លោក លូ យៀន អនុប្រធានសភាពិគ្រោះយោបល់នយោបាយទីក្រុងប៉េកាំង នៃសាធារណរដ្ឋប្រជាមានិតចិន បានលើកឡើងថា លោកនឹងខិតខំអំពាវនាវ ជំរុញអ្នកវិនិយោគចិន មកសិក្សាអំពីសក្ដានុពល និងស្វែងរកឱកាសវិនិយោគនៅកម្ពុជា ពិសេសនៅខេត្តកំពង់ស្ពឺ កាន់តែច្រើនឡើង ។
ការលើកឡើងរបស់មន្ដ្រីជាន់ខ្ពស់ខាងលើនេះត្រូវបានធ្វើឡើងនៅក្នុងជំនួបពិភាក្សាការងារជាមួយឯកឧត្ដម វ៉ី សំណាង អភិបាលនៃគណៈអភិបាលខេត្ដកំពង់ស្ពឺ កាលពីថ្ងៃទី១៣ ខែធ្នូ ឆ្នាំ២០២៣ កន្លងទៅ។
នៅក្នុងជំនួបនោះ ឯកឧត្តម វ៉ី សំណាង បានលើកអំពីសក្តានុពលរបស់ខេត្តថា «ខេត្តកំពង់ស្ពឺ គឺជាតំបន់ដែលមានសក្ដានុពល លើវិស័យកសិកម្ម, កសិ-ឧស្សាកម្ម, ទេសចរណ៍, និងវារីវប្បកម្ម ជាពិសេសមានផ្នែកកាត់ដេរសម្លៀកបំពាក់, កាបូប, ស្បែកជើងសម្រាប់នាំចេញផងដែរ » ។
លោក យៀន ក៏បានបញ្ជាក់ថា « ក្រោយពេលលោកវិលត្រឡប់ទៅវិញ លោកនឹងអំពាវនាវឱ្យក្រុមហ៊ុនវិនិយោគរបស់ចិន ខិតខំស្វែងរកឱកាសវិនិយោគទៅលើវិស័យកសិកម្ម, កសិ-ឧស្សាហកម្ម, ឧស្សាហកម្ម, វារីវប្បកម្ម,និងវិស័យទេសចរណ៍ នៅក្នុងខេត្តកំពង់ស្ពឺ ឱ្យបានច្រើនតាម ដែលអាចធ្វើទៅបាន »។
ជាមួយគ្នានេះដែរ ឯកឧត្តម វ៉ី សំណាង បានថ្លែងអំណរគុណចំពោះ លោក លូ យៀន ដែលបានដឹកនាំគណៈប្រតិភូមកបំពេញទស្សនកិច្ច និងស្វែងយល់ពីសក្តានុពលវិនិយោគនៅខេត្តកំពង់ស្ពឺ។
0
()
Application has been successfully submitted
we will contact you soon, please pay attention
ទូរស័ព្ទ:+855 66300666
+855 (0) 23222206 (CN/EN/KH)
+86 023 67480241 (CN)
+855 (0) 66400666 (CN/EN/KH)