រហូតមកទល់ពេលនេះប្លង់គោលដែលត្រូវបានអភិវឌ្ឍន៍នៅក្នុងក្រុងបាវិតដែលស្ថិតនៅក្នុងខេត្តស្វាយរៀងបានរៀបចំប្លង់រួចហើយដោយមានការរៀបចំហេដ្ឋារចនាសម្ព័ន្ធជាច្រើនសមស្របតាមផែនការរបស់រាជរដ្ឋាភិបាល ដើម្បីអភិវឌ្ឍន៍ប្រែក្លាយទីក្រុងនេះជាតំបន់ពាណិជ្ជកម្ម និងឧស្សាហកម្មក្នុងពេលឆាប់ៗខាងមុខនេះ ។
យោងតាមឯកសារផ្លូវការដែលទើបទទួលបានកាលពីចុងសប្តាហ៍មុនបានបង្ហាញថា ក្រុងបាវិត នឹងមានការរៀបចំហេដ្ឋារចនាសម្ព័ន្ធធំៗ ដែលមានទំហំរហូតដល់៣០ម៉ែត្រហើយក៏មានការរៀបចំតំបន់លំនៅឋាន ទីលានវាយកូនហ្គោល តំបន់រដ្ឋបាល ពាណិជ្ជកម្ម ឧស្សាហកម្ម តំបន់សេដ្ឋកិច្ចពិសេស សួនច្បារសាធារណៈ តំបន់កសិកម្ម តំបន់រៀបចំអាងស្តុកទឹកស្អាតជាដើម ។
បច្ចុប្បន្នក្រុងបាវិតមានទីក្រុងរណបចំនួន២ កំពុងសាងសង់យ៉ាងសកម្ម គឺទីក្រុងរណប Empire World Cityដែលគ្រោងនឹងអភិវឌ្ឍន៍នៅលើផ្ទៃដីជាង១.១៥០ហិកតា (ដំណាក់កាលដំបូងលើផ្ទៃដី៥៧ហិកតា ) ទីក្រុងរណបហេង ហេង មានទំហំ៧ហិកតា និងតំបន់សេដ្ឋកិច្ចពិសេសចំនួន៥ ។
រាជរដ្ឋាភិបាលបានដាក់ក្រុងបាវិតជាតំបន់ឧស្សាហកម្ម ក្នុងគោលនយោបាយអភិវឌ្ឍន៍វិស័យឧស្សាហកម្មឆ្នាំ២០១៥-២០២៥ ខណៈបច្ចុប្បន្នតំបន់សេដ្ឋកិច្ចពិសេសប្រមាណ១០ទីតាំង និងផែស្ងួតជាច្រើនបាននិងកំពុងដំណើរការយ៉ាងសកម្មនៅទីនោះ ។
ទីក្រុងបាវិតជាតំបន់មានលក្ខណៈពិសេសមួយ និងមានទីតាំងដ៏មានភាពអំណោយផល ដោយសារទីក្រុងនេះនឹងក្លាយជាមជ្ឈមណ្ឌលពាណិជ្ជកម្មកណ្តាល(Central Commercial) រវាងទីក្រុងហូជីម៉ិញ និងទីក្រុងភ្នំពេញ ។ អ្វីដែលកាន់តែពិសេសទៀតនោះគឺទីក្រុងនេះស្ថិតនៅលើគន្លងផ្លូវសូត្រ ឬខ្សែក្រវាត់មួយ ផ្លូវមួយរបស់ប្រទេសចិន ដែលបានឆ្លងកាត់ពីក្រោយទីក្រុងរណប។
នៅក្នុងប្រទេសកម្ពុជាមានច្រកព្រំដែនច្រើន តែច្រកព្រំដែនលំដាប់អន្តរជាតិគឺមានតែពីរប៉ុននោះគឺទីក្រុងបាវិតហើយនិងក្រុងប៉ោយប៉ែត ដែលជាច្រកតភ្ជាប់ក្នុងក្របខ័ណ្ឌអាស៊ាន ។
ទីក្រុងបាវិតគឺជាទីក្រុងបែបMega City វានឹងធ្វើអោយមានភាពទាក់ទាញប្រជាជនកាន់តែច្រើនអោយចូលទៅរស់នៅទីក្រុងនេះ តាមរយៈOnline Gaming, កាស៊ីណូ សណ្ឋាគារ អាផាតម៉ិន កន្លែងកម្សាន្ដWater park ជាដើម ។ ហើយនៅពេលដែលគម្រោងនេះត្រូវបានបញ្ចប់ក្នុងការសាងសង់ វានឹងហុចសក្តានុពលខ្លាំងដល់តំបន់នេះ ដែលផ្តល់ឱកាសឲ្យអ្នកវិនិយោគអាចវិនិយោគបាន និងទាក់ទាញការវិនិយោគកាន់តែច្រើនបន្ថែមទៀត ។
ហើយអ្វីដែលកាន់តែពិសេសនៅពេលគំរោងខ្សែក្រវាត់មួយ ផ្លូវមួយ ត្រូវបានតភ្ជាប់ជាផ្លូវការ នឹងជួយសម្រួលការដឹកជញ្ជូន និងលើកកម្ពស់សកម្មភាពពាណិជ្ជកម្ម ការដឹកជញ្ជូនកាន់តែមានភាពប្រសើរថែមទៀត ដោយសារវាស្ថិតនៅជាប់នឹងច្រកព្រំដែនអន្តរជាតិដ៏ធំមួយ ។
ហើយសព្វថ្ងៃនេះដែរក្រុងបាវិតកំពុងតែមានការអភិវឌ្ឍខ្លាំង ខុសពីមុនដូចមេឃនិងដី ពិសេសបន្ទាប់ពីជនជាតិចិនចូលមកបណ្ដាក់ទុនវិនិយោគធ្វើឲ្យសេដ្ឋកិច្ចក្នុងខេត្តមានការរីកចម្រើនយ៉ាងលឿនគួរឲ្យកត់សម្គាល់ ។
ចំពោះដីនិងអចលនទ្រព្យក៏មានតម្លៃហក់ឡើងខ្ពស់ផងដែរដោយសារតែមានជនជាតិចិនមកប្រមូលទិញហើយជនជាតិចិនទិញតែក្នុងទីប្រជុំជនក្នុងសង្កាត់បាវិតទេ ជាពិសេសជិតកាស៊ីណូក្បែរព្រំដែន ដូចជា នៅបរិវេនកាស៊ីណូម៉ុកប៉ាយ តម្លៃចាប់ពី១លានដុល្លារទៅ៣លានដុល្លារក្នុង១ហិកតា, ដីជាប់កាស៊ីណូ ឡឺម៉ាកាវ តម្លៃ៤លានដុល្លារក្នុង១ហិកតា ។
សម្រាប់ដីដែលនៅទំនេរ ឬដីស្រែ ក៏កើនឡើងដែរ បើធៀបទៅនឹងឆ្នាំមុនៗ ក្នុងនោះ បើដីមិនទាន់ចាក់បំពេញ ក្នុង១ម៉ែត្រការ៉េ តម្លៃ១០ទៅ២០ដុល្លារ, ដីក្រវាត់ក្រុងតាមដងផ្លូវវាង ផ្លូវកុងតឺន័រ តម្លៃ៣០ដុល្លារ ក្នុង១ម៉ែត្រការ៉េ, ដីជាប់ផ្លូវតាមបណ្តោយផ្លូវជាតិលេខ១ តម្លៃ៨០ដុល្លារ ក្នុង១ម៉ែត្រការ៉េ និងដីជាប់ថ្នល់ជាតិលេខ១ ក្នុងសង្កាត់បាទី សង្កាត់ច្រកម្ទេស ក្នុង១ម៉ែត្រការ៉េ តម្លៃ២០ដុល្លារ ។
បច្ចុប្បន្នជនបរទេសដែលកំពុងស្នាក់នៅរកស៊ី និងវិនិយោគនៅក្នុងខេត្តស្វាយរៀងមានចំនួនប្រមាណ២ម៉ឺននាក់ ក្នុងនោះគឺមានដូចជាជនជាតិ ជប៉ុន, កូរ៉េ, វៀតណាម, ហ្វីលីពីន, ឥណ្ឌូណេស៊ី និងចិន ជាដើម ប៉ុន្ដែការគ្រប់គ្រងនៅស្មុគស្មាញនៅឡើយ ។ ទោះបីយ៉ាងនេះក្ដី រដ្ឋបាលក្រុងបាវិតកំពុងមានផែនការជំរឿនជនបរទេសផងដែរដើម្បីងាយស្រួលក្នុងការគ្រប់គ្រង ៕
0
()
Application has been successfully submitted
we will contact you soon, please pay attention
ទូរស័ព្ទ:+855 66300666
+855 (0) 23222206 (CN/EN/KH)
+86 023 67480241 (CN)
+855 (0) 66400666 (CN/EN/KH)