ក្រុមហ៊ុន Minebea ដែលជាក្រុមហ៊ុនដ៏ធំរបស់ប្រទេសជប៉ុននឹងទិញដីប្រមាណ ៥០ ហិកតានៅក្នុងខេត្ដពោធិ៍សាត់ បង្កើតតំបន់សេដ្ឋកិច្ចពិសេសថ្មី ដើម្បីពង្រីករោងចក្រទី២ របស់ខ្លួន។ ខណៈគម្រោងនេះនឹងបង្កើតឱកាសការងាររាប់ពាន់កន្លែងជូនប្រជាពលរដ្ឋផងដែរ។
នេះបើយោងតាមការលើកឡើងពីឯកឧត្ដម ស៊ុន ចាន់ថុល ឧបនាយករដ្ឋមន្ដ្រី អនុប្រធានទី១ ក្រុមប្រឹក្សាអភិវឌ្ឍន៍កម្ពុជា នៅថ្ងៃទី២៤ ខែកុម្ភៈឆ្នាំ២០២៤។
ថ្លែងនៅក្នុងរួមទាំងប្រតិភូអមដំណើរ បានអញ្ជើញបំពេញទស្សនកិច្ចពិនិត្យវឌ្ឍនភាពច្រកទ្វារអន្តរជាតិស្ទឹងបត់ និងពិនិត្យវឌ្ឍនភាពនៃការអភិវឌ្ឍតំបន់សេដ្ឋកិច្ចពិសេសក្នុងខេត្តបន្ទាយមានជ័យ ឯកឧត្ដមបានបញ្ជាក់យ៉ាងដូច្នេះថា «ក្រុមហ៊ុន Minebea ដែលមានរោងចក្រនៅតំបន់សេដ្ឋកិច្ចពិសេសភ្នំពេញ បានសម្រេចបង្កើតរោងចក្រទី២នៅពោធិ៍សាត់ គាត់នឹងទិញដី ៥០ ហិកតា ដាក់ទុនប្រហែល ៦៥០ លានដុល្លារសហរដ្ឋអាមេរិក បង្កើតការងារបាន ៨ ពាន់កន្លែង ឥឡូវបានរៀបចំហើយ»។
ឯកឧត្ដមមានប្រសាសន៍បន្ដថា មូលហេតុដែលក្រុមហ៊ុនសម្រេចជ្រើសរើសពង្រីករោងចក្រ និងបង្កើតតំបន់សេដ្ឋកិច្ចពិសេសនៅខេត្ដពោធិ៍សាត់នេះ ដោយសារនៅពោធិ៍សាត់ មានថាមពលស្អាត មានសូឡាហ្វាម មានវារីអគ្គិសនី។ល។ មួយទៀតគឺអាចដឹកជញ្ជូនទំនិញទៅថៃបានលឿន តាមផ្លូវជាតិលេខ៥ ដោយបានពង្រីកពី ២ កន្លងទៅ ៤ កន្លងហើយ។
សូមជម្រាបថា ក្រុមហ៊ុន Minebea Cambodia ដែលជាក្រុមហ៊ុនបុត្រសម្ព័ន្ធរបស់សាជីវកម្មពហុជាតិជប៉ុន Minebea Mitsumi បានចាប់ផ្តើមប្រតិបត្តិការរបស់ខ្លួនក្នុងឆ្នាំ២០១១ ចាប់តាំងពីពេលនោះមក ក្រុមហ៊ុនបានពង្រីកខ្សែសង្វាក់ផលិតកម្មរបស់ខ្លួនជាបន្តបន្ទាប់។
ក្រុមហ៊ុន Minebea Cambodia បច្ចុប្បន្នកំពុងផ្ដល់ឱកាសការងារជូនប្រជាពលរដ្ឋចំនួន ៦៩១១នាក់ ដោយក្រុមហ៊ុននេះវិនិយោគលើមុខសញ្ញាផលិតម៉ូទ័រខ្នាតតូច ម៉ូទ័រកង្ហារ គ្រឿងបំណែកម៉ាស៊ីន ឧបករណ៍អុបទិចសម្រាប់ទូរសព្ទ ប៊ិកអេឡិចត្រូនិក ឧបករណ៍រំញ័រសម្រាប់ហ្គេមកុំព្យូទ័រ គ្រឿងបង្គុំសៀគ្វីអេឡិចត្រូនិក ផ្ទាំងបញ្ចេញពន្លឺ LED ឧបករណ៍វាស់ជាតិស្ករក្នុងឈាម និងប្រព័ន្ធអំពូលភ្លើងសាធារណៈឆ្លាតវៃ។
0
()
Application has been successfully submitted
we will contact you soon, please pay attention
ទូរស័ព្ទ:+855 66300666
+855 (0) 23222206 (CN/EN/KH)
+86 023 67480241 (CN)
+855 (0) 66400666 (CN/EN/KH)