ចុះយកមនុស្ស៨នាក់ធ្វើតេស្តសំណាកក្រោយពាក់ព័ន្ធអ្នកវិជ្ជមានកូវីដ១៩

ខេត្តតាកែវ ៖ នាព្រឹកថ្ងៃទី២៦ ខែឧសភា ឆ្នាំ២០២១ លោក កង អាណាន់ អភិបាល នៃគណៈអភិបាលក្រុង រួមដំណើរដោយលោក លោកស្រីអភិបាលរងក្រុង ដឹកនាំក្រុមការងារ បានចុះសាកសួរព័ត៌មានចំពោះអ្នកដែលបានប៉ះពាល់ដោយផ្ទាល់ និងប្រយោលជាមួយ លោក ជិន ធឿន មានវិជ្ជមានកូវីដ-១៩ (ជាបុគ្គលិកបើកឡានឱ្យក្រុមហ៊ុនចិន ហ្វូផាង ) ដែលមានទីលំនៅស្ថិតនៅភូមិចុងថ្នល់ សង្កាត់បារាយណ៍ ក្រុងដូនកែវ ខេត្តតាកែវ ។

លោកអភិបាលក៏បានសហការជាមួយមន្ទីរពេទ្យខេត្ត ធ្វើការបញ្ជូនអ្នកពាក់ព័ន្ធចំនួន៨នាក់មកធ្វើការពិនិត្យសុខភាពដោយតេស្តសំណាក និងដាក់ឱ្យធ្វើចត្តាឡីស័កនៅមណ្ឌលគរុកោសល្យភូមិភាគខេត្តតាកែវ ដើម្បីតាមដានសុខភាពបន្ត ។

ចំណែកគ្រួសារដែលនៅក្បែរខាង ដែលធ្លាប់មានពាក់ព័ន្ធចំនួន ៦គ្រួសារ ខាងក្រុមការងារបានយកខ្សែព័ទ្ធជុំវិញ ដោយឱ្យធ្វើចត្តាឡីស័កនៅនឹងគេហដ្ឋានរៀងខ្លួន ដោយបានណែនាំឱ្យអនុវត្តតាមវិធានការរបស់ក្រសួងសុខាភិបាល និងវិធានការ ៣កុំ ៣ការពារ រក្សាអនាម័យឱ្យបានខ្ជាប់ខ្ជួន ៕

អត្ថបទដោយ ៖ Samnang , ប្រធានផ្នែកនិពន្ធ ៖ Sunnie, និពន្ធនាយក / ផលិតករ ៖ Nicole

កាន់តែងាយស្រួលស្វែងរកអចលនទ្រព្យបានគ្រប់ប្រភេទជាមួយគេហទំព័រ Compass ទាំងក្នុង និងក្រៅប្រទេសមាននៅ ៖ Cambodia丨Laos | Myanmar | Singapore丨Philippines丨Thailand丨UAE