មន្ត្រីជាន់ខ្ពស់ក្រសួងរៀបចំដែនដី នគរូបនីយកម្ម និងសំណង់បានលើកឡើងថា រាជរដ្ឋាភិបាលនៃប្រទេសកម្ពុជានៅតែចាត់ទុកថា វិស័យឧស្សាហកម្មសំណង់ នៅតែជាសសរស្តម្ភ មួយដែលធានាចីរភាពនៃកំណើនផលទុនសរុបរបស់ប្រទេសកម្ពុជា។
នៅក្នុងពិធីបញ្ចប់គ្រោងអាគារ Gold Tower ៤២ជាន់ កាលពីថ្ងៃទី២៨ ខែមករា ឆ្នាំ២០១៩ លោក លាង មុនីរិទ្ធ រដ្ឋលេខាធិការក្រសួងរៀបចំដែនដី នគរូបនីយកម្ម និងសំណង់បានបញ្ជាក់ថា ទោះបីទំហំទឹកប្រាក់ក្នុងការវិនិយោគទៅលើវិស័យសំណង់ក្នុងឆ្នាំ២០១៨ មានប្រមាណ ៥.៧៥៥លានដុល្លារអាម៉េរិកដែលទាបជាងឆ្នាំ២០១៧ ប៉ុន្តែការដាក់ទុនវិនិយោគជាក់ស្តែងរបស់អ្នកវិនិយោគលើវិស័យសំណង់គឺស្ថិតនៅក្នុងកម្រិតខ្ពស់ជាងឆ្នាំមុន។
លោកក៏បានបន្តទៀតថា វិស័យសំណង់បានផ្តល់ការងារធ្វើជូនប្រជាពលរដ្ឋប្រមាណ ២០ម៉ឺននាក់ក្នុងមួយថ្ងៃនៅទូទាំងប្រទេសដែលក្នុងនោះប្រមាណ ១៥ម៉ឺននាក់ នៅក្នុង រាជធានីភ្នំពេញ ហើយរាជរដ្ឋាភិបាលកម្ពុជានៅតែចាត់ទុកថា វិស័យឧស្សាហកម្មសំណង់នៅតែជាសសរស្តម្ភមួយដែលធានាចីរភាពនៃកំណើនផលទុនសរុបរបស់ប្រទេសកម្ពុជាផងដែរ។
លោករដ្ឋលេខាធិការ បានលើកឡើងទៀតថា ទាក់ទងនឹងការងាររៀបចំដែនដី នគរូបនីយកម្ម និងសំណង់ ក៏មានការរីកចម្រើនជាច្រើនផងដែរ ជាក់ស្តែងផែនការរៀប ចំ ដែនដីប្លង់គោលនិងផែនការប្រើប្រាស់ដីថ្នាក់ឃុំ សង្កាត់ ថ្នាក់ក្រុង ស្រុក ខណ្ឌ ថ្នាក់រាជធានី ខេត្តតាមតំបន់ និងថ្នាក់ជាតិត្រូវបានរៀបចំ និងស្នើសុំអនុម័តជាបន្តបន្ទាប់។ តំបន់ឆ្នេរសមុទ្រ កម្ពុជាប្រវែង ៤៤០គីឡូម៉ែត្រ ស្ថិតនៅក្នុងខេត្តទាំងបួន ត្រូវបានគ្រប់គ្រងការពារ និងថែរក្សាប្រកបដោយការទទួលខុសត្រូវ និងប្រសិទ្ធភាព។
ជាក់ស្តែងតំបន់ឆ្នេរខ្សាច់កម្សាន្តនៅក្នុងក្រុងព្រះសីហនុត្រូវបានរៀបចំកែលម្អដោយបានសាងសង់ខ្លោងទ្វារច្រកចូលឆ្នេរដាក់ឈ្មោះឆ្នេរហើយបានរៀបចំក្រាលក្រានីតតាមចិញ្ចើមផ្លូវ និងច្រកចូល រៀបចំតូបកម្សាន្តថ្មី ដែលមាន សោភណភាព និងបរិស្ថានល្អ កសាងផ្លូវ និងបើកចំហឆ្នេរសមុទ្រសម្រាប់ សាធារណជន ចេញចូលកម្សាន្ត រៀបចំបណ្តាញបៃតងតាម បណ្តោយឆ្នេរ រៀបចំប្រព័ន្ធលូ អាងចម្រោះទឹក កខ្វក់រៀបចំដាក់ប៉ាណូផ្សព្វផ្សាយ អំពីការអភិវឌ្ឍ និងអភិរក្សតំបន់ឆ្នេរសមុទ្រ ដើម្បីធានា បានឆ្នេរសមុទ្រក្នុងប្រទេសកម្ពុជាគឺជាឆ្នេរសមុទ្រដ៏ស្រស់ស្អាតមួយដែលជាសមាជិកក្លឹបឆ្នេរសមុទ្រស្អាតបំផុតនៅលើសកលលោកហើយនិងត្រូវបានប្រសិទ្ធនាមថា ឆ្នេរសមុទ្រកម្ពុជា តារារះនាទិសនិរតី ៕
0
()
Application has been successfully submitted
we will contact you soon, please pay attention
ទូរស័ព្ទ:+855 66300666
+855 (0) 23222206 (CN/EN/KH)
+86 023 67480241 (CN)
+855 (0) 66400666 (CN/EN/KH)