ក្នុងមួយប៉ព្រិចភ្នែក រយះពេល៣ថ្ងៃនៃបុណ្យចូលឆ្នាំប្រពៃណីចិនបានកន្លងផុតទៅហើយ។
ថ្វីត្បិតតែរាជរដ្ឋាភិបាលកម្ពុជា មិនបានកំណត់បុណ្យចូលឆ្នាំចិនជាថ្ងៃឈប់សម្រាកជាផ្លូវការក៏ពិតមែន ប៉ុន្តែក្រោមឥទ្ធិពលរបស់ជនជាតិចិនក្នុងប្រទេសកម្ពុជា ក៏មានបងប្អូនខ្មែរជាប់សែស្រឡាយចិនជាច្រើននៅតែប្រារព្ធពិធីបុណ្យនេះយ៉ាងទូលំទូលាយជារៀងរាល់ឆ្នាំ
ដូចនេះហើយ អ្នកទាំងអស់គ្នាមានដឹងទេថា តើគេប្រារព្ធពីធីបុណ្យចូលឆ្នាំចិនដោយរបៀបណា? និងមានត្រណមអ្វីខ្លះដែលគេហាមមិនជាដាច់ខាត ធ្វើក្នុងអំឡុងពេលបុណ្យចូលឆ្នាំចិននេះ?
※បុណ្យចូលឆ្នាំចិនធ្វើឡើងនៅថ្ងៃណា?
ចូលឆ្នាំចិន ឬគឹហៅម្យ៉ាងទៀតថា«ពិធីបុណ្យនាទិឃរដូវ» គឺជាពិធីបុណ្យប្រពៃណីជាតិរបស់ប្រទេសចិន ប្រារព្ធធ្វើឡើងជារៀងរាល់ឆ្នាំម្តង ចាប់ផ្ដើមនៅថ្ងៃទីមួយនៃខែទីមួយតាមច័ន្ទគតិក្នុងប្រតិទិនចិន ហើយបញ្ចប់ទៅវិញនៅថ្ងៃទី១៥ ដែលថ្ងៃទី១ ទី២ និងទី៣ គេចាត់ទុកជាជាថ្ងៃដែលសំខាន់បំផុត មិនត្រូវធ្វើអ្វីល្អក់កករនាំឱ្យប៉ះពាល់ដល់មង្គល ឬដល់ឆ្នាំថ្មីឡើយ។ ដោយឡែកកាលបរិច្ឆេទវិញ តែងតែផ្លាស់ប្តូរ ឬខុសៗគ្នាពីមួយឆ្នាំទៅមួយឆ្នាំ តែជាទូទៅវាស្ថិតនៅចន្លោះរវាងថ្ងៃទី២១ ខែមករា ដល់ថ្ងៃទី២០ ខែកុម្ភៈ។
សម្រាប់ចូលឆ្នាំចិនឆ្នាំនេះជាឆ្នាំរោង គឺបានកំណត់នូវថ្ងៃសែនធំនៅថ្ងៃទី៩ កុម្ភៈ និងថ្ងៃចូលឆ្នាំទី១-ទី៣ ចំថ្ងៃទី១០ ១១ ១២ ខែកុម្ភៈ ឆ្នាំ២០២៤។
※ទំនៀមទម្លាប់ចូលឆ្នាំចិនគេធ្វើអ្វីខ្លះ?
១. ការបោះសម្អាត និងការតុបតែផ្ទះសម្បែង
ការបោះសម្អាត និងការតុបតែផ្ទះសម្បែង ៖ ការសម្អាតផ្ទះគឺជារឿងដែលត្រូវធ្វើមុនចូលឆ្នាំចិន ក្នុងន័យជម្រះចេញនូវឧបទ្រុពចង្រៃចាកឆ្ងាយអស់ ដែលកើតមានឡើងកាលពីឆ្នាំចាស់ និងរង់ចាំទទួលសំណាងល្អនៅក្នុងឆ្នាំថ្មី។ គេត្រូវបោសនិងជូតផ្ទះអោយបានស្អាត មានរបៀបរៀបរយ កុំអោយមានភាពរញ៉ររញៃ និងបោះចោលរបស់ចាស់ រឺររបស់របរដែលគេឈប់ប្រើទៅកាន់នរណាម្នាក់ដែលចង់ផ្ដល់អោយ។
លើសពីនេះ គេក៏នាំគ្នាតុបតែផ្ទះដោយមានព្យួរគោមក្រហម ការបិទក្រដាស់ក្រហមនៅតាមទ្វារ បង្អួច និងកន្លែងផ្សេងទៀត ភ្ជាប់ជាមួយពាក្យនិងកំណាព្យ តំណងអោយ «សំណាងល្អ សុភមង្គល ទ្រព្យសម្បត្តិ និងអាយុយ៉ឺនយូរ» ជាដើម។
២. ការសែនចូលឆ្នាំចិន
នៅថ្ងៃមុនថ្ងៃបុណ្យចូលឆ្នាំចិន គេមានរៀនចំម្ហូបអាហារ នំចំណី ផ្លែឈើ និងគ្រឿងរណ្ដាប់នានា សំរាប់សែននិងសុំលាភសំណាងសិរីសួស្ដីឆ្នាំថ្មី។ តាមទំនៀមទំលាប់របស់បងប្អូនជាប់សែស្រឡាយចិន នៅក្នុងថ្ងៃនេះ គេមានការសែនជាពីរដងគឺ នៅពេលព្រឹកសំរាប់សែនជូនដល់ទេវតានិងដូនតា ដែលមិនគួរអោយលើសពីម៉ោង១២ថ្ងៃត្រង់ ហើយសែនម្ដងទៀតនៅពេលល្ងាចម៉ោង៣-៤ សំរាប់ព្រលឹងខ្មោចអនាថា។
ពេលល្ងាចមុនថ្ងៃបុណ្យចូលឆ្នាំចិនត្រូវគេឲ្យឈ្មោះថា ជូស៊ី។ ពាក្យនេះមានន័យថា «ពេលល្ងាចឆ្លងឆ្នាំ» ដែលជាឱកាសពិសេសសម្រាប់ក្រុមគ្រួសារក្នុងការជួបជុំដើម្បីបរិភោគអាហារឆ្ងាញ់ៗរួមគ្នា។
៣ ការជួបជុំបងប្អូនសាច់ញាតិ
នៅថ្ងៃបុណ្យចូលឆ្នាំប្រពៃណីចិនសមាជិកគ្រួសារម្នាក់ៗរីករាយជួបជុំគ្នាយ៉ាងសប្បាយត្រេកអរដោយមានសំឡេងការជូនពរជ័យ «កុង ស៊ី ហ្វា ឆាយ» មានន័យថាជូនពរឱ្យរកស៊ីមានបាន រួមជាមួយការជូនអាំងប៉ាវ, ជូនអំណោយអោយគ្នាទៅវិញទៅមក ការបរិភាគអាហារជុំគ្នា និងការលេងល្បែងស៊ីសងជាដើម ។ ការលេងល្បែងស៊ីសងនៅថ្ងៃចូលឆ្នាំថ្មីប្រជាជនចិនជឿជាក់ថា អាចបង្កើតសំណាងល្អ។
ក្រៅពីនេះក៏មានសកម្មភាពផ្សេងៗទៀតដូចជា ការដុតផាវ មានការលោតម៉ុងសាយ មានការសែនព្រេន មានការដុតក្រដាស ដុតធូបនៅព្រះវិហារ ការនាំយកអំពៅខ្មៅ និងស្លឹកមៀន និងការតាំងផ្កាអង្គាសីលក្នុងផ្ទះជាដើម ។ល។
ប៉ុន្តែគួរបញ្ជាក់ថា ក្នុងឱកាសបុណ្យចូលឆ្នាំថ្មីប្រពៃណីចិននេះ ស្នងការដ្ឋាននគរបាលរាជធានីភ្នំពេញ បានណែនាំដល់អធិការដ្ឋាននគរបាលខណ្ឌទាំង១៤ និងសាធារណជនទាំងអស់ក្នុងរាជធានីភ្នំពេញ ប្រុងប្រយ័ត្នករណីគ្រោះអគ្គិភ័យ ជាពិសេសហាមដាច់ខាតមិនឱ្យមានការដុតផាវ កាំជ្រួច ឬបង្កសំឡេងផ្ទុះគ្រប់ប្រភេទក្នុងឱកាសពិធីបុណ្យនេះ។
⚠️ត្រណមសំខាន់ៗក្នុងថ្ងៃចូលឆ្នាំចិន
● ចៀសវាងការលេបថ្នាំគ្រប់ប្រភេទ៖ ជាជំនឿមួយសម្រាប់ជនជាតិចិន ការលេបថ្នាំថ្ងៃដំបូងនៃថ្ងៃចូលឆ្នាំចិន មានន័យថា មានអ្នកណាម្នាក់នឹងត្រូវឈឺថ្កាត់ពេញមួយឆ្នាំ។
● ហាមបោកខោអាវ៖ បងប្អូនប្រជាជនចិនមិនគួរបោកគក់សម្លៀកបំពាក់នៅថ្ងៃដំបូងនិងថ្ងៃទី២នៃថ្ងៃចូលឆ្នាំឡើយ ព្រោះថាថ្ងៃទាំងពីរនេះត្រូវជាថ្ងៃដែលកំណើតរបស់ទេវតាទឹក (Shuishen) ជនជាតិចិនជឿថា អារក្សទឹកកើតនៅក្នុងថ្ងៃចូលឆ្នាំ ។ដូច្នេះការបោកគក់ខោអាវនៅថ្ងៃចូលឆ្នាំ គឺប្រៀបដូចជាការប្រមាថមើលងាយដល់ព្រះអង្គ។
● ហាមកក់សក់៖ មិនត្រូវកក់សក់នៅថ្ងៃដំបូងឡើយ។ កក់សក់ដូចលាងជម្រះសំណាងនិងជោគជ័យសម្រាប់ឆ្នាំថ្មីដូច្នេះដែរ។
● ហាមបោសផ្ទះ៖ បើសិនអ្នកបោសផ្ទះនៅថ្ងៃដំបូងនៃថ្ងៃចូលឆ្នាំ វាដូចជាអ្នកបោសទ្រព្យសម្បតិ្ត និងលាបសំណាងចេញពីផ្ទះដូចគ្នា។ ហេតុនេះហើយ គេត្រូវបោសផ្ទះអោយហើយមុនថ្ងៃឆ្នាំ។
● ហាមវត្ថុមុតស្រួច៖ គួរចៀសវាងការប្រើប្រាស់កាំបិតឬកន្ត្រៃយ៍ ព្រោះបើមានគ្រោះថ្នាក់កើតឡើងវាត្រូវគេចាត់ទុកថាជាគ្រោះចង្រៃនិងធ្វើឲ្យខាតបង់ទ្រព្យធន។
● ហាមយំ ឬឈ្លោះប្រកែកគ្នា៖ ក្នុងអំឡុងបុណ្យចូលឆ្នាំថ្មី ជាពិសេសក្នុងថ្ងៃទី១ ត្រូវតមការឈ្លោះប្រកែក ស្តីបន្ទោស ឬយំសោកសៅក្នុងគ្រួសារ ពីព្រោះវាអាចនាំមកនូវរឿងអពមង្គល និងសំណាងមិនល្អដល់ឆ្នាំថ្មី រហូតពេញមួយឆ្នាំ ។
● ហាមធ្វើអោយឱ្យបែកចាន ឬកែវ៖ ក្នុងថ្ងៃចូលឆ្នាំគេមានការប្រយ័ត្នប្រយែងចំពោះការកាន់ចាន ឬកែវ ព្រោះបើមានបង្កឱ្យប្រេះស្រាំ ឬធ្លាក់ បែកជាការនាំឱ្យបាត់បង់ជោគលាភ ហើយជីវិតក្នុងឆ្នាំនោះនឹងជួបតែរឿងប្រេះឆាពុំសូវមានសេចក្តីសុខឡើយ ។
ជាចុងក្រោយ សុំជូនពរលោកអ្នកគ្នានិងគ្រួសារជួបតែសំណាងល្អ មានសុភមង្គល សុខភាពល្អ រកទទួលទៀនមានបាន និងសម្រេចអ្វីៗដូចបំណងប្រាថ្នានៅក្នុងឆ្នាំថ្មីនេះ!
0
()
Application has been successfully submitted
we will contact you soon, please pay attention
ទូរស័ព្ទ:+855 66300666
+855 (0) 23222206 (CN/EN/KH)
+86 023 67480241 (CN)
+855 (0) 66400666 (CN/EN/KH)