[ស្វែងរកអចលនទ្រព្យគ្រប់ប្រភេទមាននៅ Compass] ក្រុងឡុងដ៍ ៖ អតីតប្រធានាធិបតី នាយករដ្ឋមន្រ្តី និងរដ្ឋមន្រ្តីក្រសួងការបរទេសចំនួន១០០នាក់បានជំរុញឱ្យប្រទេសអ្នកមានទាំង៧ (G7) បង់ប្រាក់ដើម្បីចាក់វ៉ាក់សាំងការពារជំងឺរាតត្បាត Covid-19 នៅលើពិភពលោកដើម្បីជួយបញ្ឈប់ការឆ្លងរាតត្បាតនៃជំងឺនេះដែលកំពុងគំរាមកំហែងនៅទូទាំងពិភពលោក និងស្តារស្ថានការណ៍មកកាន់សភាពដើមវិញ ។ នេះបើយោងតាមប្រភពពីទីភ្នាក់ងារសារព័ត៌មាន Channel News Asia ដែលបានចេញផ្សាយនាព្រឹកថ្ងៃទី០៧ ខែមិថុនា ឆ្នាំ២០២១ នេះ ។
ការអំពាវនាវរបស់អតីតមេដឹកនាំទាំងអស់ធ្វើឡើងនៅមុនពេលកិច្ចប្រជុំកំពូល G7 នៅប្រទេសអង់គ្លេសដែលនឹងមកដល់នាពេលខាងមុខ ហើយក៏ជាពេលដែលប្រធានាធិបតីអាមេរិកអាណត្តិថ្មីលោក Joe Biden នឹងជួបជាមួយមេដឹកនាំកំពូលផ្សេងៗទៀតដែលមានដូចជា អង់គ្លេស, បារាំង, អាល្លឺម៉ង់, អ៊ីតាលី, កាណាដា និងជប៉ុន ។
នៅក្នុងលិខិតរបស់អតីតប្រធានាធិបតី នាយករដ្ឋមន្រ្តី និងរដ្ឋមន្រ្តីក្រសួងការបរទេសចំនួន១០០នាក់ដែលសរសេរផ្ញើទៅកាន់មេដឹកនាំ G7 ទាំងអស់បានបង្ហាញជំហរថា ៖«កិច្ចសហប្រតិបត្តិការពិភពលោកបានបរាជ័យក្នុងឆ្នាំ២០២០ ប៉ុន្តែឆ្នាំ២០២១ អាចនឹងឈានទៅរកយុគសម័យថ្មីមួយ» ។
លិខិតនោះបាននិយាយថា ៖«ការគាំទ្រពី G7 និង G20 ដែលធ្វើឱ្យវ៉ាក់សាំងអាចចូលបានសម្រាប់បណ្តាប្រទេសដែលមានប្រាក់ចំណូលទាប និងមធ្យមមិនមែនជាសកម្មភាពសប្បុរសធម៌ទេ ប៉ុន្តែផ្ទុយទៅវិញគឺសម្រាប់ផលប្រយោជន៍ជាយុទ្ធសាស្ត្ររបស់ប្រទេសនីមួយៗ»។
អតីតនាយករដ្ឋមន្ត្រីអង់គ្លេសលោក ហ្គរដុន ប្រោន បាននិយាយថា ៖«ការដែលឱ្យប្រទេសអ្នកមានទាំង៧ (G7) បង់ប្រាក់មិនមែនជាសេចក្តីសប្បុរសទេ វាគឺជាការការពារខ្លួនដើម្បីបញ្ឈប់ការរីករាលដាលនៃជំងឺនេះ (Covid-19) និងមិនឱ្យវាវិលត្រឡប់មកគម្រាមកំហែងដល់យើងទាំងអស់គ្នា» ។
លោកបានបន្ថែមនៅក្នុងសេចក្តីថ្លែងការណ៍មួយថា ៖«ការចំណាយត្រឹមតែ ០,៤៣ ដុល្លារអាមេរិកសម្រាប់មនុស្សម្នាក់ក្នុងមួយសប្តាហ៍នៅក្នុងចក្រភពអង់គ្លេសគឺជាតម្លៃទាបមួយដែលត្រូវចំណាយសម្រាប់គោលនយោបាយធានារ៉ាប់រងល្អបំផុតនៅលើពិភពលោក»។
សូមបញ្ជាក់ផងដែរថា ការអំពាវនាវរបស់អតីតប្រធានាធិបតី នាយករដ្ឋមន្រ្តី និងរដ្ឋមន្រ្តីក្រសួងការបរទេសចំនួន១០០នាក់ខាងលើ ស្របពេលជាមួយនឹងការស្ទង់មតិរបស់អង្គការសប្បុរសធម៌ Save the Children ដែលមានការគាំទ្រយ៉ាងខ្លាំងនៅសហរដ្ឋអាមេរិក, អង់គ្លេស, បារាំង, អាល្លឺម៉ង់ និងកាណាដាសម្រាប់ប្រទេសអ្នកមាន G7 សម្រាប់ការចំណាយទៅលើទឹកប្រាក់ ៦៦ ពាន់លានដុល្លារដែលត្រូវការសម្រាប់វ៉ាក់សាំង COVID-១៩ នៅទូទាំងពិភពលោក ៕
អត្ថបទដោយ ៖ Samnang , ប្រធានផ្នែកនិពន្ធ ៖ Sunnie, និពន្ធនាយក / ផលិតករ ៖ Nicole
កាន់តែងាយស្រួលស្វែងរកអចលនទ្រព្យបានគ្រប់ប្រភេទជាមួយគេហទំព័រ Compass ទាំងក្នុង និងក្រៅប្រទេសមាននៅ ៖ Cambodia丨Laos | Myanmar | Singapore丨Philippines丨Thailand丨UAE
0
()
Application has been successfully submitted
we will contact you soon, please pay attention
ទូរស័ព្ទ:+855 66300666
+855 (0) 23222206 (CN/EN/KH)
+86 023 67480241 (CN)
+855 (0) 66400666 (CN/EN/KH)