ខមភើសអចលនទ្រព្យ·សេចក្តីរាយការណ៍ព័ត៌មាន ~ យោងតាមសេចក្តីប្រកាសនៃថ្ងៃទី២០ ខែមិថុនានេះ រដ្ឋមន្រ្តីក្រសួងសុខាភិបាលនិងជាប្រធានគណៈកម្មការអន្តរក្រសួងដើម្បីប្រយុទ្ធនឹងជំងឺកូវីដ-១៩ លោក ម៉ម ប៊ុនហេង បានសម្រេចអនុញាតឱ្យអ្នកជំងឺកូវីដ-១៩ក្នុងរាជធានីភ្នំពេញ ដែលមានកម្រិតស្រាល ឬគ្មានរោគសញ្ញា អាចព្យាបាលដាច់ដោយឡែកដោយខ្លួនឯងផ្ទាល់នៅតាមផ្ទះបាន តែស្ថិតក្នុងលក្ខខណ្ឌក្រោមការផ្តល់ប្រឹក្សាពីខាងក្រុមគ្រូពេទ្យជំនាញ និងការគ្រប់គ្រងនៃអាជ្ញាធរមូលដ្ឋានតាមនីតិវិធីប្រតិបត្តិស្តង់ដារថ្មី។
គួរបញ្ជាក់ថា នីតិវិធីប្រតិបត្តិស្តង់ដារថ្មីស្តីពីការគ្រប់គ្រង ថែទាំ និងព្យាបាលអ្នកជំងឺកូវីដ-១៩ នៅតាមផ្ទះនេះ គឺនឹងត្រូវប្រតិបត្តិក្នុងភូមិសាស្ត្ររាជធានីភ្នំពេញជាជំហានដំបូងសិន ទើបត្រូវអនុញ្ញាតជាបន្តបន្ទាប់នៅតាមបណ្តាខេត្តនានា។
យោងតាមអ្នកនាំពាក្យនៃក្រសួងសុខាភិបាល លោកស្រី ឱ វណ្ណឌីន បានឱ្យដឹងថា នីតិវិធីប្រតិបត្តិស្តង់ដារដែលបានប្រកាសនេះ ជាគោលការណ៍ថ្មីដែលធ្វើឡើងដើម្បីជួយសម្រាលទៅដល់បន្ទុករបស់ក្រុមគ្រូពេទ្យ ព្រមទាំងមន្ទីរពេទ្យផ្សេងៗដែលកំពុងជួបប្រទះទៅនឹងចំនួនគ្រែពេទ្យសម្រាប់មើលថែអ្នកជំងឺកូវីដ-១៩ស្រាលនៅមានកម្រិត ដែលពួកគាត់មានប្រមាណដល់ទៅ ៨០ភាគរយ នៃអ្នកជំងឺសរុប។
តាមការបន្ថែមពី រដ្ឋមន្រ្តីក្រសួងសុខាភិបាល លោក ម៉ម ប៊ុនហេង ក៏បានដឹងថា នីតិវិធីប្រតិបត្ដិស្តង់ដារសម្រាប់ការព្យាបាលនៅផ្ទះនៃអ្នកជំងឺកូវីដ-១៩គឺមានសារៈសំខាន់ខ្លាំង ហើយនីតិវិធីប្រតិបត្ដិគឺត្រូវរៀបចំឡើងស្របទៅតាមអនុសាសន៍របស់រដ្ឋាភិបាល ដែលក្នុងសេចក្តីប្រកាសនៃនីតិវិធីថ្មីនេះក៏រួមមានការប្រកាន់ខ្ជាប់នូវអនាម័យដ៏តឹងរឹងនៅកំឡុងពេលមើលថែទាំអ្នកជំងឺ និងការចោលកាកសំណល់របស់អ្នកជំងឺប្រកបដោយសុវត្ថិភាព។ មិនតែប៉ុណ្ណោះ ខាងអាជ្ញាធរមូលដ្ឋានក៏នឹងទទួលខុសត្រូវក្នុងនៅការចែកចាយគ្រឿងផ្គត់ផ្គង់វេជ្ជសាស្ត្រ ដើម្បីព្យាបាលអ្នកជំងឺ ហើយក៏ដូចជាធ្វើការតាមដាននិងវាយតម្លៃប្រតិបត្តិការរបស់ក្រុមគ្រូពេទ្យផងដែរ៕
រៀបរៀងនិងកែសម្រួលដោយខមភើសកម្ពុជា
រៀបរៀងដោយ ៖ Thangnyth, ប្រធានផ្នែកនិពន្ធ ៖ Sunnie, នាយក / ផលិតករ ៖ Nicole
កាន់តែងាយស្រួលស្វែងរកអចលនទ្រព្យបានគ្រប់ប្រភេទជាមួយគេហទំព័រ Compass ទាំងក្នុង និងក្រៅប្រទេសមាននៅ ៖ កម្ពុជា | សិង្ហបុរី | អារ៉ាប់រួម | ថៃ | ហ្វីលីពីន | មីយ៉ាន់ម៉ា | ឡាវ
0
()
Application has been successfully submitted
we will contact you soon, please pay attention
ទូរស័ព្ទ:+855 66300666
+855 (0) 23222206 (CN/EN/KH)
+86 023 67480241 (CN)
+855 (0) 66400666 (CN/EN/KH)