កម្ពុជាបានទទួលពានរង្វាន់ជាគោលដៅទេសចរណ៍វប្បធម៌ឈានមុខគេ នៅអាស៊ីជាថ្មីម្តងទៀតសម្រាប់ឆ្នាំ២០២៣ពី World Travel Awards ខណៈដែលពានរង្វាន់គោលដៅទេសចរណ៍យុវជនឈានមុខគេរបស់អាស៊ី ក៏ត្រូវបាន World Travel Awards សម្រេចប្រគល់ជូនកម្ពុជាផងដែរ។
យោងតាមគេហទំព័រ World Travel Award ដែលបានចេញផ្សាយកាលពីពេលថ្មីៗនេះ បានបង្ហាញថា ប្រទេសកម្ពុជា បានជាប់ចំណាត់ថ្នាក់លេខ១ ជាគោលដៅទេសចរណ៍វប្បធម៌ឈានមុខគេនៅអាស៊ីក្នុងឆ្នាំ២០២៣ ដែលតោងពីក្រោយដោយប្រទេសចំនួន៦ផ្សេងទៀត ដូចជាឥណ្ឌា ជប៉ុន នេប៉ាល់ ស្រីលង្កា ថៃ និងវៀតណាម។
ជាមួយនឹងសារអបអរសាទរ ក្រសួងទេសចរណ៍ បានបញ្ជាក់នៅថ្ងៃទី២៨ កុម្ភៈថា «ព្រះរាជាណាចក្រកម្ពុជាបានទទួលពាន់រង្វាន់ជាគោលដៅទេសចរណ៍វប្បធម៌ឈានមុខគេ នៅអាស៊ីជាថ្មីម្តងទៀតក្នុងឆ្នាំ ២០២៣។ សមិទ្ធិផលដ៏គួរឱ្យកត់សម្គាល់នេះ បញ្ជាក់សារជាថ្មីអំពីភាពទាក់ទាញរបស់យើង ថាជាគោលដៅទេសចរណ៍ដែលដាច់ខាតត្រូវតែទៅទស្សនា សម្រាប់អ្នកមានចំណាប់អារម្មណ៍អំពីវប្បធម៌»។
ក្រៅពីគោលដៅទេសចរណ៍វប្បធម៌ឈានមុខគេនៅអាស៊ីក្នុងឆ្នាំ ២០២៣ កម្ពុជាក៏ត្រូវបាន World Travel Awards ផ្តល់ពានរង្វាន់មួយទៀតជាប្រទេសគោលដៅទេសចរណ៍យុវជនឈានមុខគេរបស់អាស៊ីក្នុងឆ្នាំ២០២៣ ដូចកាលពីឆ្នាំ២០២២ ដែលនាំមុខប្រទេស៣ រួមមាន ឡាវ ថៃ និងវៀតណាម។
យោងតាមស្ថិតិទេសចរណ៍នៃក្រសួងទេសចរណ៍បានឱ្យដឹងថា ក្នុងឆ្នាំ ២០២៣ ព្រះរាជាណាចក្រកម្ពុជាទទួលបានអ្នកទេសចរអន្តរជាតិចំនួនជាង ៥ លាន ៤៥ ម៉ឺននាក់ ដែលកើនឡើងចំនួន ១៣៩,៥% ចំណែកទេសចរជាតិមានចំនួនជាង ១៨ លាន ៧៤ ម៉ឺននាក់ បានកើនឡើង ៣៤,៥%។
0
()
Application has been successfully submitted
we will contact you soon, please pay attention
ទូរស័ព្ទ:+855 66300666
+855 (0) 23222206 (CN/EN/KH)
+86 023 67480241 (CN)
+855 (0) 66400666 (CN/EN/KH)