Hanlim Architecture Groupដែលជាក្រុមហ៊ុនសេវាកម្មអចលនទ្រព្យ បានឲ្យដឹងកាលពីថ្ងៃសុក្រថា ខ្លួនបានឯកភាពចុងក្រោយនូវកិច្ចព្រមព្រៀងមួយដើម្បីជួយប្រតិបត្តិករហាងទំនិញកូរ៉េ E-mart 24 ចូលមកកម្ពុជា។ កិច្ចសហការនេះកំពុងត្រូវបានសម្របសម្រួលតាមរយៈការបណ្តាក់ទុនរួមគ្នាដែលគេស្គាល់ថា Saihan Partners។
Saihan Partners ត្រូវបានបង្កើតឡើងនៅឆ្នាំនេះ ដោយមានការសហការរវាងក្រុមហ៊ុនHanlim Architectural Group និងក្រុមហ៊ុនលក់រាយនៅកម្ពុជា Saisons Brother Holding Corp។ការបណ្តាក់ទុនរួមគ្នាបានលេចចេញឡើងបន្ទាប់ពីអនុស្សរណៈនៃការយោគយល់គ្នាបីភាគីដែលបានចុះហត្ថលេខាកាលពីខែសីហា រវាងE-mart 24 ក្រុមហ៊ុន Saison Group របស់កម្ពុជា និងក្រុមហ៊ុនHanlim Architectural Group។
កិច្ចព្រមព្រៀងចុងក្រោយបំផុតត្រូវបានចុះហត្ថលេខារវាងក្រុមហ៊ុន Saihan Partners និង E-mart 24 នៅទីស្នាក់ការកណ្តាលនៃ E-mart 24 ក្នុងទីក្រុងសេអ៊ូលកាលពីថ្ងៃព្រហស្បតិ៍។ លោក Park Jin-sunប្រធានក្រុមហ៊ុន Hanlim Architecture Group លោក Han Chae-yangនាយកប្រតិបត្តិ E-mart និងលោក David Samboនាយកប្រតិបត្តិ Saihan Partners បានចូលរួមក្នុងពិធីចុះហត្ថលេខា។
ក្រោមកិច្ចព្រមព្រៀងនេះ ក្រុមហ៊ុន Saihan Partners គ្រោងនឹងបើកហាងដំបូងរបស់ E-mart 24 នៅឆមាសទីមួយនៃឆ្នាំក្រោយក្នុងរាជធានីភ្នំពេញ ហើយពង្រីកចំនួនបន្តិចម្តងៗរហូតដល់ ១០០ ដល់ឆ្នាំ ២០២៨។
យោងតាមមន្ត្រីរបស់ក្រុមហ៊ុនHanlim បានឱ្យដឹងថា ខ្លួនគ្រោងនឹងបង្កើតមជ្ឈមណ្ឌលសម្រាប់បង្ហាញវប្បធម៌ម្ហូបកូរ៉េតាមរយៈហាង E-mart 24។ បន្ទាប់ពីការបើកដំណើរការហាងដំបូង ក្រុមហ៊ុនគ្រោងនឹងពង្រីកដោយបន្ថែមនូវសេវាកម្មដឹកជញ្ជូនអាហារដោយសហការជាមួយក្រុមហ៊ុនដឹកជញ្ជូនក្នុងស្រុក។
លោក Parkប្រធានHanlim បាននិយាយថា “ដោយប្រើប្រាស់ជំនាញរបស់យើងក្នុងការរចនា និងសាងសង់ស្ថាបត្យកម្មកូរ៉េ យើងព្យាយាមណែនាំរលកកូរ៉េថ្មី(Korean Wave)ដល់ប្រទេសកម្ពុជា”។ “យើងនឹងខិតខំទាក់ទាញឱ្យប្រជាជនកម្ពុជាចូលចិត្តE-mart 24 ដើម្បីអោយពួកគេទទួលបានបទពិសោធន៍ និងរសជាតិរបស់ម្ហូបកូរ៉េ”។
ការជំរុញចុងក្រោយបំផុតចូលទៅក្នុងទីផ្សារម្ហូបអាហាររបស់ប្រទេសកម្ពុជាបានកើតឡើងនៅពេលដែលក្រុមហ៊ុនបានវាយតម្លៃខ្ពស់ចំពោះសក្តានុពលទីផ្សារដែលកំពុងរីកចម្រើនរបស់ប្រទេស។
រហូតមកដល់ការផ្ទុះឡើងនៃជំងឺរាតត្បាតនេះ ប្រទេសកម្ពុជាបានបន្តកត់ត្រានូវអត្រាកំណើនផលិតផលក្នុងស្រុកសរុបប្រចាំឆ្នាំលើសពី ៧ភាគរយរហូតដល់ឆ្នាំ២០១៩។ សក្ដានុពលនៃកំណើនរបស់វាបានត្រលប់មកវិញក្រោយការរាតត្បាតនៃជំងឺរាតត្បាត ដោយរដ្ឋាភិបាលកម្ពុជា បានព្យាករថាអត្រាកំណើនរបស់ខ្លួននឹងឈានដល់ ៦,៦ ភាគរយនៅឆ្នាំ២០២៤។
មុនជំងឺរាតត្បាត រាជធានីភ្នំពេញមានភ្ញៀវទេសចរបរទេសប្រមាណ ៦,៦ លាននាក់ក្នុងមួយឆ្នាំ។
ក្រុមហ៊ុន Hanlim ក៏បាននិងកំពុងឈានជើងចូលទីផ្សារអចលនទ្រព្យអាស៊ីអាគ្នេយ៍ចាប់តាំងពីបានបើកសាខាក្នុងតំបន់ក្នុងប្រទេសកម្ពុជាក្នុងឆ្នាំ ២០១៧។
0
()
Application has been successfully submitted
we will contact you soon, please pay attention
ទូរស័ព្ទ:+855 66300666
+855 (0) 23222206 (CN/EN/KH)
+86 023 67480241 (CN)
+855 (0) 66400666 (CN/EN/KH)