តើទីផ្សារខុនដូនឹងក្លាយទៅជាយ៉ាងណា ប្រសិនបើម្ចាស់អភិវឌ្ឍគម្រោងធំៗបានប្ដូរគោលដៅ ឈានជើងចូលទីផ្សារផ្ទះបុរី?

    វិស័យអចលនទ្រព្យនៅកម្ពុជាជាពិសេសផ្នែកលំនៅឋានក្នុងរយៈពេលជាង២០ឆ្នាំក្រោយមកនេះ យើងសង្កេតឃើញថា មានអ្នកវិនិយោគទុនជាច្រើនមិនថា អ្នកវិនិយោគក្នុងស្រុកឬអ្នកវិនិយោគនៅក្រៅប្រទេសដែលបានធ្វើដំណើរចូលក្ដី បានធ្វើឲ្យមានគម្រោងលំនៅឋានជាច្រើនប្រភេទបានរះឡើង ជាបន្តបន្ទាប់ប្រៀបបានដូចជាផ្សិតដុះអញ្ចឹង មិនថាគម្រោងខុនដូ និង គម្រោងបុរីជាដើម។ 

ប៉ុន្តែឥលូវនេះនៅក្នុងវិស័យអចលនទ្រព្យបានលេចឡើងចំណុចគួរឲ្យអារម្មណ៍ដែលម្ចាស់អភិវឌ្ឍគម្រោងខុនដូមួយចំនួនបានបន្ថែមគោលដៅរបស់ខ្លួនដោយបន្ថែមទៅលើការសាងសង់គម្រោងផ្ទះបុរីបន្ថែមទៀត។ ចំពោះទិដ្ឋភាពដែលបានកំពុងកើតឡើង តើទីផ្សារលំនៅឋានទាំងពីរនេះ នាពេលបច្ចុប្បន្នមានស្ថានភាពឬនិន្នាការដូចម្ដេចទៅ? ហើយស្ថានភាពទីផ្សារទាំងនេះ នាពេលអនាគតនឹងអាចប៉ាន់ស្មានបានយ៉ាងដូចម្ដេចខ្លះ?

✼ តើមានម្ចាស់គម្រោងខុនដូល្បីៗណាខ្លះបានប្រឡូកក្នុងវិស័យសំណង់ផ្ទះបុរី?

    តាមការសង្កេតបន្ទាប់ពីបានបណ្ដាក់ទុនលើការសាងសង់គម្រោងខុនដូរបស់ខ្លួនជាច្រើនគម្រោងរួចមក ពេលនេះម្ចាស់គម្រោងល្បីៗ ដែលមានមុខមាត់លើឆាកទីផ្សារលំនៅឋានរបស់កម្ពុជាមួយចំនួន បានបន្ថែមផលិតផលផ្នែកលំនៅឋានរបស់ខ្លួនដោយផ្ដោតលើការសាងសង់គម្រោងផ្ទះបុរីបន្ថែម។ ជាក់ស្ដែងមានព្រីនស៍ ហ័នយូ គឺជាអ្នកអភិវឌ្ឍន៍ផ្នែកអចលនទ្រព្យដ៏សំខាន់មួយផ្សេងទៀតរបស់ព្រីនស៍ ហូលឌីងគ្រុប។ ព្រីនស៍ ហ័នយូ បានសាងសង់លើគម្រោងជាង២០ ហើយជាម្ចាស់អភិវឌ្ឍន៍របស់អគារ Prince Financial Tower ដែលជាអគារកម្ពស់ ៤៧ ជាន់ដែលកំពុងត្រូវបានសាងសង់នៅក្នុងរាជធានីភ្នំពេញ និង Prince Mall ដែលមានទីតាំងនៅក្នុងខេត្តព្រះសីហនុ។ ដោយទាំងនោះសុទ្ធសឹងតែជាសំណង់ខុនដូ និងហិរញ្ញវត្ថុ លំដាប់ខ្ពស់ៗ ចំណែកនារយៈពេលក្រោយនេះ ព្រីនស៍ ហ័នយូ បានធ្វើការអភិវឌ្ឍន៍ទៅលើគម្រោងបុរី ឈ្មោះថា ភូមិសំរោង ស្ថិតនៅភូមិភាគខាងជើងរាជធានីភ្នំពេញដែលជាតំបន់អភិវឌ្ឍន៍ថ្មីពោរពេញដោយសក្តានុពល តាមបណ្តោយផ្លូវជាតិលេខ៥។ 

បើយើងក្រឡេកទៅមើលអ្នកអភិវឌ្ឍធំមួយទៀត ដែលយើងបានស្គាល់ជា ក្រុមហ៊ុន Morgan Group វិញ ក៏បានអភិវឌ្ឍលើគម្រោងបុរី Morgan Park Villa របស់ខ្លួន ដែលមានទីតាំងនៅតាមបណ្ដោយតាមផ្លូវជាតិ៦ អា បន្ទាប់ពីបានដំណើរការលើការសាងសង់អគារការិល័យ Morgan Groupនៅទីក្រុងកោះពេជ្រ និងគម្រោងខុនដូ Morgan Enmaison នៅក្នុងខណ្ឌជ្រោយចង្វារ។ ហើយយើងក៏មិនភ្លេច ក្រុមហ៊ុន យៀកថៃ គ្រុប ដែលជាក្រុមហ៊ុនអភិវឌ្ឍធំមួយ ក្នុងចំណោមក្រុមហ៊ុនអភិវឌ្ឍអចលនទ្រព្យផ្សេងៗទៀត ក៏បានចាប់ផ្ដើមឈានជើងចូលទីផ្សារផ្នែកបុរីដោយបានសាងសង់លើគម្រោងបុរី តាំងពីឆ្នាំ២០២០ មកម្ល៉េះ ដែលមានឈ្មោះថា យៀកថៃ ដឹហ្គាដិន ដែលជាគម្រោងមានការលាយបញ្ចូលគ្នារវាងអគារខុនដូ និងផ្ទះបុរី ដែលនឹងរៀបនឹងលេចចេញនៅក្នុងខណ្ឌមានជ័យ។ 

✼ ទីផ្សារខុនដូ និងទីផ្សារបុរីនៅកម្ពុជានាពេលបច្ចុប្បន្ន

    លោកឃួង ស្រេង អភិបាលរាជធានីភ្នំពេញ បានឲ្យដឹងថា ជាពិសេសទោះបីជាស្ថិត ក្នុងបរិបទកូវីដ១៩យ៉ាងណាក៏ដោយ គិតត្រឹមដើមឆ្នាំនេះ នៅរាជធានីភ្នំពេញមានសំណង់បុរី និងបណ្ដុំផ្ទះល្វែងចំនួន ៣១០កន្លែង និង អគារខ្ពស់ៗចំនួន១.៦០៣អគារ ក្នុងនោះអគារកម្ពស់ចាប់ពី ២០ជាន់ឡើងទៅមានចំនួន ២២៥អគារ ខណៈឆ្នាំ២០២១ កន្លងទៅ កម្ពុជាទទួលបានគម្រោងសាងសង់ថ្មីៗពីវិស័យឯកជនចំនួន ១.០៥០គម្រោង លើផ្ទៃក្រឡាសំណង់សរុបជាង៤,៦៣ លានម៉ែត្រក្រឡា។ មកដល់ចំណុចនេះ សូមពិនិត្យមើលទិន្នន័យទីផ្សារទាំងពីរនេះ។ 

+ ទីផ្សារខុនដូ

    ដូចដែលយើងបានដឹងស្រាប់ហើយថា ខុនដូជាប្រភេទលំនៅឋានដែលមានរចនាបែបលោកខាងលិចនិងទើបតែមានវត្តមាននៅប្រទេសកម្ពុជារយៈពេល១០ជាងឆ្នាំក្រោយនេះតែប៉ុណ្ណោះ។បែបនេះហើយយោងទៅតាមការវិភាគរបស់អ្នកជំនាញអចលនទ្រព្យជាច្រើនរូបបានឲ្យដឹងថា ទីផ្សារនេះគឺរំពឹងខ្លាំងពីលំហូរទុនវិនិយោគពីជនបរទេស ដែលវាអាចមិនសមស្របសម្រាប់អ្នកដែលមានចំណូលក្រោមមធ្យមនិងមធ្យម។ ក្នុងបរិបទសម័យកូវីដនេះ ទោះបីជាកម្ពុជាមិនបានកំណត់យ៉ាងតឹងរុឹងលើរយៈពេលការធ្វើចត្តាឡីស័កក៏ដោយ ប៉ុន្តែប្រទេសផ្សេងៗនៅមានការរឹតបន្តឹង ដូច្នេះហើយវាអាចជាកត្តាដែលធ្វើឲ្យមិនថាអ្នកវិនិយោគ ឬ អ្នកទិញទុកសម្រាប់ស្នាក់នៅផ្ទាល់ខ្លួន មានភាពលំបាកក្នុងការធ្វើដំណើរចូលប្រទេសកម្ពុជា។ 

ដែលនេះបានជះឥទ្ធិពលលើទីផ្សារខុនដូ បើយើប្រសិនបើយើងក្រឡេកមើលវិស័យអចលនទ្រព្យវិញ ក្នុងត្រីមាសទី៣ ឆ្នាំ ២០២១ តម្លៃលក់របស់ខុនដូបានធ្លាក់ចុះពី ១,៨-៣ ភាគរយ និង៥,៦-៧,៨ ភាគរយនៃតម្លៃជួល។ តែនៅក្នុងឆ្នាំ ២០២២ នឹងមានការប្រកួតប្រជែងខ្លាំងនៅក្នុងទីផ្សារខុនដូរ ដោយសារគម្រោងដែលបានពន្យារពេលជាច្រើននឹងសាងសង់ឡើងវិញក្នុងពេលដំណាលគ្នា ដែលនាំឱ្យការផ្គត់ផ្គងខុនដូរកើនឡើង ៤២% នៃការផ្គត់ផ្គង់សរុប ហើយគម្រោងទាំងនោះក៏កំពុងមានការបញ្ចុះតម្លៃផងដែរ ដើម្បីទាក់ទាញអតិថិជន។ 

+ ទីផ្សារបុរី

    ខណៈទំនោរជនជាតិខ្មែរចូលចិត្តរស់នៅតាមផ្ទះដែលមានទីធ្លារធំទូលាយ និងនៅផ្ទាល់ដី ជាទីផ្សារមិនរំពឹងលើទុនវិនិយោគរបស់បរទេស ធ្វើឲ្យទីផ្សារបុរីនៅតែមានសង្ឃឹមជានិច្ច  ហើយសំណង់លំនៅឋានបែបនេះសាកសមជាមួយអ្នកដែលមានចំណូលក្រោមមធ្យមនិងមធ្យម ហើយអាចរស់នៅបានសមាជិកច្រើន និងមិនមានភាពរឹតបន្តឹងច្រើននោះទេ។ រីឯការធ្វើដំណើរទៅកាន់គម្រោងបុរីនីមួយៗ ក៏មិនសូវមានភាពលំបាកដូចមុនឡើយ ដូច្នេះ ប្រជាជនមួយចំនួនសុខចិត្តចំណាយពេលលើការធ្វើដំណើរ។ 

ទន្ទឹមនឹងនេះ អ្នកជំនាញអចលនទ្រព្យមួយរូប បានបង្ហើបឲ្យដឹងថា ទីផ្សារបុរីទោះជា ១០ ២០ ឆ្នាំតទៅមុខទៀត ក៏នៅតែមានសន្ទុះឡើងដដែរ។ យើងក៏សង្កេតឃើញដែរថា ក្នុងសម័យជំងឺកូវីដ១៩ ទោះបីជាមានការបញ្ចុះតម្លៃយ៉ាងច្រើនក៏ដោយ ក៏ផ្ទះបុរីនៅតែមានការឡើងថ្លៃពីចន្លោះពី ៨-១៣ ភាគរយឯណោះ។ ហើយសម្រាប់ការទិញផ្ទះបុរីក៏មានភាពងាយស្រួល ប្រសិនបើអតិថិជនមិនមានថវិកាគ្រប់ គេក៏អាចស្នើកម្ចីពីធនាគារបានទៀតផង ដោយគម្រោងខ្លះបានផ្ដល់លក្ខខណ្ឌបង់ប្រាក់ទៅអតិថិជន អាចបង់រំលស់សុទ្ធ១០០ភាគរយ ឬ ៧០ទៅ៨០ភាគរយនៃតម្លៃផ្ទះសរុប។ 

    បន្ទាប់ពីបានពិនិត្យមើលទៅលើ ទិន្នន័យនៃទីផ្សារទាំងពីរ ក៏ដូចជាចំណង់ចំណូលចិត្តរបស់អតិថិជនរួចមក យើងអាចយល់បានថា ទោះបីជាទីផ្សារបុរីហាក់មានប្រៀបជាងទីផ្សាររបស់ខុនដូពិតមែន ប៉ុន្តែក៏មិនមែនមានន័យថា ទីផ្សារខុនដូនៅជាប់គាំងខ្លាំងនោះដែរ អ្វីនឹងអាចត្រលប់មកភាពប្រសើរវិញនៅពេលដែលជំងឺឆ្លងមានសភាពកាន់តែធូរស្រាល ហើយនេះក៏ជាច្រកមួយដ៏ល្អ របស់ម្ចាស់អភិវឌ្ឍគម្រោងលំនៅឋានក្នុងការសាងសង់ផលិតផលរបស់ខ្លួន ចម្រុះបែប ដែលធ្វើឲ្យទីផ្សារកាន់តែទូលាយ អតិថិជនមានភាពងាយស្រួលក្នុងការពិចារណាលើលំនៅឋានដែលខ្លួនចង់បាន ហើយក៏ជាការបង្កើនទំនុកចិត្តពីអ្នកទិញផងដែរ។ 

ហើយប្រសិនបើលោកអ្នកកំពុងមានគំនិតចង់វិនិយោគលើគម្រោងខុនដូ ឬបុរី ឬទិញទុកសម្រាប់រស់នៅផ្ទាល់ខ្លួន សូមកុំភ្លេចគេហទំព័រ Compass.com.kh ដែលជាវេទិកាអចលនទ្រព្យដ៏សម្បូរបែប នឹងជួយឲ្យអតិថិជនស្វែងរកលំនៅឋានដែលខ្លួនពេញចិត្តកាន់តែមានប្រសិទ្ធិភាព។ ព័ត៌មានបន្ថែម៖ +855-81 355 414，+855-17 656 857