គម្រោងសាងសង់ផ្លូវល្បឿនលឿនភ្នំពេញ-សៀមរាប-ប៉ោយប៉ែត គឺជាគម្រោងផ្លូវល្បឿនលឿនទី៣ របស់កម្ពុជា បន្ទាប់ពីផ្លូវល្បឿនលឿនទី១ ភ្នំពេញ-ព្រះសីហនុ និងគម្រោងផ្លូវល្បឿនលឿនទី២ ភ្នំពេញ-បាវិត។ បច្ចុប្បន្នគម្រោងផ្លូវថ្មីនេះ កំពុងសិក្សាលម្អិតពីក្រុមហ៊ុនវិនិយោគស្ពាននិងថ្នល់ចិន មុនឈានដល់ការបើកការដ្ឋានសាងសង់។
តាមការសិក្សាគម្រោងផ្លូវល្បឿនលឿនទី៣ នេះនឹងត្រូវឆ្លងកាត់ខេត្ដ-ក្រុងចំនួន ៦ រួមមាន៖ ភ្នំពេញ ខេត្តកណ្ដាល ខេត្តកំពង់ចាម ខេត្តកំពង់ធំ ខេត្តសៀមរាប និងខេត្តបន្ទាយមានជ័យ ដែលមានប្រវែងប្រមាណជាង ៤០០ គីឡូវម៉ែត្រ។ គម្រោងនេះគឺចាប់ផ្ដើមពីរាជធានីភ្នំពេញ និងបញ្ចប់នៅក្រុងប៉ោយប៉ែត ខេត្ដបន្ទាយមានជ័យ ព្រំដែនកម្ពុជា-ថៃ។
តាមការបញ្ជាក់ពីឯកឧត្ដម ផន រឹម អ្នកនាំពាក្យក្រសួងសាធារណការ និងដឹកជញ្ជូននៅលើទំព័រហ្វេសប៊ុកផ្លូវការកាលពីថ្ងៃទី២៥ ខែមករា ឆ្នាំ២០២៤ បានឲ្យដឹងថា គម្រោងសាងសង់ផ្លូវល្បឿនលឿនតភ្ជាប់ពីរាជធានីភ្នំពេញ-សៀមរាប- ប៉ោយប៉ែត គឺស្ថិតក្រោមយន្តការភាពជាដៃគូរវាងរដ្ឋ និងឯកជន (PPP)។
ឯកឧត្ដមបន្ដថា “តាមគម្រោងសិក្សាផ្លូវល្បឿនលឿនតភ្ជាប់ពីរាជធានីភ្នំពេញ-សៀមរាប- ប៉ោយប៉ែត ប្រវែងសរុបប្រមាណ ៤២០គីឡូម៉ែត្រ ចំណុចចាប់ផ្តើមខាងជើងផ្លូវក្រវាត់ក្រុងទី៣ រាជធានីភ្នំពេញ និងចំណុចបញ្ចប់នៅក្រុងប៉ោយប៉ែត(ព្រំដែនកម្ពុជា-ថៃ) ឆ្លងកាត់រាជធានីភ្នំពេញប្រវែង ៣ គីឡូម៉ែត្រ ខេត្តកណ្ដាល ១៨ គីឡូម៉ែត្រ ខេត្តកំពង់ចាម ៤៣ គីឡូម៉ែត្រ ខេត្តកំពង់ធំ ១៣១ គីឡូម៉ែត្រ ខេត្តសៀមរាប ១៣០ គីឡូម៉ែត្រ ខេត្តបន្ទាយមានជ័យ ៩៥ គីឡូម៉ែត្រ”។
សូមជម្រាបថា តាមគម្រោងសាងសង់ផ្លូវល្បឿនលឿនថ្មីនេះ នឹងចែកចេញជា ២ ដំណាក់កាល។ ដោយដំណាក់កាលទី១ ពីភ្នំពេញ-សៀមរាប នឹងត្រូវបើកការដ្ឋានស្ថាបនាមុន និងដំណាក់កាលទី២ សៀមរាប-ប៉ោយប៉ែត នឹងបើកការដ្ឋានស្ថាបនាតាមក្រោយ៕
0
()
Application has been successfully submitted
we will contact you soon, please pay attention
ទូរស័ព្ទ:+855 66300666
+855 (0) 23222206 (CN/EN/KH)
+86 023 67480241 (CN)
+855 (0) 66400666 (CN/EN/KH)