ការិយាល័យមេធាវីដែលមានឈ្មោះថា Baqian (Cambodia) Counsultingនេះ ត្រូវបានធ្វើពិធីប្រកាសដាក់ឲ្យដំណើរ ការនៅក្នុងរាជធានីភ្នំពេញ កាលពីថ្ងៃទី២៥ ខែធ្នូកន្លងទៅនេះ ដោយមានក្រុមវិនិយោគិនចិន មកពីខេត្តយុនណាន។
នៅក្នុងពិធីប្រកាសបើកការិយាល័យននេះ ក៏មានការចុះហត្ថលេខាលើកិច្ចព្រមព្រៀងសហប្រតិបត្តិការយុទ្ធសាស្ត្រជាមួយក្រុមហ៊ុនចិនចំនួន៤ដែលកំពុងវិនិយោគនៅក្នុងប្រទេសកម្ពុជាផងដែរ។
ថ្លែងក្នុងពិធីសម្ពោធការិយាល័យមេធាវីនេះ លោក ហាន់ស៊ូ ហ្វ៊ូ តំណាង BAQIAN (Cambodia) Consulting Co., បានមានប្រសាសន៍ថា៖ BAQIAN (Cambodia) ជាបុត្រសម្ព័ន្ធរបស់ក្រុមហ៊ុន Baqian Law Group នៃខេត្តយុនណាន ដែលមានឯកទេសខាងផ្តល់សេវាផ្នែកច្បាប់ដ៏មានប្រសិទ្ធភាពនិងទាន់ពេលវេលាទៅដល់សហគ្រាសក្នុងស្រុកនិងអន្តរជាតិ។
លោកបានបញ្ជាក់ថា៖«ការបង្កើតការិយាល័យមេធាវីនៅកម្ពុជានេះ គឺអនុវត្តតាម គំនិតផ្តួចផ្តើម ផ្លូវមួយខ្សែក្រវាត់មួយ និងស្របតាមគោលនយោបាយរបស់ប្រទេសចិនហើយនិងលោកប្រធានាធិបតី ជិន ស៊ីភីង »។
លោកបានបន្ថែមថា៖គោលបំណងនៃការវិនិយោគផ្នែកច្បាប់នេះ គឺឆ្លើយតបតាមតម្រូវការរបស់ប្រជាជនចិននៅក្នុងប្រទេសកម្ពុជានិងក្រៅប្រទេស ក៏ដូចជាពលរដ្ឋកម្ពុជា និងអន្តរជាតិ ទទួលបាននូវសេវាកម្មពិគ្រោះប្រឹក្សាយោបល់គ្នាទៅវិញទៅមក។ការិយាល័យរបស់មេធាវី ប៉ាឈាន សន្យាថានឹងយកបទពិសោធន៍ដែលលោកបានដើរនៅលើវិស័យច្បាប់ដែលមានជាយូរមកហើយរបស់ខ្លួននេះផ្តល់សេវាកម្មយ៉ាងល្អឥតខ្ចោះនិងមានប្រសិទ្ធភាពខ្ពស់ដល់គ្រប់អតិថិជនរបស់លោក។
លោក ឆាវ អ៊ីនទ័រ(Cao Yunte) ប្រធានគណៈកម្មការនាយកនៃក្រុមហ៊ុន Khmer Holdings Group បានថ្លែងថា៖កម្ពុជា-ចិន ប្រៀបដូចជាក្បាលនិងកន្ទុយនៃទន្លេមេគង្គ។ទីក្រុងគុនមីងនិងភ្នំពេញ ជាច្រកពីរដ៏សំខាន់សម្រាប់ការអភិវឌ្ឍខ្សែក្រវាត់ទន្លេមេគង្គ។លោកស្វាគមក្រុមហ៊ុន Baqian Law Group ដែលបានមកវិនិយោគនៅក្នុងប្រទេសកម្ពុជា។នៅទីនេះ យើងត្រូវការអ្នកជំនាញផ្នែកច្បាប់ដើម្បីជួយដល់កិច្ចសហប្រតិបត្តិការនិងការផ្លាស់ប្តូរផ្នែកសេដ្ឋកិច្ចរវាងប្រទេសទាំងពីរ។
យោងតាមរបាយការណ៍របស់ក្រុមប្រឹក្សាអភិវឌ្ឍន៍កម្ពុជាគិតត្រឹមដំណាច់ខែមេសា ឆ្នាំ២០១៨ បានបង្ហាញថា ទុនវិនិយោគផ្ទាល់ពីប្រទេសចិន មកកាន់កម្ពុជាកើនដល់ទឹកប្រាក់ជាង១៧ប៊ីលានដុល្លារអាមេរិក ទៅលើវិស័យដូចជា៖ វិស័យសំណង់ វិស័យកសិកម្ម វិស័យថាមពល វិស័យឧស្សាហកម្មកាត់ដេរ វិស័យធនាគារនិងហិរញ្ញវត្ថុ វិស័យទូរគមនាគមន៍ ហើយនឹងវិស័យទេសចរណ៍ ជាដើម៕
1
()
Application has been successfully submitted
we will contact you soon, please pay attention
ទូរស័ព្ទ:+855 66300666
+855 (0) 23222206 (CN/EN/KH)
+86 023 67480241 (CN)
+855 (0) 66400666 (CN/EN/KH)