[ការពិពណ៌នាពីគម្រោង]

បុរីសែនសុខត្រូវបានបង្កើតឡើងដោយអ្នកអភិវឌ្ឍន៏ដែលមានបទពិសោធន៍ក្នុងវិស័យនេះអស់ជាច្រើនទសវត្សមកហើយ។

អគាខុនដូបុរីសែនសុខ  រួមបញ្ចូលគ្នានូវស្ថាបត្យកម្មសម័យទំនើប នឹងគ្រោងអគារដ៏រឹងមាំ ដែលអមដោយ បរិស្ថានជុំវិញដ៏ស្រស់បំព្រង ដែលស្ថិតនៅចំតំបន់មានសក្កានុពលសំរាប់ការវិនិយោគ សន្តិសុខល្អ មានភាពស្ងប់ស្ងាត់ និងមានផាសុខភាព សំរាប់ការរស់នៅ ដែលជាទីប្រាថ្នាសំរាប់អ្នកចង់រស់នៅភាពស្ងប់ស្ងាត់ និងបែបធម្មជាតិ។

បុរីសែនសុខ មានបីគំរោងក្នុងបច្ចុប្បន្នដែលសរុបទាំងអស់មានបួនអគារ និងមានបន្ទប់ខុនដូសរុបទាំងអស់ ១០០០យូនីត ហើយអគារនីមួយៗត្រូវបានបំពាក់ដោយគ្រឿងបរិក្ខារទំនើបមានប្រព័ន្ធការពារសុវត្ថិភាពខ្ពស់ និងប្រព័ន្ធទឹក ភ្លើងតាមស្តង់ដារត្រឹមត្រូវផ្អែកតាមបទដ្ឋានការសាងសង់ទំនើបនាពេលបច្ចុប្បន្ន។

ប្រភេទខុនដូ នៃអគារនីមួយៗ មានប្រភេទខុសគ្នា ដូចជាអគារទី ១ និងអគារទី២ មានប្រភេទ STUDIO រហូតដល់ ៤បន្ទប់គេង ដែលមានទំហំចាប់ពី ៥៣.៨៨ម៉ែត្រការ៉េ ដល់ ២១៦ម៉ែត្រការ៉េ ។

បច្ចុប្បន្ន អគារទី១ និង ២ គឺលក់អស់ហើយ។  សំរាប់គំរោង អគារទី ៣ និង ៤ មានប្រភេទ ២បន្ទប់គេង និង ២+១បន្ទប់គេង ហើយមានទំហំចាប់ពី ៦៥.៥ម៉ែត្រការ៉េ ដល់ ១២១ម៉ែត្រការ៉េ ។ អគារទី៣ និងទី៤ មានកំពស់២០ជាន់ ហើយជាន់ខុនដូសំរាប់រស់នៅ ចាប់ពីជាន់ទី៤ ឡើងទៅ រឺឯបន្ទប់ស្ទីម សូណា អាងហែលទឹក បន្ទប់ហាត់ប្រាណ បន្ទប់ក្មេងលេង បន្ទប់ប៉េងប៉ង់ មាននៅជាន់ផ្ទាល់ដី សំរាប់អគារទី១&២ និងជាន់ទីបួន សំរាប់អគារទី៣&៤ ។ សំរាប់ចំណតរថយន្ត ទាំងអគារទី ១ ២ ៣ និង៤ មានសរុបទាំងអស់ ១០០០ ចំណត ។

[លក្ខណពិសេសនៃគម្រោង]

គ្រប់អាគារនីមួយៗរួមមានបន្ទប់សូណា ស្ទីម បន្ទប់ហាត់ប្រាណ បន្ទប់ក្មេង បន្ទប់ប៉េងប៉ង់ និងមានកន្លែងសំរាប់មានរៀបចំពិធីជប់លៀង ដាច់ដោយឡែកពីជាន់បន្ទប់ខុនដូ  ហើយនិងមានអាងហែលទឹកធំទូលាយនៅតាមអគារនីមួយ‌ៗផងដែរ។  ក្រៅពីនេះ ចំណត មាននៅតាមអគារខុនដូនីមួយៗ ដែលមានសុវត្ថិភាពខ្ពស់  ហើយលើសពីនេះទៅទៀតក៏មានហាងសំលៀកបំពាក់ ភោជនីយដ្ឋានជប៉ុន ចិន SUPER MARKET នៅជាន់ផ្ទាល់ដី ផងដែរ ។      អគារខុនដូនីមួយៗ មានប្រព័ន្ធការពារអគ្គីភ័យ និងសន្តិសុខ ២៤ម៉ោង  ជណ្តើរយន្តមានប្រព័ន្ធការពារនិងសុវត្ថិភាពខ្ពស់ ហើយមានរចនាសម្ព័ន្ធគ្រប់គ្រងស្តង់ដារ និងទទួលខុសត្រូវខ្ពស់ ដែលធ្វើអោយ អ្នករស់នៅ ក្នុងអគារខុនដូ នៃបុរីសែនសុខ មានទំនុកចិត្ត និងផាសុខភាពជាទីពេញចិត្ត ។

[ទីតាំងគម្រោង]

មានទីតាំងស្ថិតនៅតាមតាមបណ្តោយផ្លូវ៥៩៨ ក្នុងតំបន់ទួលគោកចំណាយពេលត្រឹមតែ ៥នាទីពីអង់តែនទូរទស្សន៍ជាតិ ហើយវាត្រូវបានហ៊ុំព័ទ្ធដោយផ្សារទំនើបអ៊ីអនសែនសុខ, ផ្សារទំនើបម៉ាក្រូ ផ្សារទំនើបTK   សាលារៀនអន្តរជាតិនិងមន្ទីរពេទ្យ និងធនាគារ ។

[ប្រភេទបន្ទប់]