ពីមួយឆ្នាំទៅមួយឆ្នាំ ចំនួនប្រជាជនដែលរស់នៅក្នុងរាជធានីភ្នំពេញ បានកើនឡើងជារឿយៗ ដោយក្នុងឆ្នាំ២០២១នេះ ប្រជាជនដែលកំពុងរស់នៅក្នុងរាជធានីមានចំនួនសរុប ២,១៤៤,០០០នាក់ ដែលកើនឡើងចំនួន ៣.១៨ ភាគរយ បើប្រៀបធៀបទៅនឹងឆ្នាំ២០២០។ នេះជាកត្តាដែលធ្វើឲ្យតម្រូវការលំនៅដ្ឋានមានកំណើនផងដែរ។ យើងឃើញថា មិនថា កណ្ដាលក្រុង ឬជាយក្រុងនោះទេ សំណង់លំនៅដ្ឋានប្រភេទ អគារខុនដូ អាផាតមិន ឬ ផ្ទះបុរី បានរីកសុះសាយគួរឲ្យកត់សម្គាល់។
ប៉ុន្តែដោយសារតែស្ថិតនៅក្នុងនាមជារាជធានីរបស់កម្ពុជា តម្លៃដី និងផ្ទះនៅភ្នំពេញមិនសូវមានតម្លៃទាបនោះឡើយ ចំណុចនេះក៏បង្កឲ្យប្រជាជនមួយចំនួនដែលមានប្រាក់ចំណូលទាបនិងមធ្យម មានការលំបាកក្នុងការស្វែងរកលំនៅដ្ឋានដែលសមល្មមនឹងគ្រួសារ និងប្រាក់ចំណូលរបស់ពួកគាត់ណាស់។ ក្នុងសកម្មភាពនេះ រដ្ឋាភិបាលកម្ពុជាក៏បានអំពាវនាវឲ្យម្ចាស់អភិវឌ្ឍគម្រោងលំនៅដ្ឋានពិចារណាទៅលើរឿងនេះផងដែរ។ យ៉ាងណាមិញ ក៏មានអ្នកអភិវឌ្ឍគម្រោងលំនៅដ្ឋានមួយចំនួន បានគិតគូរ និងចូលរួមនៅក្នុងសកម្មភាពនេះ ក្នុងការសាងសង់លំនៅដ្ឋាន ដែលមានតម្លៃសមរម្យ និងមានគុណភាពល្អ សម្រាប់បងប្អូនប្រជាពលរដ្ឋអាចធ្វើការបង់រំលស់បាន ដោយគម្រោងខ្លះបានយកការប្រាក់ទាប និងខ្លះទៀតមិនយកការប្រាក់ទៀតផង។
ក្នុងនាមជាគេហទំព័រអចលនទ្រព្យដែលមានវិជ្ជាជីវៈ ខមភើសសូមណែនាំនូវគម្រោងបុរីចំនួន ៥ គម្រោង ដែលមានតម្លៃក្រោម៥០,០០០ ដុល្លារក្នុងមួយល្វែង ហើយអ្វីដែលពិសេសទៀតនោះ អតិថិជនអាចធ្វើការបង់រំលស់ក្នុងបរិមាណសមរម្យ ដោយបង់មុនត្រឹមតែ ១០ ទៅ ៣០ ភាគរយមុនតែប៉ុណ្ណោះ។
រៀបរៀងដោយ ៖ Nea, ប្រធានផ្នែកនិពន្ធ ៖ Sunnie, នាយក / ផលិតករ ៖ Nicole
កាន់តែងាយស្រួលស្វែងរកអចលនទ្រព្យបានគ្រប់ប្រភេទជាមួយគេហទំព័រ Compass ទាំងក្នុង និងក្រៅប្រទេសមាននៅ ៖ កម្ពុជា | សិង្ហបុរី | អារ៉ាបរួម | ថៃ | ហ្វីលីពីន | មីយ៉ាន់ម៉ា | ឡាវ
0