លោក ផន រឹម មន្ត្រីអ្នកនាំពាក្យក្រសួងសាធារណការ និងដឹកជញ្ជូន បានបង្ហើបអោយដឹងថា រដ្ឋាភិបាលគ្រោងសាងសង់ស្ពានឆ្លងកាត់ទន្លេថ្មីមួយទៀតតភ្ជាប់ទៅផ្លូវជាតិលេខ ២៣ នៅក្នុងស្រុកកោះធំ ខេត្តកណ្តាល។
យ៉ាងណាមិញ ទាក់ទងគម្រោងសាងសង់ស្ពានឆ្លងទន្លេថ្មីនេះ មន្រ្តីក្រសួងសាធារណការនិងដឹកជញ្ជូនមិនបានបញ្ជាក់និងផ្តល់ព័ត៌មានបន្ថែមនោះទេ។ យ៉ាងណាមិញ បើយោងតាមឯកសាររបស់ទីស្តីការគណៈរដ្ឋមន្រ្តីកាលពីឆ្នាំ ២០២៣ រដ្ឋាភិបាលបានអនុញ្ញាតិដោះដូរដីរដ្ឋចំនួន ៤ កន្លែងនៅស្រុកកោះធំ និងក្រុងសំពៅពូនជាមួយក្រុមហ៊ុនឯកជនមួយជាថ្នូរការអភិវឌ្ឍហេដ្ឋារចនាសម្ព័ន្ធក្នុងនោះក៏មានគម្រោងសាងសង់ស្ពានឆ្លងទន្លេបាសាក់ប្រវែង ៥០០ ម៉ែត្រ ទទឹង ១២ ម៉ែត្រ ឆ្លងពីសង្កាត់សំពៅពូន ទៅសង្កាត់ព្រែកជ្រៃ ក្នុងក្រុងសំពៅពូន ខេត្តកណ្តាល ក្នុងតម្លៃ ២៤ លានដុល្លារ។
គួរបញ្ជាក់ផងដែរថា ស្រុកកោះធំដែលជាប់ព្រំប្រទល់ជាមួយប្រទេសវៀតណាម បច្ចុប្បន្នមានស្ពានឆ្លងកាត់ទន្លេចំនួនពីរគឺស្ពានមិត្តភាពកម្ពុជា-ចិនកោះធំប្រវែង ៤១៥ម៉ែត្រ ដែលសម្ពោធដាក់ឲ្យប្រើប្រាស់កាលពីឆ្នាំ ២០១៨ និងស្ពានឆ្លងកាត់ព្រំដែនកម្ពុជា-វៀតណាម ជ្រៃធំ-ឡុងប៊ិញ (Chrey Thom-Long Binh) ដែលសម្ពោធកាលពីឆ្នាំ ២០១៧ ក្រោមអធិបតីភាពប្រមុខរដ្ឋាភិបាលប្រទេសទាំងពីរ។
ការបង្ហើបគម្រោងសាងសង់ស្ពានឆ្លងទន្លេថ្មីនេះ ស្របពេលប៉ុន្មានថ្ងៃទៀតប្រមុខរដ្ឋាភិបាលនឹងចូលរួមបើកការដ្ឋានសាងសង់ស្ពានឆ្លងទន្លេបាសាក់ (ចាក់អង្រែក្រោម-ព្រែកប្រា) ។
នាព្រឹកថ្ងៃព្រហស្បតិ៍ ទី១៥ ខែកុម្ភៈ ឆ្នាំ២០២៤ ឯកឧត្តម សួង ហេង រដ្ឋលេខាធិការ និងជាប្រធានគណៈកម្មការ បានអញ្ជើញដឹកនាំកិច្ចប្រជុំ គណៈកម្មការសម្រាប់រៀបចំពិធីបើកការដ្ឋានសាងសង់ស្ពានឆ្លងកាត់ទន្លេបាសាក់ (ចាក់អង្រែក្រោម-ព្រែកប្រា) និងផ្លូវតភ្ជាប់ ដោយមានការអញ្ជើញចូលរួមពីមន្រ្តីពាក់ព័ន្ឋ។
កិច្ចប្រជុំនេះធ្វើឡើងក្នុងគោលបំណង ដើម្បីពិនិត្យវឌ្ឍនភាពការងាររបស់គណៈកម្មការ និងអនុគណៈកម្មការនីមួយៗ ព្រមទាំងពិនិត្យមើលការងារផ្សេងៗ ដែលនៅសេសសល់។
ឯកឧត្តមរដ្ឋលេខាធិការ ប្រធានគណៈកម្មការ បានណែនាំឱ្យសមាជិក សមាជិកានៃគណៈកម្មការ និងអនុគណៈកម្មាការទាំងអស់ សហការគ្នាឱ្យបានជិតស្និទ្ធជាមួយភាគីពាក់ព័ន្ធ ផ្តល់ព័ត៌មានទៅវិញទៅមកឱ្យបានគ្រប់ជ្រុងជ្រោយ ជាពិសេសត្រូវអនុវត្តតាមតួនាទី និងភារកិច្ចដែលថ្នាក់ដឹកនាំបានប្រគល់ជូន សំដៅធានាឱ្យពិធីបើកការដ្ឋានសាងសង់អាចប្រព្រឹត្តទៅបានដោយរលូន មានរបៀបរៀបរយ ប្រកបដោយសន្តិសុខ សុវត្ថិភាព សណ្តាប់ធ្នាប់ ជូនគណៈអធិបតី និងអ្នកចូលរួម ទៅតាមផែនការដែលបានគ្រោងទុក។
ពិធីបើកការដ្ឋានសាងសង់ស្ពានឆ្លងកាត់ទន្លេបាសាក់ (ចាក់អង្រែក្រោម-ព្រែកប្រា) និងផ្លូវតភ្ជាប់ ក្រោមក្របខ័ណ្ឌឥណទានសម្បទានពីរដ្ឋាភិបាល នៃសាធារណរដ្ឋប្រជាមានិតចិន គ្រោងនឹងប្រព្រឹត្តទៅនៅថ្ងៃចន្ទ ទី១៩ ខែកុម្ភៈឆ្នាំ២០២៤ ក្រោមអធិបតីភាពដ៏ខ្ពង់ខ្ពស់របស់ សម្តេចមហាបវរធិបតីហ៊ុន ម៉ាណែត នាយករដ្ឋមន្រ្តី នៃព្រះរាជាណាចក្រកម្ពុជា។
0
()
Application has been successfully submitted
we will contact you soon, please pay attention
ទូរស័ព្ទ:+855 66300666
+855 (0) 23222206 (CN/EN/KH)
+86 023 67480241 (CN)
+855 (0) 66400666 (CN/EN/KH)