គម្រោងផ្លូវល្បឿនលឿនដំបូងគេបង្អស់នៅក្នុងប្រទេសកម្ពុជា ពីភ្នំពេញ-ព្រះសីហនុ កំពុងរៀបចំការដ្ឋានសាងសង់បណ្ដើរៗហើយបើទោះបីជាមានការប្រកាសបើកការដ្ឋានមិនទាន់មានចេញជាផ្លូវការនៅឡើយក៏ដោយ។ សកម្មភាពឈូសឆាយរៀបចំការដ្ឋានសាងសង់នេះ ត្រូវបានចែកចាយដោយលោកឧកញ៉ា ម៉ុង ឫទ្ធី បង្ហោះលើបណ្ដាញសង្គមហ្វេសបុករបស់លោកផ្ទាល់ជាមួយនឹងអារម្មណ៍រីករាយនឹងរំភើប ព្រោះគម្រោងចាប់ផ្ដើមត្រូវបានលេចរូបរាង។
នាពេលកន្លងមក លោកឧកញ៉ា ម៉ុង ឫទ្ធី បានធ្វើការយល់ព្រមប្រគល់ដីចំការកៅស៊ូរបស់លោកសម្រាប់ជាចំនែកក្នុងគម្រោងនេះក្រោយគេបានធ្វើការសិក្សានិងស្នើសុំកាត់ដីចម្ការកៅស៊ូរបស់លោកប្រមាណជាង១៧០ហិកតាដែលស្ថិតនៅឃុំកែវផុស ស្រុកស្ទឹងហាវ ខេត្តព្រះសីហនុ។ លោកឧកញ៉ាក៏នៅតែបានបញ្ជាក់ថា "ទោះជាមានផលប៉ះពាល់យ៉ាងណាក៏ដោយក៏លោកនៅតែគាំទ្រយ៉ាងពេញទំហឹងចំពោះគម្រោងដ៏អស្ចារ្យមួយនេះហើយក៏មិនមានអ្វីដែលជាបញ្ហានោះឡើយ" ។
គួរបន្ថែមផងដែរថាតាមរយះការអះអាងរបស់ឯកឧត្តម ស៊ុន ចាន់ថុល ទេសរដ្ឋមន្ត្រី រដ្ឋមន្រ្តីនៃក្រសួងសាធារណការបានធ្វើការបញ្ជាក់ពីកាលបរិច្ឆេទបើកការដ្ឋានសាងសង់ផ្លូវ អាចនឹងចាប់ផ្ដើមក្នុងកំឡុងខែ កុម្ភះ និងខែមីនា។ ឯកឧត្តមក៏បានថ្លែងថា៖ "យើងខ្ញុំសង្ឃឹមថាខែ២ ខាងមុខនេះ ឬដើមខែ៣ អាចនឹងមានការបើកការដ្ឋានសាងសង់ផ្លូវល្បឿនលឿនពីភ្នំពេញទៅក្រុងព្រះសីហនុបាន...ក៏ប៉ុន្តែយើងមិនទាន់ដោះស្រាយផលប៉ះពាល់រួចនៅឡើយហើយក្នុងពេលនេះយើងកំពុងតែរៀបចំជាមួយក្រសួងសេដ្ឋកិច្ច និងហិរញ្ញវត្ថុ ជំរុញដោះស្រាយនូវបញ្ហាប៉ះពាល់ដីធ្លីនៅទីនេះដើម្បីធ្វើការដោះស្រាយអោយបានដើម្បីគាត់អាចនឹងបើកការដ្ឋានបានប៉ុន្តែចំពោះកន្លែងបើកការដ្ឋាននោះគឺមានហើយប៉ុន្តែបើបើកកន្លែងហ្នឹងហើយធ្វើអីអត់បានទៀតក៏មិនល្អដែរ ធ្វើម៉េចឲ្យបើកបានតាមខេត្តចន្លោះៗ..បើកនៅក្នុងទីក្រុងភ្នំពេញហើយនឹងបើកនៅក្នុងខេត្តជាបន្តបន្ទាប់អ៊ីចឹង"។សូមបញ្ជាក់ផងដែរថាចំពោះគម្រោងផ្លូវល្បឿនលឿនពីភ្នំពេញ-ទៅខេត្តព្រះសីហនុនេះគឺនឹងចំណាយទឹកប្រាក់ក្នុងតម្លៃប្រហែល1900លានដុល្លារ ៕
1
()
Application has been successfully submitted
we will contact you soon, please pay attention
ទូរស័ព្ទ:+855 66300666
+855 (0) 23222206 (CN/EN/KH)
+86 023 67480241 (CN)
+855 (0) 66400666 (CN/EN/KH)