ខមភើសអចលនទ្រព្យ·សេចក្តីរាយការណ៍ព័ត៌មាន ~ នេះបើយោងតាមការបញ្ជាក់កាលពីថ្ងៃទី ២៩ ខែមិថុនា កន្លងទៅបានឱ្យដឹងថា ក្រុមហ៊ុនផលិតឱសថឈានមុខគេរបស់ប្រទេសបារាំង Sanofi គ្រោងនឹងវិនិយោគទុនទឹកប្រាក់ប្រមាណ ២ ពាន់លានអឺរ៉ូ ទៅលើបច្ចេកវិទ្យាវ៉ាក់សាំង mRNA ដែលជាបច្ចេកវិទ្យានៃការអភិវឌ្ឍវ៉ាក់សាំងការពារជំងឺកូវីដ ១៩។
ការដែលមានការយឺតយ៉ាវនៅក្នុងការរផលិតវ៉ាក់សាំងការពារ បន្ទាប់ពីមានការផ្ទុះឡើងនូវជំងឺកូវីដ ១៩ កាលពីឆ្នាំទៅមិញ ខាងក្រុមហ៊ុន Sanofi នាពេលបច្ចុប្បន្នបានធ្វើការថ្លែងថា ចាប់ពីពេលនេះ រហូតដល់ឆ្នាំ ២០២៥ Sanofi ផ្ទាល់នឹងវិនិយោគ ៤០០ លានអឺរ៉ូ ក្នុងមួយឆ្នាំ ដើម្បីធ្វើការអភិវឌ្ឍយ៉ាងហោចណាស់ឱ្យបានវ៉ាក់សាំងចំនួន ៦ ប្រភេទ ដោយផ្អែកលើការប្រើប្រាស់ mRNA។ លើកពីនេះទៅទៀត តាមការបញ្ជាក់បន្ថែម ក្រុមហ៊ុន Sanofi ក៏នឹងបង្កើត «មជ្ឈមណ្ឌលឧត្តមភាព» នៃ mRNA ដែលមានផ្តល់ឱកាសការងារចំនួន ៤០០ កន្លែងនៅក្នុងមន្ទីរពិសោធន៍របស់ខ្លួន នៃទីក្រុង Cambridge និង Marcy-L'Etoile របស់អាមេរិកដែលស្ថិតនៅជិតទីក្រុង Lyon នៃប្រទេសបារាំង ។
យោងតាមការមានប្រសាសន៍របស់ លោក Thomas Triomphe ដែលជាប្រធានក្រុមហ៊ុនពិភពលោកនៃ Sanofi Pasteu បានឲ្យដឹង «ការវិនិយោគថ្មីដ៏ធំលើកនេះ ច្បាស់ណាស់វាគឺជាការដាក់ខ្លួនចូលទៅប្រជែងក្នុងការអភិវឌ្ឍវ៉ាក់សាំងការពារជំនាន់ថ្មី ដោយផ្អែកលើ mRNA ។ មិនតែប៉ុណ្ណោះ នៅខណៈដែល mRNA អាចមិនមែនជាដំណោះស្រាយសម្រាប់គ្រប់ជំងឺឆ្លងទេ តែពេលវាប្រែក្លាយទៅជាសារធាតុបង្កាធម្មតាវិញ វាក៏នៅអាចនាំមកនូវផលប៉ះពាល់សម្រាប់តម្រូវការសុខភាពសាធារណៈថែមទៀត »។
ការបង្កើតវ៉ាក់សាំងបែបប្រពៃណី គឺជាដំណើរការដ៏យូរមួយ វាគឺជាដំណើរនៃការការវិវត្តទម្រង់ខ្សោយនៃធាតុបង្កជំងឺឱ្យទៅជាសារធាតុការពារ ។ តែចំពោះការផលិត វ៉ាក់សាំង កូវីដ១៩ ដោយ mRNA វិញ វាជាដំណើរការនៃការសាងសង់ឡើងនៃហ្សែន ជាមួយកោសិការបស់មនុស្ស ដើម្បីបង្កើតនូវផ្នែកលើនៃប្រូតេអ៊ីនរបស់វីរុសកូរ៉ូណា ក្នុងន័យបណ្តុះបណ្តាលប្រព័ន្ធភាពស៊ាំនៃរាងកាយអាចទទួលស្គាល់វីរុសពិតប្រាកដបាន។ ហើយដោយហេតុតែ Sanofi ជាដំបូងបានដើរលើផ្លូវនៃការបង្កើតវ៉ាក់សាំងបែបប្រពៃណី ដូចនេះ ការវិនិយោគលើកនេះមានភាពប្រជែងយ៉ាងខ្លាំងក្នុងការចូលក្នុងទីផ្សារនៃការបង្កើត វ៉ាក់សាំង កូវីដ១៩។
តែទោះយ៉ាងណាក្តី ក្រុមហ៊ុន Sanofi ក៏កំពុងអភិវឌ្ឍនៃវ៉ាក់សាំងការពារដោយ mRNA ជាមួយនឺងក្រុមហ៊ុន Translate Bio នៃសហរដ្ឋអាមេរិក និងមិនតែប៉ុណ្ណោះ នាថ្មីៗនេះក៏បានធ្វើការចាប់ផ្ដើមសាកល្បងលើមនុស្ស ដោយការចាក់វ៉ាក់សាំងប្រឆាំងនឹងជំងឺផ្ដាសាយ ដែលប្រើប្រាស់ទម្រង់នៃការបង្កើតតែមួយ៕
រៀបរៀងនិងកែសម្រួលដោយខមភើសកម្ពុជា
រៀបរៀងដោយ ៖ Thangnyth, ប្រធានផ្នែកនិពន្ធ ៖ Sunnie, នាយក / ផលិតករ ៖ Nicole
កាន់តែងាយស្រួលស្វែងរកអចលនទ្រព្យបានគ្រប់ប្រភេទជាមួយគេហទំព័រ Compass ទាំងក្នុង និងក្រៅប្រទេសមាននៅ ៖ កម្ពុជា | សិង្ហបុរី | អារ៉ាប់រួម | ថៃ | ហ្វីលីពីន | មីយ៉ាន់ម៉ា | ឡាវ
0
()
Application has been successfully submitted
we will contact you soon, please pay attention
ទូរស័ព្ទ:+855 66300666
+855 (0) 23222206 (CN/EN/KH)
+86 023 67480241 (CN)
+855 (0) 66400666 (CN/EN/KH)