ខេត្តព្រះសីហនុ មានគម្រោងវិនិយោគសរុបចំនួន ១.១៨៦គម្រោង ក្នុងនោះបានបញ្ចប់ ៥៩៥គម្រោងហើយ។ នេះបើតាមសន្និសីទសារព័ត៌មាន ស្ដីពី “ភាពជោគជ័យក្នុងរយៈពេល ៥ឆ្នាំកន្លងមក” របស់រដ្ឋបាលខេត្តព្រះសីហនុ កាលពីថ្ងៃទី១៥ ខែកុម្ភៈ ឆ្នាំ២០២៣។
ទន្ទឹមនឹងនេះផងដែរ រាជរដ្ឋាភិបាល បានផ្ដល់ការវិនិយោគ ទៅលើកោះ និងឆ្នេរ ដល់ក្រុមហ៊ុនចំនួន ២៧ ដែលមានទុនវិនិយោគសរុប ៨.៩០០.៥៧០.២៥១ដុល្លារអាមេរិក។
បច្ចុប្បន្ន ខេត្តនេះសំណង់អគារសរុប ចំនួន ១.០០៦អគារ កោះចំនួន៣០ និងថ្មប៉ប្រះទឹកចំនួន ២ទីតាំង។
បន្ថែមពីនេះ ខេត្តព្រះសីហនុ មានតំបន់សេដ្ឋកិច្ចពិសេស សរុបចំនួន១១តំបន់ ក្នុងនោះមាន ៣តំបន់កំពុងដំណើរការ និង ៨ទីតាំងផ្សេងទៀតត្រៀមដំណើរការ។
ចំពោះ រោងចក្រក្នុងតំបន់សេដ្ឋកិច្ចពិសេសមានចំនួនសរុប ១៦៨រោងចក្រ និងក្រៅតំបន់សេដ្ឋកិច្ចពិសេសមានចំនួនសរុប ៧១រោងចក្រ ដែលបានផ្តល់ការងារដល់ប្រជាពលរដ្ឋក្នុងតំបន់មានចំនួនសរុប ៣៤.៤៧៩នាក់ មានទុនវិនិយោគសរុបចំនួន ២.២១១.៦៧១.០០០ដុល្លារអាម៉េរិក។
ចំណែក គម្រោងវិនិយោគលើវិស័យឧស្សាហកម្មកែច្នៃម្ហូបអាហារ មានទុនវិនិយោគសរុប ១.៧៥៣.៩០០ដុល្លារអាម៉េរិកផងដែរ។
ដោយឡែក សម្រាប់សហគ្រាសធុនតូច និងមធ្យម និងសិប្បកម្មវិញ ខេត្តមានសរុបចំនួន ១.២១៣មូលដ្ឋាន ក្នុងនោះមានកម្លាំងពលកម្ម ៦.២៣១នាក់ មានទុនវិនិយោគ ២៦.៦៩៩.៦១៩ដុល្លារអាម៉េរិក។
ប្រភព៖ Construction and Property.com
0
()
Application has been successfully submitted
we will contact you soon, please pay attention
ទូរស័ព្ទ:+855 66300666
+855 (0) 23222206 (CN/EN/KH)
+86 023 67480241 (CN)
+855 (0) 66400666 (CN/EN/KH)