កាលរយះពេលថ្មីៗនេះ ស្ថានីយទូរទស្សន៍ បី ធី វី បានធ្វើកិច្ចសម្ភាសន៍ពិសេសជាមួយនឹងអ្នកជំនាញអចលនទ្រព្យមួយរូប គឺលោក សន សៀប ប្រធានសមាគមអ្នកវាយតម្លៃ និងភ្នាក់ងារអចលនវត្ថុកម្ពុជា (CVEA) ក្នុងប្រធានបទស្ដីពី "ស្ថានភាពអចលនទ្រព្យ មុន និងក្រោយបោះឆ្នោត។ "
នៅក្នុងកិច្ចសម្ភាសន៍ខាងលើ លោក សន សៀប បានលើកឡើងថា ទាញទៅរយៈពេលយូរ មុនបោះឆ្នោត អចលនវត្ថុមានតម្លៃឡើងចុះខ្លាំងតាំងពីឆ្នាំ២០០០។
អចលនវត្ថុមានតម្លៃឡើងចុះខ្លាំងតាំងពីឆ្នាំ២០០០ដល់ឆ្នាំ២០០៨ ដោយសារវិបតិ្តសេដ្ឋកិច្ច និងក្រោយបោះឆ្នោតឆ្នាំ២០០៨ នៃឆមាសទី២ តម្លៃអចលនទ្រព្យធ្លាក់ចុះខ្លាំងរហូតដល់ ៥០%។ រហូតដល់អំឡុងឆ្នាំ២០១១ ២០១២ តម្លៃឡើងដល់កំរិតតុល្យភាពវិញ។ រហូតដល់ដើមឆ្នាំ២០១៩ ស្ថានភាពអចលនទ្រព្យឃើញថាមានឱកាសច្រើន តែគួរឲ្យសោកស្ដាយបែរជាមានវិបតិ្តជំងឺឆ្លងកូវី១៩ បញ្ហាហ្គេមអនឡាយ និងសង្រ្គាមអ៊ុយក្រែន បានញ៉ាំងឱ្យសេដ្ឋកិច្ចធ្លាក់ចុះ ដោយនាំឱ្យវិស័យអចលនទ្រព្យមួយភាគធំបានជាប់គាំង។
សម្រាប់ក្រោយបោះឆ្នោត ស្ថេរភាពនយោបាយ បើប្រៀបធៀប ពីការបោះឆ្នោតមុន ប្រជាជនមានទំនុកចិត្តលើការនយោបាយក្នុងប្រទេស បើធៀបនឹងអាណិត្តិមុនៗ រហូតដល់បច្ចុប្បន្នគិតចាប់តាំងពីឆ្នាំ១៩៩៣។ សក្តារនុពលនៃ ថ្នាក់ដឹកនាំបន្តវេន និងពោរពេញដោយសមត្ថភាពដែលនាំឲ្យប្រជាជនមានជំនឿខ្លាំងជាងមុន។
លោកបានបន្តទៀត បម្រែបម្រួលនៅចន្លោះអន្តរកាល ៦ខែទៅ១ឆ្នាំ ក្នុងឆ្នាំ២០២៣ ផលិតផលវិនិយោគទី១ គួរតែជាអចលនទ្រព្យ ដែលមានភាពធន់ក្នុងការទប់ទល់នឹងអតិផរណា។
ក្រឡេកទៅកាន់ វិស័យសំណង់វិញនៅមានបញ្ហាមួយចំនួន ដោយខ្វះការទទួលខុសត្រូវ និងមានចន្លោះប្រហោង ខ្វះការរឹតបន្តឹង ដែលលោកប្រធានសមាគមបានបង្ហាញការយល់ឃើញថា “រដ្ឋគួរតែមានវិធានការដោះស្រយ និងកុំរឹតបន្តឹងពេកសំរាប់គម្រោងសាងសង់ដែលកំពុងបន្ត ព្រោះថាបានចេញជារូបរាងខ្លះហើយ ប្រសិនបើបញ្ឈប់អាចបង្កជាបញ្ហាច្រើនផ្នែក ប៉ុន្តែគួររឹតបន្តឹងទៅលើគម្រោងដែលទើបតែរៀបនឹងសាងសង់ក្នុងការបញ្ចៀសបញ្ហាឲ្យបានមុន។”
ជាចុងក្រោយ លោកប្រធានសមាគមក៏បានផ្ដល់ជាមតិយោបល់មួយចំនួនសម្រាប់អ្នកអភិវឌ្ឍអចលនទ្រព្យ គួរធ្វើការព្យាករណ៍ជាមុននូវហានិភ័យ ជាពិសេសលំហូរសាច់ប្រាក់ ទោះបីជាមានបញ្ហាក៏នឹងប្រឈមតិចដែរ។ ចំពោះអ្នកទិញ ចង់វិនិយោគលើអចលនទ្រព្យឬសម្រាប់ទុកផ្ទាល់ខ្លួន គប្បីស្វែងរកការពិភាក្សាជាមួយអ្នកជំនាញពីខាងស្ថាប័នហិរញ្ញវត្ថុ ឬអចលនទ្រព្យ ក្នុងការសិក្សាអំពីចំណូលនិងចំណាយរបស់ខ្លួនចៀសវាងជួបហានិភ័យនាពេលអនាគត។
0
()
Application has been successfully submitted
we will contact you soon, please pay attention
ទូរស័ព្ទ:+855 66300666
+855 (0) 23222206 (CN/EN/KH)
+86 023 67480241 (CN)
+855 (0) 66400666 (CN/EN/KH)