អត្ថបទណែនាំអំពីខណ្ឌបឹងកេងកង - ជាទីតាំងសំខាន់ និងតំបន់រស់នៅបែបអន្តរជាតិ

ខណ្ឌបឹងកេងកង តែងតែត្រូវបានគេចាត់ទុកថាជាតំបន់លំនៅឋានដ៏សំខាន់ និងត្រូវបានគេស្គាល់ផងដែរថាជាតំបន់ CBD (តំបន់ពាណិជ្ជកម្មកណ្តាល) ក្នុងរាជធានីភ្នំពេញ ដែលជារាជធានីនៃប្រទេសកម្ពុជា។

ជនបរទេសដែលជាបុគ្គលិកក្នុងអង្គការក្រៅរដ្ឋាភិបាលមួយចំនួនធំ និងឥស្សរជនដែលមានជំនាញវិជ្ជាជីវៈមានការងារនៅទីនេះ លំនៅដ្ឋាន និងអគារការិយាល័យកម្រិតខ្ពស់ជាច្រើនបានប្រមូលផ្តុំគ្នានៅទីនេះជាមួយនឹងកន្លែងជំនួយផ្សេងៗ។ តំបន់មួយនេះជាតំបន់រស់នៅបែបអន្តរជាតិ និងតំបន់លំនៅឋាន ហើយវាក៏ជាកន្លែងដែលត្រូវទៅទស្សនាសម្រាប់ភ្ញៀវទេសចរដ៏ច្រើនផងដែរ។

១.ការណែនាំអំពីតំបន់

១.១ ទិដ្ឋភាពទូទៅក្នុងតំបន់

ខណ្ឌបឹងកេងកង ជាខណ្ឌរដ្ឋបាលដែលបានបន្ថែមថ្មីក្នុងឆ្នាំ ២០១៩ ដោយពីមុនជាសង្កាត់មួយក្នុងខណ្ឌចំការមន។

បច្ចុប្បន្ន ខណ្ឌបឹងកេងកងមានសង្កាត់ចំនួន ៧ គឺសង្កាត់បឹងកេងកង ១ សង្កាត់បឹងកេងកង ២ សង្កាត់បឹងកេងកង ៣ សង្កាត់អូរឡាំពិក សង្កាត់ទំនប់ទឹក សង្កាត់ទួលស្វាយព្រៃទី ១ និងសង្កាត់ទួលស្វាយព្រៃ ២ ។

ភាគខាងកើតនៃខណ្ឌបឹងកេងកង លាតសន្ធឹងតាមមហាវិថីព្រះនរោត្តម និងភ្ជាប់ជាមួយខណ្ឌចំការមន។ ខាងត្បូងលាតសន្ធឹងទៅតាមមហាវិថីម៉ៅសេទុង ផ្លូវ១៧៣ និងមហាវិថីយោធពលខេមរភូមិន្ទ (ផ្លូវ២៧១) ហើយភ្ជាប់ជាមួយខណ្ឌចំការមនដែរ។ ខាងលិចលាតសន្ធឹងតាមមហាវិថីព្រះមុនីវង្ស និងតភ្ជាប់ទៅខណ្ឌទួលគោក។ ខាងជើងលាតសន្ធឹងតាមមហាវិថីព្រះសីហនុ និងតភ្ជាប់ជាមួយខណ្ឌ ៧ មករា និងខណ្ឌដូនពេញ។

មើលពីផែនទីដង់ស៊ីតេប្រជាជន គេអាចមើលឃើញថា តំបន់ដែលបឹងកេងកង ស្ថិតនៅជាតំបន់ពាណិជ្ជកម្មកណ្ដាលរបស់រាជធានីភ្នំពេញ និងជាតំបន់មួយដែលមានភាពរីកចម្រើនបំផុត។

១.២ លក្ខណៈសម្បត្តិក្នុងតំបន់

ថ្វីត្បិតតែខណ្ឌបឹងកេងកងមិនសូវជាធំណាស់ណាក៏ដោយ ប៉ុន្តែសង្កាត់នីមួយៗមានលក្ខណៈអភិវឌ្ឍន៍រៀងៗខ្លួន។ ក្នុងចំណោមនោះ តំបន់ដែលល្បី និងពេញនិយមជាងគេគឺសង្កាត់បឹងកេងកង១ ដែលព័ទ្ធជុំវិញដោយផ្លូវធំៗចំនួន ៤ រួមមាន មហាវិថីព្រះសីហនុ មហាវិថីម៉ៅសេទុង មហាវិថីព្រះនរោត្តម និងមហាវិថីព្រះមុនីវង្ស។

ជាមួយគ្នានេះ ខណ្ឌបឹងកេងកងមានហេដ្ឋារចនាសម្ព័ន្ធយ៉ាងពេញលេញជាច្រើនប្រភេទ វាក៏ជាតំបន់ដែលស្ថានទូត និងអង្គការមិនមែនរដ្ឋាភិបាលអន្តរជាតិដែលនៅប្រមូលផ្តុំគ្នា ហើយត្រូវបានគេស្គាល់ថាជា "តំបន់ស្ថានទូត"។

សង្កាត់បឹងកេងកងទី២ និងសង្កាត់បឹងកេងកងទី៣ ស្ថិតនៅខាងលិចមហាវិថីព្រះមុនីវង្ស តែមានការអភិវឌ្ឍតិច និងមានទំហំតូចជាងសង្កាត់បឹងកេងកងទី១។ បរិយាកាសនៅទីនេះគឺកន្លែងប្រជុំរវាងបរទេស និងអ្នកក្នុងស្រុកនៅតំបន់ភាគខាងត្បូងក្នុងតំបន់។ បន្ទាប់ពីមានការអភិវឌ្ឍន៍ជាច្រើនឆ្នាំ ក៏មានកន្លែងជាច្រើននៅទីនេះផងដែរ ដូចជាផ្សារទំនើប មីនីម៉ាត ឱសថស្ថាន ភោជនីយដ្ឋាន ហាងកាហ្វេជាដើម ហើយសារមន្ទីរប្រល័យពូជសាសន៍ទួលស្លែងដ៏ល្បីល្បាញបំផុតមានទីតាំងនៅតំបន់បឹងកេងកងទី ៣ ផងដែរ។ អត្ថប្រយោជន៍ក្នុងការរស់នៅក្នុងសង្កាត់បឹងកេងកងទី២ និងសង្កាត់បឹងកេងកងទី ៣ គឺថ្លៃចំណាយក្នុងការរស់នៅទាបជាងសង្កាត់បឹងកេងកងទី១ ហើយបរិយាកាសរស់នៅនៅទីនេះក៏ស្ងប់ស្ងាត់ជាងតំបន់ផ្សេងទៀតក្នុងរាជធានីដែរ។

នៅចន្លោះពហុកីឡដ្ឋានជាតិអូឡាំពិក និងមហាវិថីម៉ៅសេទុង មានសង្កាត់ចំនួនបួនទៀតគឺ សង្កាត់អូឡាំពិច សង្កាត់ទំនប់ទឹក សង្កាត់ទួលស្វាយព្រៃទី១ និងសង្កាត់ទួលស្វាយព្រៃទី២ ដែលបរិយាកាសរស់នៅរបស់តំបន់មានលក្ខណៈបែបក្នុងស្រុកច្រើនជាងបើធៀបនឹងសង្កាត់ទាំងបីខាងលើ។

ជារួម ជាតំបន់សំខាន់ក្នុងរាជធានីភ្នំពេញ ខណ្ឌបឹងកេងកងអាចត្រូវបានគេហៅថាជាមជ្ឈមណ្ឌលពាណិជ្ជកម្ម និងវប្បធម៌។ ជាកន្លែងប្រមូលផ្តុំសម្រាប់ស្ថានទូត និងអង្គការក្រៅរដ្ឋាភិបាលមកពីប្រទេសផ្សេងៗ ក៏ដូចជាសហគ្រាស ហាងលក់ទំនិញ ហាងកាហ្វេ ភោជនីយដ្ឋាន សណ្ឋាគារ លំនៅឋានលំដាប់ខ្ពស់ អាផាតមេន និងអគារការិយាល័យ។ ជាមួយនឹងបរិយាកាសល្អ និងសន្តិសុខសាធារណៈ តំបន់មួយនេះបានទទួលបានការពេញចិត្តយ៉ាងខ្លាំងពីសំណាក់អ្នកនយោបាយ អ្នកល្បីល្បាញ និងអ្នកមានទ្រព្យសម្បត្តិ។ល។

២. កន្លែងព័ទ្ធជុំវិញ

សេដ្ឋកិច្ច/ពាណិជ្ជកម្ម

បើនិយាយពីពាណិជ្ជកម្មវិញ ខណ្ឌបឹងកេងកង មានមធ្យោបាយធ្វើដំណើរដ៏ងាយស្រួល ដែលមានចំងាយត្រឹមតែ ១០ នាទីពីផ្សារទំនើប អ៉ីអន ១ និង ណាហ្គាវើលដ៍។ ក៏មានផ្សារទំនើប ជីប ម៉ុង ណូរ៉ូម៉ល នៅក្នុងខណ្ឌដែលអាចនាំមកជូននូវភាពងាយស្រួល និងបទពិសោធន៍ទិញទំនិញទំនើបៗ ប្រសិនបើលោកអ្នកចង់ទទួលអារម្មណ៍ពីបរិយាកាសវប្បធម៌នៃការដើរផ្សារបែបក្នុងស្រុកនោះ អាចសាកល្បងនៅផ្សារអូឡាំពិច និងផ្សារបឹងកេងកង ដែលស្ថិតក្នុងតំបន់ខាងលើស្រាប់ ដោយអ្នកអាចទិញបានគ្រប់ប្រភេទសម្រាប់តម្រូវការប្រចាំថ្ងៃ  មិនថាអាហារក្នុងស្រុក សម្លៀកបំពាក់ វត្ថុអនុស្សាវរីយ៍ ផ្លែឈើស្រស់ បន្លែ និងសាច់។

លើសពីនេះ ទោះបីជាផ្សារទួលទំពូងស្ថិតក្នុងខណ្ឌចំការមនពិតមែន ក៏ជាទីតាំងពេញនិយមក្នុងចំណោមអ្នកទេសចរ និងភ្ញៀវបរទេស ស្ថិតនៅជិតភាគខាងត្បូងនៃខណ្ឌបឹងកេងកង ហើយក៏ជាកន្លែងលក់ទំនិញដ៏ល្អផងដែរ។

អាស្រ័យដូចបានជម្រាបជូនខាងលើ ក៏មានហាងលក់ទំនិញមួយចំនួនធំនៅតំបន់បឹងកេងកង ដូចជាផ្សារ AEON MaxValu Express (AEON) ផ្សារទំនើប Lucky, 7-Eleven, ChipMong, SuperDuper, មីនីម៉ាត Circle K, ផ្សារថៃហួត, គីមម៉ាត។ល។ ជាមួយនឹងហាងលក់ទំនិញម៉ាកល្បីៗពីប្រទេសថៃ ជប៉ុន កូរ៉េខាងត្បូង សហរដ្ឋអាមេរិក និងផលិតផលក្នុងស្រុក ដែលធ្វើឲ្យជីវិតប្រចាំថ្ងៃនៅទីនេះកាន់តែមានភាពងាយស្រួល។

អាហារ

ដោយហេតុថា ខណ្ឌបឹងកេងកងជាកន្លែងប្រមូលផ្តុំដ៏សំខាន់សម្រាប់ជនបរទេសមកពីជុំវិញពិភពលោក យើងក៏អាចស្វែងរកភោជនីយដ្ឋានជាច្រើនពីប្រទេសផ្សេងៗគ្នានៅទីនេះ រួមមាន ម្ហូបខ្មែរក្នុងស្រុក អាហារលក់តាមចិញ្ចើមផ្លូវ ហាងកាហ្វេ ហាងស៊ុបចិន ហាងសាច់អាំង ហាងម្ហូបស៊ីឈ័ន ហាងម្ហូបហ៊ូណាន ហាងអាហារចិនភាគឦសាន ហាងអាហារចិន ហុងកុង ហាងអាហារតៃវ៉ាន់ ហាងអាហារជប៉ុន និងកូរ៉េ ម្ហូបបារាំង អាហារថៃ ហាងអាហារបែបបស្ចិមប្រទេស ហាងអាហារឥណ្ឌា ហាងម្ហូបក្រិច ហាងអាហារម៉ិកស៊ិក និងសូម្បីតែភោជនីយដ្ឋានហាឡាល ធ្វើឱ្យតំបន់ខាងលើក្លាយជាកន្លែងដ៏ល្អសម្រាប់ការស្វែងរកអាហារញ៊ាំ។

ភោជនីយដ្ឋានល្បីៗក្នុងតំបន់បឹងកេងកងមានដូចជា៖ Kungfu Kitchen, Mama Thai, ភោជនីយដ្ឋាន ម្លិះ , Bonchon BKK, The Street Cambodia ជាដើម។

មធ្យោបាយធ្វើដំណើរ

បើនិយាយពីមធ្យោបាយធ្វើដំណើរ ដូចជាតំបន់ផ្សេងទៀតក្នុងរាជធានីភ្នំពេញ រថយន្តឯកជន និងម៉ូតូគឺជាមធ្យោបាយធ្វើដំណើរទូទៅសម្រាប់អ្នកស្រុកនៅទីនេះ។ សម្រាប់អ្នកទេសចរ រថយន្តតាក់ស៊ី និងកង់បី តុកតុក គឺជាមធ្យោបាយធ្វើដំណើរដ៏ងាយស្រួល និងស័ក្តិសមបំផុតសម្រាប់ការកម្សាន្តនិងទស្សនាក្នុងទីក្រុង។

វេជ្ជសាស្ត្រ

មានគ្លីនិក និងមន្ទីរពេទ្យជាច្រើនកន្លែង ដូចជា មន្ទីពេទ្យរ៉ូយ៉ាល់ មន្ទីរពហុព្យាបាលអន្តរជាតិខេមរា មន្ទីពេទ្យមិត្តភាពខ្មែរ-សូវៀត មណ្ឌលសុខភាពទួលស្វាយព្រៃ ជាដើម ដូច្នេះការថែរក្សាសុខភាពរបស់លោកអ្នកអាចធានាបាន។

គ្រឹះស្ថានអប់រំ

បើនិយាយពីវិស័យអប់រំ ខណ្ឌបឹងកេងកងក៏ជាកន្លែងមួយក្នុងចំណោមកន្លែងប្រមូលផ្តុំរបស់សាលាអន្តរជាតិក្នុងរាជធានីភ្នំពេញ។ មានសាលាអន្តរជាតិ East-West សាលាអន្តរជាតិ Phnom Penh Montessori សាលាអន្តរជាតិ The Giving Tree និងសាលាអន្តរជាតិផ្សេងៗទៀតនៅក្នុងតំបន់។

ជុំវិញតំបន់បឹងកេងកង ក៏មានសាលា CISP (សាលាអន្តរជាតិកាណាដាភ្នំពេញ) សាលាអន្តរជាតិ ICAN British សាលាអន្តរជាតិ SIS ជាដើម។

កន្លែងសម្រាកនិងកម្សាន្ត

បើនិយាយពីជីវិតនិងការលម្ហែវិញ តំបន់បឹងកេងកងមានបរិយាកាសសម្បូរបែបណាស់។

បើលោកអ្នកចង់រក្សារាងរៅ និងសុខភាព មានក្លឹបហាត់ប្រាណ Elite Fitness, The Place Gym BKK, VONNESS ក៏ដូចជាកន្លែងហាត់ប្រាណ និងក្លឹបហាត់ប្រាណផ្សេងៗទៀត។ លើសពីនេះ អគារអាផាតមេនភាគច្រើនក៏ត្រូវបានបំពាក់ដោយកន្លែងហាត់ប្រាណ និងអាងហែលទឹកផងដែរ។

បើអ្នកចង់រត់ហាត់កីឡា ពហុកីឡដ្ឋានជាតិអូឡាំពិក និងវិមានឯករាជ្យ សួនច្បារវត្តបទុម និងតាមបណ្តោយព្រះបរមរាជវាំងខាងជើងបឹងកេងកង គឺជាជម្រើសដ៏ល្អ។

ប្រសិនបើអ្នកចង់ស្វែងរកកន្លែងដែលមានបរិយាកាសបែបផាសុកភាពសម្រាប់សម្រាកលំហែកាយ មានស្ប៉ាជាច្រើននៅតំបន់បឹងកេងកង ជាពិសេសនៅតំបន់បឹងកេងកង១ ដូចជា អង្គរស្ប៉ា បូឌាស្ប៉ា ជាដើម ដែលអ្នកអាចរីករាយ និងសម្រាកទាំងកាយ និងចិត្ត តាមរយៈការម៉ាស្សាបាន។

ប្រសិនបើអ្នកចង់រីករាយនឹងការកម្សាន្តពេលរាត្រី មានហាងបារ និងហាងស្រាជាច្រើនសម្រាប់ជ្រើសរើសដូចជា The Woods, PENTAGON PUB, Color Cup Cambodia ជាដើម។

៣.ទីផ្សារអចលនទ្រព្យ

ខណ្ឌបឹងកេងកង គឺជាតំបន់សំខាន់មួយក្នុងចំណោមតំបន់សំខាន់ផ្សេងៗនៅក្នុងរាជធានីភ្នំពេញ ហើយដំណើរការរបស់វានៅក្នុងទីផ្សារអចលនទ្រព្យពិតជាគួរអោយចាប់អារម្មណ៍ណាស់។ មិនថាតម្លៃដី តម្លៃលំនៅឋាន ឬតម្លៃជួល សុទ្ធតែស្ថិតនៅលំដាប់កំពូលក្នុងរាជធានីភ្នំពេញ។

វាជាតំបន់ដែលត្រូវបានគេស្វែងរកច្រើននៅក្នុងរាជធានីភ្នំពេញ ដែលជាកន្លែងបណ្ដុំទៅដោយអចលនទ្រព្យប្រភេទលំនៅឋាន និងពាណិជ្ជកម្មលំដាប់ខ្ពស់។ ដីនៅតំបន់បឹងកេងកងមានការខ្វះខាតដោយសារអង្គការក្នុងស្រុក និងបរទេសមានទំនោរមកតាំងលំនៅច្រើន។ ក្នុងរយៈពេលប៉ុន្មានឆ្នាំចុងក្រោយនេះ អគារខ្ពស់ៗក្នុងតំបន់បានបន្តរីកចម្រើនឥតឈប់ឈរ ធ្វើឱ្យការយល់ឃើញរបស់ប្រជាជនអំពីទីតាំងដែលមានអគារខ្ពស់ៗ និងបង្ហាញពីទេសភាពទីក្រុងទំនើបរបស់រាជធានីភ្នំពេញ។

១.១ គម្រោងអចលនទ្រព្យថ្មីៗ

អាស្រ័យដូចបានជម្រាបជូនខាងលើ ដោយសារតំបន់បឹងកេងកង ជាតំបន់សំខាន់របស់រាជធានីភ្នំពេញ ហើយមានជនបរទេសរស់នៅទីនោះច្រើន ទើបដីនៅទីនេះកាន់តែខ្វះខាត។ បច្ចុប្បន្ននេះ មិនទាន់មានដីទំហំធំគ្រប់គ្រាន់សម្រាប់សាងសង់គម្រោងលំនៅឋានថ្មីដែលតភ្ជាប់គ្នាដូចបុរី និងវីឡាបាននោះទេ ដូច្នេះហើយ គម្រោងអចលនទ្រព្យថ្មីៗភាគច្រើនជាអគារខ្ពស់ៗដូចជា អគារខុនដូ អគារពាណិជ្ជកម្ម និងអគារការិយាល័យ ហើយភាគច្រើនត្រូវបានប្រមូលផ្តុំនៅក្នុងសង្កាត់បឹងកេងកងទី១។

បច្ចុប្បន្ន គម្រោងដែលកំពុងសាងសង់ក្នុងសង្កាត់បឹងកេងកង រួមមាន Time Square 6 (302), Le Condé, UC88 Tower, The Flora Suites, Picasso City Garden 2 ខណៈពេលដែលគម្រោងដែលមានស្រាប់រួមមាន Picasso City Garden, Agile Sky Residence, L'attrait BOEUNG KENG KANG ជាដើម។

១.២ ទីផ្សារអចលនទ្រព្យសម្រាប់ជួល

បើយើងនិយាយអំពីប្រភេទអចលនវត្ថុសម្រាប់ជួល យើងឃើញថានៅក្នុងខណ្ឌបឹងកេងកងមានអាផាតមេនសម្រាប់ជួលច្រើនជាងខណ្ឌធំៗផ្សេងទៀត មិនថាជាអាផាតមេន ឬអគារខុនដូ។ ដោយសារគុណសម្បត្តិទីតាំង និងបរិក្ខារក្នុងខណ្ឌខាងលើ ទាំងជនបរទេស និងអ្នកក្នុងស្រុក ចំណូលចិត្តរបស់អ្នកជួលភាគច្រើនគឺតែងតែជ្រើសរើសស្នាក់នៅតំបន់បឹងកេងកង។ តម្លៃជួលប្រចាំខែជាមធ្យមអាចចន្លោះពី ៥០០ ទៅ ១,២០០ ដុល្លារ។

យោងតាមទិន្នន័យលើ Apartment Channel របស់គេហទំព័រអចលនទ្រព្យ Compass.com.kh បានបង្ហាញដូចខាងក្រោម៖

- អាផាតមេនលំដាប់ថវិកា មានតម្លៃជួលចាប់ពី ២៥០-៨១០ ដុល្លារក្នុងមួយខែ

- អាផាតមេនលំដាប់មធ្យម មានតម្លៃជួលចាប់ពី ៤០០-២,៤០០ ដុល្លារក្នុងមួយខែ

- អាផាតមេនលំដាប់ខ្ពស់ មានតម្លៃជួលចាប់ពី ៥០០-៦,៣០០ ដុល្លារក្នុងមួយខែ

ខាងក្រោមនេះគឺជាតារាងចំណាត់ថ្នាក់អាផាតមេនខាងលើក្នុងខណ្ឌបឹងកេងកងដែលមានអ្នកស្វែងរកច្រើនបំផុតនៅលើគេហទំព័រ Compass.com.kh៖

ក្រៅពីអាផាតមេន តម្លៃអចលនទ្រព្យសម្រាប់ជួល ប្រភេទផ្សេងទៀតមានដូចខាងក្រោម៖

- វីឡាជួលមានតម្លៃចាប់ពី ១,៥០០-២២,០០០ ដុល្លារក្នុងមួយខែ ជាមួយទំហំចាប់ពី ១២០ ដល់ ១,៥០០ ម៉ែត្រការ៉េ ដោយមានបន្ទប់គេង ៣ ដល់ ២៣ បន្ទប់

- ផ្ទះល្វែងជួលមានតម្លៃចាប់ពី ៤៥០-៤,៥០០ ដុល្លារក្នុងមួយខែ ជាមួយទំហំចាប់ពី ៦៨ ដល់ ៣២០ ម៉ែត្រការ៉េ ដោយមានបន្ទប់គេង ១ ដល់ ៥បន្ទប់

- ផ្ទះអាជីវកម្មមានតម្លៃចាប់ពី ៥០០-២,៧០០ ដុល្លារក្នុងមួយខែ ជាមួយទំហំចាប់ពី ៦៤-១៨០ ម៉ែត្រការ៉េ ដោយមានបន្ទប់គេង ២ ដល់ ៦ បន្ទប់។

១.៣ ទីផ្សារលំនៅឋានសម្រាប់លក់

ជាធម្មតា អចលនទ្រព្យនៅក្នុងតំបន់បឹងកេងកង ពិតជាមានតម្លៃខ្ពស់ស្រាប់មកហើយ មិនថាជាប្រភេទលំនៅឋានឬសម្រាប់ពាណិជ្ជកម្ម ជាពិសេសសម្រាប់ប្រភេទផ្ទះវីឡាតែម្ដង។ ម្យ៉ាងវិញទៀត គេតែងតែហៅតំបន់មួយនេះថា ជាតំបន់អភិជនផងដែរ។ ជាក់ស្ដែង ដោយយោងតាមទិន្នន័យរបស់ គេហទំព័រអចលនទ្រព្យ COMPASS.COM.KH ទីផ្សារលំនៅឋានចាស់ (ផ្ទះមួយទឹក) មានតម្លៃដូចខាងក្រោម៖ 

- ផ្ទះវីឡាមានតម្លៃចាប់ពី ៣០ ម៉ឺនដុល្លារ ទៅ ៦ លានដុល្លារ ជាមួយទំហំពី ១០៧ ដល់ ៦៤៤ ម៉ែត្រការ៉េ និងមានបន្ទប់គេងពី ៤-១៣ បន្ទប់ 

- ផ្ទះអាជីវកម្មមានតម្លៃ មានតម្លៃ ៣៦ ម៉ឺនដុល្លារទៅ ៣ លានដុល្លារ ក្នុងទំហំ ៧០ ដល់ ២៦៧ ម៉ែត្រការ៉េ និងមានពី ១ ទៅ ៧ បន្ទប់គេង

- ផ្ទះល្វែង មានតម្លៃពី ២៣ ម៉ឺនដុល្លារទៅ ៩៨ ម៉ឺនដុល្លារ និងមានទំហំចាប់ពី ៤៨ ទៅដល់ ២៨៥ ម៉ែត្រការ៉េ ជាមួយបន្ទប់គេងពី ៣-១០ បន្ទប់គេង

-  ចំណែកឯ យូនីតអាផាតមេនមានតម្លៃទាបបំផុតពី ៤៧,០០០ ដុល្លារដល់ ៧៤៣,០០០ ដុល្លារ ដោយមានប្រភេទបន្ទប់ស្ទូឌីយ៉ូ ដល់បន្ទប់គេង ៣ ក្នុងទំហំ ២៧-១៩៨ ម៉ែត្រការ៉េ។

១.៤ ទីផ្សារដីធ្លី

កាលពីប៉ុន្មានខែមុន សមាគមអ្នកវាយតម្លៃ និង ភ្នាក់ងារអចលនវត្ថុកម្ពុជាបានប្រកាសពីតម្លៃដីនៅតាមខណ្ឌនានាក្នុងរាជធានីភ្នំពេញសម្រាប់ឆមាសទីមួយក្នុងឆ្នាំ២០២៣។

ខណ្ឌបឹងកេងកងនៅតែជាប់ចំណាត់ថ្នាក់កំពូលសម្រាប់តម្លៃដីក្នុងរាជធានីភ្នំពេញ ដោយតម្លៃដីជាមធ្យមនៅផ្លូវធំ មានតម្លៃ ៦,០៧៨ ដុល្លារក្នុងមួយម៉ែត្រការ៉េ និងតម្លៃដីជាមធ្យមនៅផ្លូវតូច មានតម្លៃ ៣,៧៤២ ដុល្លារក្នុងមួយម៉ែត្រការ៉េ។

ក្នុងចំណោមនោះ តម្លៃដីនៅផ្លូវធំក្នុងសង្កាត់បឹងកេងកង ១ គឺខ្ពស់បំផុតរហូតដល់ ៩,៨០០ ដុល្លារក្នុងមួយម៉ែត្រការ៉េ ហើយនៅឆ្នាំ ២០២២ តម្លៃដីនៅតំបន់នេះបានឡើងដល់ ១០,០០០ ដុល្លារក្នុងមួយម៉ែត្រការ៉េ។

នៅក្នុងតំបន់ដដែលខាងលើ តម្លៃដីទាបបំផុតគឺ ៤,៨០០ ដុល្លារក្នុងមួយម៉ែត្រការ៉េ ហើយតម្លៃដីទាបបំផុតក្នុងសង្កាត់ផ្សេងទៀតក្នុងខណ្ឌបឹងកេងកងគឺ ២,៧០០ ដុល្លារក្នុងមួយម៉ែត្រការ៉េ ដែលខ្ពស់ជាងខណ្ឌដូនពេញ និងខណ្ឌ ៧ មករា បន្តិច។

ស្ថានទូត អង្គការអន្តរជាតិ និងក្រុមហ៊ុនល្បីៗប្រមូលផ្តុំគ្នា ហើយក៏មានក្រុមអតិថិជនដែលមានគុណភាពខ្ពស់ជាច្រើន ដែលទាំងអស់នេះបង្ហាញពីសក្ដានុពលនៃការអភិវឌ្ឍន៍របស់ខណ្ឌបឹងកេងកង។

តាមទស្សនៈពីការវិនិយោគ តម្លៃដី និងចំណូលពីការជួលនៅតំបន់បឹងកេងកងមានកម្រិតខ្ពស់ ហើយអចលនទ្រព្យនៅទីនេះមានសក្ដានុពលលើការវាយតម្លៃខ្ពស់ ដែលធ្វើឲ្យតំបន់មានគុណតម្លៃសម្រាប់ក្នុងការវិនិយោគ។

ទីតាំងកំណត់តម្លៃ ហើយតម្លៃក៏កំណត់គុណតម្លៃ។ ដី និងអចលនទ្រព្យនៅតំបន់បឹងកេងកងនឹងកាន់តែខ្វះខាតខ្លាំងជាមួយនឹងដំណើរការនគរូបនីយកម្មនៅប្រទេសកម្ពុជា។ ដីនៅតំបន់សំខាន់ក្នុងរាជធានីភ្នំពេញក៏នឹងកាន់តែមានតម្លៃ ហើយអ្នកអភិវឌ្ឍន៍នឹងកាន់តែបោះទីតាំងឆ្ងាយទៅៗពីកន្លែងដែលពួកគេទិញដីដើម្បីអភិវឌ្ឍអចលនទ្រព្យ។ នៅពេលអនាគត ប្រជាពលរដ្ឋនឹងអាចមានភាពលំបាកក្នុងការកាន់កាប់អចលនទ្រព្យនៅតំបន់សំខាន់របស់រាជធានីភ្នំពេញ។