ពេញមួយឆ្នាំ២០២៣ ទំហំពាណិជ្ជកម្មរវាងកម្ពុជា និងបណ្តាប្រទេសហត្ថលេខីនៃកិច្ចព្រមព្រៀងភាពជាដៃគូសេដ្ឋកិច្ចគ្រប់ជ្រុងជ្រោយតំបន់ (RCEP) មានប្រមាណជិត ៣០ ពាន់លានដុល្លារ។ នេះបើតាមរបាយការណ៍ របស់ក្រសួងពាណិជ្ជកម្ម។
ក្រសួងពាណិជ្ជកម្មបានឲ្យដឹងថា ការនាំចេញរបស់កម្ពុជា ទៅកាន់តំបន់បណ្ដាប្រទេស RCEP មានចំនួន ៨,១៧២ ពាន់លានដុល្លារ កើនឡើង ២៨ភាគរយ ខណៈការនាំចូលមានចំនួន ២១,២៨៦ ពាន់លានដុល្លារ ថយចុះ ១៣ភាគរយ បើធៀបនឹងរយៈពេលដូចគ្នា នៅឆ្នាំ២០២២។
កិច្ចព្រមព្រៀងភាពជាដៃគូសេដ្ឋកិច្ចគ្រប់ជ្រុងជ្រោយតំបន់ RCEP បានចូលជាធរមានជាផ្លូវការនៅថ្ងៃទី១ ខែមករា ឆ្នាំ២០២២។ កិច្ចព្រមព្រៀងនេះគឺជាកិច្ចព្រមព្រៀងពាណិជ្ជកម្មសេរីដ៏ធំបំផុតលើពិភពលោក ដែលមានសមាជិកចំនួន១៥ប្រទេស រួមមានប្រទេសសមាជិកអាស៊ានទាំង១០ និងប្រទេសដៃគូពាណិជ្ជកម្មសេរីអាស៊ានចំនួន៥ ដូចជា ប្រទេសអូស្ត្រាលី ចិន ជប៉ុន កូរ៉េខាងត្បូង និង ណូវែលហ្សេឡង់។
លោក ប៉ែន សុវិជាតិ អ្នកនាំពាក្យក្រសួងពាណិជ្ជកម្មបានគូសបញ្ជាក់ថា ការនាំចេញរបស់កម្ពុជាទៅកាន់ប្រទេសសមាជិក RCEP ទាំង១០ នឹងរក្សាបាននូវសន្ទុះកំណើននៅឆ្នាំ២០២៣។
លោកបានបន្តថា ចាប់តាំងពីកិច្ចព្រមព្រៀង RCEP ចូលជាធរមាន និងត្រូវបានអនុវត្តនៅឆ្នាំ២០២២មក ការនាំចេញរបស់កម្ពុជាទៅកាន់ទីផ្សារអន្តរជាតិ ជាពិសេសបណ្តាប្រទេស RCEP បានកើនឡើងយ៉ាងខ្លាំង។
រីឯ លោកបណ្ឌិត ហុង វណ្ណៈ អ្នកជំនាញសេដ្ឋកិច្ចនៃវិទ្យាស្ថានទំនាក់ទំនងអន្តរជាតិនៃរាជបណ្ឌិតសភាកម្ពុជា បានយល់ឃើញថា ការធ្លាក់ចុះនៃទំហំពាណិជ្ជកម្មរវាងកម្ពុជា និង RCEP នៅឆ្នាំ២០២៣ អាចបណ្តាលមកពីកត្តាមួយចំនួន ដូចជាឥទ្ធិពលនៃសង្គ្រាមរវាងរុស្ស៊ី និងអ៊ុយក្រែន ដែលនាំឱ្យមានការកើនឡើងនៃទំនិញលើទីផ្សារ និងសង្គ្រាមអ៊ីស្រាអែលនិងប៉ាឡេស្ទីនដែលបង្កឱ្យអតិផរណាពិភពលោកកើនឡើង។ល។
លើសពីនេះ ទោះបីជាស្ថានភាពសេដ្ឋកិច្ច និងនយោបាយអន្តរជាតិកំពុងមានភាពតានតឹងក៏ដោយ ការនាំចេញរបស់កម្ពុជាទៅកាន់ប្រទេសសមាជិក RCEP បានកើនឡើង ដែលបង្ហាញថាកម្ពុជាកំពុងអភិវឌ្ឍយ៉ាងឆាប់រហ័សក្នុងវិស័យផលិតកម្ម ហើយគុណភាពគឺបានផលិតទៅតាមស្តង់ដារ។
គួរបញ្ជាក់ថា ទំហំពាណិជ្ជកម្មរវាងកម្ពុជា និងប្រទេសសមាជិក RCEP នៅឆ្នាំ២០២២ មានចំនួនដល់ទៅ ៣១ ពាន់លានដុល្លារ ដែលក្នុងនោះការនាំចេញមានចំនួន ៦.៣៤ ពាន់លានដុល្លារ ហើយការនាំចូលមានចំនួន ២៤.៦៨ ពាន់លានដុល្លារ។
0
()
Application has been successfully submitted
we will contact you soon, please pay attention
ទូរស័ព្ទ:+855 66300666
+855 (0) 23222206 (CN/EN/KH)
+86 023 67480241 (CN)
+855 (0) 66400666 (CN/EN/KH)