ការចុះបញ្ជីអចលនទ្រព្យជួល ដែលមានព័ត៌មានពិពណ៌នានិងរូបភាពពេញលេញ គឺមានភាពទាក់ទាញជាង។ ជាទូទៅ បញ្ជីអចលនទ្រព្យដែលមានព័ត៌មានលម្អិត និងពេញលេញនៅលើគេហទំព័រអចលនទ្រព្យ Compass.com.kh តែងតែទទួលបានអតិថិជនច្រើន ជាងការចុះបញ្ជីអចលនទ្រព្យ ដែលមានព័ត៌មានមិនពេញលេញ!
ដោយសារអ្នកជួលភាគច្រើន នឹងត្រូវផ្លាស់ប្តូរកន្លែងស្នាក់នៅ មកពីក្រៅប្រទេស ឬតំបន់ផ្សេងទៀត បញ្ជីអចលនទ្រព្យរបស់អ្នក ត្រូវតែមានភាពទាក់ទាញគ្រប់គ្រាន់ ដើម្បីបញ្ចុះបញ្ចូលអ្នកជួលឱ្យកក់និងបង់ប្រាក់ដោយផ្ទាល់តាមអ៊ីនធឺណិត ដោយមិនចាំបាច់ទៅមើលដល់កន្លែងផ្ទាល់នោះទេ។ សម្រាប់រឿងនេះ ទាមទារការជឿទុកចិត្តជាច្រើន ដែលអ្នកអាចបង្កើតដោយមាន ព័ត៌មាននៅក្នុងបញ្ជីអចលនទ្រព្យនិងប្រវត្តិរូបពេញលេញ។
ខាងក្រោមនេះគឺជាគន្លឹះនិងល្បិចងាយៗចំនួន ៤ អំពីរបៀបធ្វើឱ្យបញ្ជីអចលនទ្រព្យជួលរបស់អ្នក ស្រូបទាញអ្នកជួលដោយគ្មានភាពលំបាក៖
១. បង្ហាញរូបភាពដែលច្បាស់ យ៉ាងហោចណាស់ ៥ រូបដែរ
ចំណាប់អារម្មណ៍ដំបូងអំពីអ្នកនិងបញ្ជីអចលនទ្រព្យរបស់អ្នក ត្រូវបានកំណត់ដោយរូបភាពដែលអ្នកប្រើនោះហើយ។ រូបភាពមានសារៈសំខាន់ក្នុងការបញ្ជាក់សុពលភាព និងការបញ្ជាក់នៅក្នុងបញ្ជីអចលនទ្រព្យរបស់អ្នក។
អ្នកគួរតែបង្ហាញរូបភាពយ៉ាងតិច ១ សន្លឹកនៃគ្រប់កន្លែងទាំងអស់ ដូចជា បន្ទប់គេង ផ្ទះបាយ បន្ទប់ទទួលភ្ញៀវ ឬបន្ទប់ងូតទឹកជាដើម ដើម្បីអនុញ្ញាតឱ្យអ្នកជួល នឹកស្រមៃអំពីទិដ្ឋភាពនៅក្នុងនោះ។
របៀបថតរូប៖
⁕ ត្រូវប្រាកដចិត្តថា ទីកន្លែងអចលនទ្រព្យនោះ គឺស្អាត ហើយមានសណ្តាប់ធ្នាប់។
⁕ បន្ទប់មានពន្លឺល្អ អាចបើកវាំងនន ហើយថតរូបជាមួយពន្លឺធម្មជាតិ ឬក៏បើកភ្លើង ដើម្បីបន្ថែមសម្រស់។
⁕ ការថតពីជ្រុងនៃអចលនទ្រព្យ គឺប្រសើរជាងថតពីចំហៀងម្ខាងៗ ដែលនាំយកមកនូវទិដ្ឋភាពពេញលេញ ទាំងទំហំ និងកន្លែងផ្សេងៗទៀត។
អ្នកមិនចាំបាច់ចំណាយលុយ ទៅលើអ្នកថតកាមេរ៉ាអាជីព ដើម្បីថតរូបដ៏ល្អឥតខ្ចោះនោះទេ អ្នកក៏អាចប្រើត្រឹមតែស្មាតហ្វូនដែលមានតម្លៃសមរម្យ។
២. បំពេញនូវព័ត៌មានលម្អិត សម្រាប់ពិពណ៌នា
ការសរសេរព័ត៌មានពិពណ៌នាពេញលេញ គឺបង្ហាញអំពីភាពត្រឹមត្រូវ ដែលធ្វើឱ្យបញ្ជីអចលនទ្រព្យរបស់អ្នកកាន់តែទាក់ទាញនិងគួរឲ្យចាប់អារម្មណ៍ អាចជម្រុញឲ្យអ្នកជួលសាកសួរព័ត៌មានអំពីបញ្ជីរបស់អ្នក។
ការពិពណ៌នាគួរតែរួមបញ្ចូលព័ត៌មានអំពីខ្លួនអ្នក បញ្ជីអចលនទ្រព្យរបស់អ្នក អ្វីដែលត្រូវបានរួមបញ្ចូល គួរតែមានកន្លែងព័ទ្ធជុំវិញ មធ្យោបាយធ្វើដំណើរ ទីតាំងនៅជិតសាកលវិទ្យាល័យ ហាងលក់ទំនិញ និងកន្លែងកម្សាន្តនៅក្នុងតំបន់។
នៅពេលដែល អ្នកប្រើការពិពណ៌នា ដោយបញ្ជាក់ពីគុណសម្បត្តិនិងអត្ថប្រយោជន៍ ដែលមាននៅក្នុងអចលនទ្រព្យនោះ វាក៏មានសារៈសំខាន់ ហើយត្រូវមានភាពស្មោះត្រង់និងកំណត់ការរំពឹងទុកត្រឹមត្រូវ ដើម្បីចៀសវាងការលុបចោលឬមានរឿងយល់ច្រឡំកើតឡើង។
ប្រសិនបើអាច លោកអ្នកអាចបញ្ចូលព័ត៌មានឲ្យបានច្រើនតាមដែរអាចធ្វើបាន។ ព័ត៌មានដែលអ្នកបញ្ចូលកាន់តែច្រើន គុណភាពនៃបញ្ជីអចលនទ្រព្យរបស់អ្នក កាន់តែប្រសើរ។ ទាំងនេះក៏នឹងបង្កើនឱកាស ឲ្យអ្នកជួលពិនិត្យមើលបញ្ជីអចលនទ្រព្យរបស់អ្នកផងដែរ។ ការពិពណ៌នាច្បាស់លាស់និងលម្អិត ក៏អនុញ្ញាតឱ្យអ្នកឆ្លើយតបជាមុន ចំពោះការសង្ស័យនិងសំនួរ ដែលអាចជួយសន្សំសំចៃពេលវេលាច្រើនក្នុងរយៈពេលវែង។
៣. ត្រូវប្រាកដថាទិន្នន័យនៃកាលបរិច្ឆេទ គឺធ្វើបច្ចុប្បន្នភាព
នៅពេលស្វែងរកបន្ទប់ អ្នកជួលត្រូវជ្រើសរើសរយៈពេលជួល ដែលឆ្លុះបញ្ចាំងពីកាលបរិច្ឆេទចូលនិងចេញ។
កាលបរិច្ឆេទចូលនិងចេញ របស់អចលនទ្រព្យដែលធ្វើបច្ចុប្បន្នភាព អនុញ្ញាតឱ្យអ្នកទទួលបានសំណើជួល ដែលមានព័ត៌មានស្រដៀងគ្នាច្រើន ដូច្នេះអ្នកមិនចាំបាច់ចំណាយពេលវេលាឆ្លើយតបទៅនឹងអ្នកជួល ដែលមិនអាចផ្លាស់ប្តូរកាលបរិច្ឆេទចូលនៅតាមការចង់បានរបស់អ្នកបានទេ។
៤. ធ្វើឱ្យព័ត៌មានអន្តរការីរបស់អ្នក មើលទៅគួរឱ្យទុកចិត្ត
ដូចគ្នាទៅនឹងការទិញតាមអនឡាញដែរ អតិថិជនចង់ប្រាកដថា ពួកគេទិញអ្វីដែលពិតប្រាកដ។ បើមានព័ត៌មានមួយដែលពិតប្រាកដ និងអាចទុកចិត្តបាន ហើយក៏ជួយបង្កើតទំនុកចិត្ត។ ប្រសិនបើមានព័ត៌មានអន្តរការីរបស់អ្នកកាន់តែច្រើន កម្រិតឱកាសអតិថិជន ដែលនឹងជួលអចលនទ្រព្យរបស់អ្នក ក៏កាន់តែខ្ពស់ដែរ។
វិធីបង្កើនគុណភាពព័ត៌មានអន្តរការីរបស់អ្នក៖
⁕ ប្រើរូបថតថ្មី
⁕ បង្ហាញឈ្មោះពិត
⁕ រក្សា“ អត្រាឆ្លើយតប” លើសពី ៩០% និង“ ពេលវេលាឆ្លើយតប” របស់អ្នកក្រោម ២៤ ម៉ោង។ អត្រាឆ្លើយតប បង្ហាញពីការឆ្លើយតបរបស់អ្នកទៅអតិថិជន។ ពេលវេលាឆ្លើយតបបង្ហាញពីរយៈពេលជាមធ្យម ដែលអ្នកត្រូវការដើម្បីឆ្លើយតបទៅនឹងសាររបស់ពួកគេ។ ដោយសារអត្រាឆ្លើយតបនិងពេលវេលាឆ្លើយតបរបស់អ្នកនឹ ងត្រូវបានបង្ហាញនៅលើប្រវត្តិរូបរបស់អ្នក សូមប្រាកដថាអ្នកយកចិត្តទុកដាក់លើកត្តាទាំងនេះនៅពេលមានទំនាក់ទំនងជាមួយអតិថិជន។
ការចុះបញ្ជីអចលនទ្រព្យមាន ព័ត៌មានពេញលេញផ្តល់ឱ្យ អតិថិជនមានទំនុកចិត្តក្នុងជួលអចលនទ្រព្យដែលអ្នកកំពុងតែមាន ដោយមិនត្រូវការការមើលផ្ទាល់ដល់កន្លែងនោះទេ ហើយក៏ធានាផងដែរថា អ្នកនឹងទទួលបានតែសំណើពីអ្នកជួល ដែលសមស្របសម្រាប់អ្នក។
0
()
Application has been successfully submitted
we will contact you soon, please pay attention
ទូរស័ព្ទ:+855 66300666
+855 (0) 23222206 (CN/EN/KH)
+86 023 67480241 (CN)
+855 (0) 66400666 (CN/EN/KH)