្ឋាននៅអំឡុងខែមិថុនា ឬខែកក្កដា ខាងមុខនេះតែម្ដង។
នៅថ្ងៃទី ២០ ខែមីនានេះដែរ ឯកឧត្ដម ប៉េង ពោធិ៍នា ក៏បានជួបជាមួយគណៈប្រតិភូក្រុមហ៊ុនសាជីវកម្មស្ពាន និងថ្នល់ចិន (China Road and Bridge Corporation - CRBC) ដឹកនាំដោយ លោក កាវ ស៊ីន (Mr. Gao Xin) នាយករងគ្រប់គ្រងទូទៅការិយាល័យក្រុមហ៊ុនប្រចាំនៅកម្ពុជា ដើម្បីជម្រុញដំណើរការអនុវត្តគម្រោងផ្លូវនាវាចរណ៍ “ព្រែកជីកហ្វូណនតេជោ”៕
0
()
Application has been successfully submitted
we will contact you soon, please pay attention
ទូរស័ព្ទ:+855 66300666
+855 (0) 23222206 (CN/EN/KH)
+86 023 67480241 (CN)
+855 (0) 66400666 (CN/EN/KH)