កម្ពុជារកស៊ីនាំចេញនាំចូល ជាមួយប្រទេស១៤៧ នៅក្នុងពិភពលោក

ក្រសួងពាណិជ្ជកម្មកម្ពុជាបានឱ្យដឹងថា នៅឆ្នាំ២០១៨ ប្រទេសកម្ពុជាបានធ្វើពាណិជ្ជកម្មជាមួយប្រទេស១៤៧ នៅក្នុងពិភពលោក ។

    ក្រសួងបានធ្វើការអះអាងថា ទំហំនៃការផ្លាស់ប្តូរពាណិជ្ជកម្មរបស់ប្រទេសកម្ពុជានៅក្នុងឆ្នាំ២០១៨ជាមួយបណ្តាប្រទេសនានាគឺសម្រេចបាននូវទំហំទឹកប្រាក់២៤ ៩៨៥លានដុល្លារអាមេរិក គឺបានកើនឡើងប្រមាណ៥% បើធៀបទៅនឹងឆ្នាំ២០១៧ ដែលមានទឹកប្រាក់ត្រឹម២៣ ៧៩៦លានដុល្លារអាមេរិកតែប៉ុន្នោះ ។

    ចំណែកទឹកប្រាក់នាំចេញក្រោមប្រព័ន្ធអនុគ្រោះពន្ធមានចំនួន១៣ពាន់លានដុល្លារអាមេរិក គឺបានកើនឡើងប្រមាណ១៨% បើធៀបទៅនឹងឆ្នាំ២០១៧កន្លងទៅ ៕