ក្រុមអ្នកម៉ៅការសំណង់តូចៗទាំងអស់ក្នុងប្រទេសកម្ពុជា ត្រូវតែគោរពច្បាប់ស្តីពីសំណង់ គឺត្រូវចុះបញ្ជីដូចក្រុមហ៊ុនសាងសង់ដទៃទៀតដែរ។ ក្រសួងចាប់ផ្តើមរឹតបណ្តឹងច្បាប់កាន់តែខ្លាំង ដោយអំពាវនាវឱ្យក្រុមអ្នកម៉ៅការសំណង់តូចៗទាំងអស់ ចូលរួមអនុវត្តឱ្យបានខ្ជាប់ខ្ជួន យោងតាមអ្នកនាំពាក្យក្រសួងរៀបចំដែនដី នគរូបនីយកម្ម និងសំណង់។
“អ្នកម៉ៅការសាងសង់តូចៗលក្ខណៈឯកជន ឬគេអាចហៅបានម្យ៉ាងទៀតថា ក្រុមជាង ដែលគាត់ម៉ៅការសាងសង់ផ្ទះមួយ ឬពីរល្វែងរបស់ប្រជាពលរដ្ឋ ក៏ត្រូវរៀបចំឯកសារសុំសិទ្ធិប្រកបអាជីវកម្មសាងសង់ជាមុនសិន។ គឺថា ពួកគាត់មិនមែនក្រុមហ៊ុនសាងសង់ទេ តែពួកគាត់ត្រូវសុំសិទ្ធប្រកបអាជីវកម្មសាង់សង់ក្នុងនាមជាក្រុមជាង។ ហើយក្រសួង ក៏មានចេញវិញ្ញាបនបត្រប្រកបអាជីវកម្មឱ្យក្រុមជាងផងដែរ។”
ឯកឧត្តម សេង ឡូត បានមានប្រសាសន៍ដូច្នេះ នៅក្នុងសន្និសីទសារព័ត៌មានស្ដីពី «វឌ្ឍនភាព និងទិសដៅការងារបន្ដ របស់ក្រសួងរៀបចំដែនដី នគរូបនីយកម្ម និងសំណង់» នៅទីស្ដីការគណៈរដ្ឋមន្ដ្រី នាព្រឹកថ្ងៃទី១៦ ខែមីនា ឆ្នាំ២០២០។
ឯកឧត្តមបន្តថា “ក្រសួងមិនអាចអនុញ្ញាតឱ្យអ្នកទទួលការងារសាងសង់ណាមួយ គ្មានលិខិតអនុញ្ញាតអាចប្រកបអាជីវកម្មសាងសង់បាននោះទេ ដើម្បីជៀសវាងមិនឱ្យមានឧបទ្ទវហេតុណាមួយកើតឡើងនៅថ្ងៃមុខទៀត។ ពីព្រោះថាបើពួកគាត់មិនមានលិខិតអនុញ្ញាត ក្រសួងពិបាកកំណត់ឱ្យបានច្បាស់ថា តើពួកគាត់យល់ដឹងពីបច្ចេកទេសសាងសង់ ឬមិនដឹងនោះទេ។ ម្យ៉ាងវិញទៀត អ្នកជួលក្រុមជាងឱ្យមកសាងសង់ក៏មិនច្បាស់ថាក្រុមជាងនោះអាចជួលឱ្យបាន ឬមិនបានផងដែរ។”
ឯកឧត្តមបន្ថែមថា “ដូចគ្នាដែរ អ្នកទទួលម៉ៅការសំណង់ អាចទទួលសាងសង់ពីម្ចាស់សំណង់បាន លុះត្រាតែម្ចាស់សំណង់នោះ មានលិខិតអនុញ្ញាតសាងសង់ពីអាជ្ញាធរមានសមត្ថកិច្ចជាមុនសិន ដើម្បីធានាការអនុវត្តការងារក្នុងវិស័យសំណង់នេះ គោរពទៅតាមបទដ្ឋានទាំងច្បាប់ ទាំងបច្ចេកទេសបានត្រឹមត្រូវ។”
គួរបញ្ជាក់ផងដែរថា ច្បាប់ស្តីពីសំណង់ត្រូវប្រកាសឱ្យប្រើដោយព្រះមហាក្សត្រកាលពីថ្ងៃទី០២ ខែវិច្ឆិកា ឆ្នាំ២០១៩។ ច្បាប់នេះ ដែលមាន ២២ជំពូក និង១១១មាត្រានេះ អនុម័តឡើង ក្នុងគោលបំណងដើម្បីធានាគុណភាពសំណង់ទូទៅ និងសណ្តាប់ធ្នាប់សំណង់សាធារណ នៅទូទាំងប្រទេសកម្ពុជា៕(ព័ត៌មាននេះមានប្រភពមកពីConstruction-Property.com)
0
()
Application has been successfully submitted
we will contact you soon, please pay attention
ទូរស័ព្ទ:+855 66300666
+855 (0) 23222206 (CN/EN/KH)
+86 023 67480241 (CN)
+855 (0) 66400666 (CN/EN/KH)