ក្រុមហ៊ុនចិន China Harbour Engineering Company LTD (CHEC) ទទួលបានសិទ្ធជាអ្នកសាងសង់កំពង់ផែអន្តរជាតិពហុបំណងនៅខេត្តកំពត បន្ទាប់ពីទីតាំងកំពង់ផែនេះ ត្រូវបានរៀបចំគ្រឹះក្រោម និងហេដ្ឋារចនាសម្ព័ន្ធមួយចំនួនរួចរាល់អស់រយៈពេលមួយឆ្នាំមកហើយ។
ពិធីចុះហត្ថលេខាលើកិច្ចសន្យាសាងសង់ ត្រូវបានធ្វើឡើង រវាងក្រុមហ៊ុន កំពត ឡូជីស្ទីក អេន ផត ឯ.ក និងក្រុមហ៊ុន ឆាយណា ហាបើរ អេនជីនារីង ខមភេនី អិលធីឌី នៅថ្ងៃទី៥ ខែឧសភា នៅក្រោមអធិបតីភាព ឯកឧត្តម ស៊ុន ចាន់ថុល ទេសរដ្ឋមន្ត្រី រដ្ឋមន្ត្រីក្រសួងសាធារណការ និងដឹកជញ្ជូន។
ការសាងសង់ចែកចេញពីបីដំណាក់កាល កំពង់ផែទឹកជ្រៅកម្រិតអន្តរជាតិដ៏ថ្មីសន្លាងនៅក្នុងខេត្តកំពតនេះ គឺជាគម្រោងវិនិយោគ ១,៥០០លានដុល្លារ នៅលើមានផ្ទៃដីរហូតដល់ទៅ ៦០០ហិកតា មានទីតាំងនៅភូមិចង្ហោន សង្កាត់ព្រែកត្នោត ក្រុងបូកគោ ខេត្តកំពត។
ច្រកពហុគោលបំណងនឹងមានសមត្ថភាពទទួលទូកុងតាន័រ ៣០ម៉ឺន TEUs ក្នុងមួយឆ្នាំ នៅឆ្នាំ២០២៥ និងកើនឡើងដល់ ៦០ម៉ឺន TEUs នៅឆ្នាំ ២០៣០។
ឯកឧត្តមទេសរដ្ឋមន្ត្រី ស៊ុន ចាន់ថុល ធ្លាប់បានមានប្រសាសន៍ថា គម្រោងវិនិយោគដើម្បីអភិវឌ្ឍមជ្ឈមណ្ឌលភស្តុភារ និងពហុមុខងារកំពត នឹងក្លាយជាកំពង់ផែសមុទ្រទឹកជ្រៅមួយទៀតនៅកម្ពុជា និងជាកំពង់ផែទំនើបអន្តរជាតិក្នុងតំបន់អាស៊ាន។
គួររម្លឹកថា កន្លងមក មានរបាយការណ៍មួយពី Globaldata បានបង្ហាញថា កំពង់ផែខ្នាតយក្ស-កម្រិតអន្តរជាតិតម្លៃ ១៥០០លានដុល្លារ នៅកំពតនេះ បានក្លាយជាគម្រោងកំពង់ផែធំជាងគេលើពិភពលោក។
ប្រភព៖ Construction & Property News
0
()
Application has been successfully submitted
we will contact you soon, please pay attention
ទូរស័ព្ទ:+855 66300666
+855 (0) 23222206 (CN/EN/KH)
+86 023 67480241 (CN)
+855 (0) 66400666 (CN/EN/KH)