ក្រុមហ៊ុនអចលទ្រព្យខមភើស > ព័ត៌មានអំពីអចលទ្រព្យនៅប្រទេសកម្ពុជា > Others > កំពង់ផែទេសចរណ៍កោះទន្សាយ សម្រេចលទ្ធផលបាន៥០%ហើយ

កំពង់ផែទេសចរណ៍កោះទន្សាយ សម្រេចលទ្ធផលបាន៥០%ហើយ

2024-02-21

243

សង្ខេប：កំពង់ផែទេសចរណ៍ថ្មីមួយទៀត ដែលកំពុងដំណើរការសាងសង់លើកោះទន្សាយ ខេត្តកែប សម្រេចលទ្ធផលបាន ៥០% ហើយ។

កំពង់ផែទេសចរណ៍ថ្មីមួយទៀត ដែលកំពុងដំណើរការសាងសង់លើកោះទន្សាយ ខេត្តកែប សម្រេចលទ្ធផលបាន ៥០% ហើយ។

នេះបើតាមការបញ្ជាក់ពីលោក វ៉ៅ សុខា អភិបាលរងខេត្តកែប ក្នុងពេលដែលលោក និងក្រុមការងាររបស់ធនាគារអភិវឌ្ឍន៍អាស៊ី (ADB) បានចុះពិនិត្យវឌ្ឍនភាពគម្រោងខាងលើកាលពីរយះពេលកន្លងផុតទៅថ្មីៗនេះ។

លោកអភិបាលរងបញ្ជាក់ថា គិតមកទល់ពេលនេះ កំពង់ផែទេសចរណ៍កោះទន្សាយ សម្រេចលទ្ធផលបាន ៥០% សម្រាប់ទីតាំងសង់ផែ ក្នុងនោះផ្លូវបេតុងថ្មើរជើងសម្រេចបាន ៧០% ទីតាំងអណ្តូងខួងចំនួន២ និងទីតាំងស្តុកទឹកសម្រាប់ចែកចាយប្រើប្រាស់ នៅលើកោះសម្រេចបាន ៤០% ក្នុងនោះគម្រោងក៏មានការបំពាក់ម៉ាស៊ីនភ្លើងចំនួន៣ សម្រាប់ចែកចាយថាមពល ដែលសម្រេចលទ្ធផលបាន ៩៥% ហើយដែរ។

លោកបានបញ្ជាក់ទៀតថា គម្រោងសាងសង់កំពង់ផែនេះ ជាការពង្រីកសក្តានុពលវិស័យទេសចរ ណ៍ និងសេដ្ឋកិច្ច របស់ខេត្តកែប តាមរយៈផ្លូវទឹកទ្វេភាគី ជាមួយប្រទេសក្នុងតំបន់។ ហើយតាមរយៈកំពង់ផែទេសចរណ៍មួយនេះ ពិតណាស់នឹងជួយដល់ការស្រួបទាញអ្នកទេសចរមកកាន់បណ្តាកោះនៅខេត្តកែប កាន់តែច្រើនឡើងបន្ថែមទៀត។

គួរជម្រាបថា គម្រោងសាងសង់កំពង់ផែលើកោះទន្សាយនេះ គ្រោងចំណាយថវិកាប្រមាណជាង១,៦លានដុល្លារ ក្រោមកម្ចីឥណទានរបស់ធនាគារអភិវឌ្ឍន៍អាស៊ី (ADB)។

---------------------------------- The End ----------------------------------

ការបដិសេធទទួលខុសត្រូវ៖ អត្ថបទដែលបានបង្ហោះបន្តនៅលើគេហទំព័រខមភើស គឺសម្រាប់ក្នុងគោលបំណងបញ្ជូននូវព័ត៌មានបន្ថែមហើយមិនមានន័យថាគេហទំព័រខមភើសយល់ព្រមនឹងទស្សនៈរបស់អត្ថបទឬបញ្ជាក់ពីភាពត្រឹមត្រូវនៃខ្លឹមសាររបស់អត្ថបទឡើយ។ អត្ថបទដែលបានកត់សម្គាល់ថា “ ប្រភពមកពី៖ Compass original” សូមបញ្ជាក់ថាមានប្រភពមកពីគេហទំព័រខមភើសផ្ទាល់តែម្ដង។ ប៉ុន្តែខ្លឹមសារនៃអត្ថបទគឺសម្រាប់ទុកជាឯកសារយោងតែប៉ុណ្ណោះ មិនគួរចាត់ទុកជាដំបូន្មានលើការវិនិយោគនោះទេ ហើយក៏មិនមានន័យថាគេហទំព័រខមភើសយល់ព្រមទាំងស្រុងនឹងទស្សនៈទាំងនោះឡើយ។

ចែករំលែក

មតិយោបល់ចុងក្រោយ

ព្រឹត្តិការណ៍ថ្មីៗ