ជាផ្នែកមួយនៃស្ថាបត្យកម្មទំនើប ភាពទាក់ទាញបំផុតអំពីអគារខ្ពស់បែបទាន់សម័យ គឺការសាងសង់បែបបញ្ឈរ និងកម្ពស់របស់វា។
អគារខ្ពស់ទំនើបទាំងនេះមិនត្រឹមតែជាកន្លែងស្នាក់នៅ និងកន្លែងធ្វើការនៅក្នុងទីក្រុងប៉ុណ្ណោះទេ ប៉ុន្តែក៏ជា “នាមប័ណ្ណ” ដ៏ល្អបំផុតសម្រាប់បង្ហាញនូវរូបភាពនៃទីក្រុងផងដែរ។ ដោយបានបង្ហាញពីរូបភាព រសជាតិ និងភាពរុងរឿងនៃទីក្រុង។ ហើយគឺជាតំណាងនៃសោភ័ណភាពទីក្រុង និងការចាប់អារម្មណ៍ដំបូងរបស់មនុស្សម្នាចំពោះទីក្រុងមួយ។
ថ្ងៃនេះ អ្នកអានសូមតាមដាន Compass ដើម្បីពិនិត្យមើលអំពីអគារខ្ពស់ៗ ដែលបាននិងកំពុងសាងសង់យ៉ាងប៉ិនប្រសប់ក្នុងរាជធានីភ្នំពេញ រាជធានីនៃប្រទេសកម្ពុជា។
ប្រទេសកម្ពុជា ជាប្រទេសមួយក្នុងតំបន់អាស៊ីអាគ្នេយ៍ មានការអភិវឌ្ឍយ៉ាងឆាប់រហ័សក្នុងប៉ុន្មានឆ្នាំចុងក្រោយនេះ ហើយបានក្លាយជាចំណូលចិត្តថ្មីសម្រាប់អ្នកវិនិយោគមកពីជុំវិញពិភពលោក។ ទោះជាយ៉ាងណាក៏ដោយ មូលដ្ឋានគ្រឹះរបស់ប្រទេសនៅមានសភាពខ្សោយនៅឡើយ ដូច្នេះនៅតែត្រូវការការអភិវឌ្ឍយ៉ាងក្លៀវក្លា។
បើក្រឡេកមកមើលរាជធានីភ្នំពេញវិញ ចំពោះស្ថាបត្យកម្មទំនើប មុនឆ្នាំ២០១៤ អគារខ្ពស់ជាងគេនៅកម្ពុជាគឺ អគារកាណាឌីយ៉ា ដែលមានកម្ពស់ ៣៣ ជាន់ ឬស្មើនឹង ១១៨ ម៉ែត្រ (ជាអគារការិយាល័យលំដាប់ A ដំបូង និងខ្ពស់ជាងគេនៅកម្ពុជា)។ បន្ទាប់ពីឆ្នាំ ២០១៤ អគារវឌ្ឍនៈ កាពីតាល ដែលមានកម្ពស់ ៣៩ ជាន់ ស្មើនឹង ១៨៧,៣ ម៉ែត្រ បានលេចចេញជារូបរាង និងក្លាយជាអគារខ្ពស់ជាងគេនៅប្រទេសកម្ពុជា។ ជាមួយនឹងការអភិវឌ្ឍយ៉ាងឆាប់រហ័សនៃរាជធានីភ្នំពេញ ស្ថាបត្យកម្មទីក្រុងក៏បានឆ្លងកាត់ការផ្លាស់ប្តូរយ៉ាងច្រើនដំណាក់ផងដែរ។
យោងតាមសារព័ត៌មានក្នុងស្រុកនៅដើមឆ្នាំ ២០២២ មានអគារខ្ពស់ៗដែលមានកម្ពស់លើស ៥ ជាន់ សរុបចំនួន ១ ៦០៣ នៅក្នុងរាជធានីភ្នំពេញ។ ក្នុងនោះ អគារដែលមានកម្ពស់ពី ៥-៩ ជាន់មានចំនួន ៩២៦ អគារ, អគារដែលមានកម្ពស់ពី ១០-១៩ជាន់ មានចំនួន ៤៥២ អគារ, សម្រាប់អគារមានកម្ពស់ពី ២០-២៩ ជាន់មានចំនួន ១២០ អគារ និង អគារមានកម្ពស់ពី ៣០-៣៩ ជាន់មានចំនួន ៦៥ អគារ និងអគារដែលមាន ៤០ជាន់ឡើងទៅមានចំនួន ៤០ អគារ។
នៅឆ្នាំ ២០២៣ មានអគារខ្ពស់ចំនួន ១ ៧៧៧ អគារដែលមានកម្ពស់លើសពី ៥ ជាន់នៅក្នុងរាជធានីភ្នំពេញ ដែលនេះបានបង្ហាញពីល្បឿនក្នុងការអភិវឌ្ឍរបស់ទីក្រុង។
┊គម្រោងអភិវឌ្ឍន៍កោះនរា┊អគារកម្ពស់ ៥៥៥ ម៉ែត្រ
សម្ដេចនាយករដ្ឋមន្ត្រី ហ៊ុន ម៉ាណែត មានប្រសាសន៍ថា ទីក្រុងរណបកោះនរាគ្រោងនឹងសាងសង់អគារខ្ពស់ជាងគេដែលមានកម្ពស់ ៥៥៥ ម៉ែត្រ។ សេចក្ដីថ្លែងការណ៍បែបនេះបានធ្វើឡើងនៅពេលដែល សម្ដេចមហាបវរធិបតីបានអញ្ជើញជាអធិបតីក្នុងពិធីសម្ពោធដាក់ឱ្យប្រើប្រាស់ស្ពានកោះពេជ្រ-កោះនរា កាលពីខែវិច្ឆិកា ឆ្នាំ២០២៣។ ក្នុងខែដដែលនេះ ក្រុមហ៊ុនសាជីវកម្មវិនិយោគក្រៅប្រទេសកម្ពុជា (OCIC) ក៏បានបង្ហាញនូវផែនការសម្រាប់គម្រោងនេះផងដែរ ក្នុងការអភិវឌ្ឍទីក្រុងរណបកោះនរា។ ក្រុមហ៊ុន OCIC នឹងសាងសង់សួនឧទ្យានតាមបណ្ដោយមាត់ទន្លេវែងបំផុតក្នុងរាជធានីភ្នំពេញ (កោះនរាផាកវ៉េ Koh Norea Parkway) ដែលមានប្រវែងសរុប ៤ ២០០ ម៉ែត្រ តាមបណ្តោយផ្នែកខាងក្រោមនៃដងទន្លេមេគង្គ។ ទន្ទឹមនឹងនោះក៏នឹងសាងសង់អគារដែលមានកម្ពស់រហូតដល់ ៥៥៥ ម៉ែត្រផងដែរ។
┊គម្រោងណាហ្គា ៣┊មានកម្ពស់ ៧៥ ជាន់ ស្មើនឹង ៣៥៨ ម៉ែត្រ
ការសាងសង់ដំណាក់កាលទី៣ ណាហ្គាវើលដ៍ ជាកន្លែងកម្សាន្តចម្រុះធំជាងគេរបស់កម្ពុជា បានចាប់ផ្តើមនៅខែមីនា ឆ្នាំ២០២១។
តម្លៃវិនិយោគសរុបរបស់គម្រោងនេះមានចំនួន ៣,៥ ពាន់លានដុល្លារ។ នឹងមានអគារសណ្ឋាគារកម្ពស់រហូតដល់ ៧៥ ជាន់ និងអគារសណ្ឋាគារកម្ពស់ ៥២ ជាន់ចំនួនពីរ នៅក្នុងគម្រោងនេះ ដែលផ្តល់ជូនបន្ទប់សណ្ឋាគារជិត ៣ ០០០ បន្ទប់និងសាលពហុមុខងារចំនួន ១៧ ជាន់ (ផលិតផលសម្រាប់ជីវិតប្រចាំថ្ងៃ សួនកម្សាន្តដែលមានបច្ចេកវិទ្យាខ្ពស់ កន្លែងកម្សាន្ត សាលប្រជុំ ទីតាំងធ្វើសន្និសីទ និងកន្លែងតាំងពិព័រណ៍នានា (MICE) ជាដើម ហើយក៏មានជាន់ក្រោមដីចំនួន ៤ ជាន់សម្រាប់ចំណតរថយន្ត និងផ្នែកខាងក្រោយនៃផ្ទះផងដែរ។ ផ្ទៃដីសរុបសម្រាប់គម្រោងមានដល់ទៅ ៥៤៥ ០០០ ម៉ែត្រការ៉េ ដែលមានទំហំស្មើនឹង ២ ដងនៃគម្រោង ណាហ្គា ១ និង ណាហ្គា ២។
នៅខែមិថុនា ឆ្នាំ ២០២៣ ក្រុមហ៊ុនណាហ្គាខប(NagaCorp) បានប្រកាសថាខ្លួនកំពុងជម្រុញកាលបរិច្ឆេទបញ្ចប់នៃគម្រោងណាហ្គា ៣ របស់ខ្លួនដែលមានទឹកប្រាក់វិនិយោគប្រមាណ ៣,៥ ពាន់លានដុល្លារនៅរាជធានីភ្នំពេញ ក្នុងរយៈពេល ៤ ឆ្នាំ ដោយកំណត់ទៅដល់ខែកញ្ញា ឆ្នាំ ២០២៩ ផ្ទុយពីកាលបរិច្ឆេទបញ្ចប់ដែលបានកំណត់ពីមុន គឺខែកញ្ញា ឆ្នាំ ២០២៥។
┊គម្រោង J-TOWER 3┊មានកម្ពស់ ៧៧ ជាន់ស្មើនឹង ៣២០ ម៉ែត្រ
កាលពីថ្ងៃទី ៣ ខែឧសភា ឆ្នាំ ២០២៤ ក្រុមហ៊ុន WH បានចុះហត្ថលេខាលើកិច្ចព្រមព្រៀងបណ្តាក់ទុនរួមគ្នាជាមួយក្រុមហ៊ុន Tanichu Group ដើម្បីអភិវឌ្ឍអគារខុនដូ J-TOWER 3 នៅសង្កាត់បឹងកេងកងទី ១ រាជធានីភ្នំពេញ ដែលមានកម្ពស់ ៧៧ ជាន់ ស្មើនិង ៣២០ ម៉ែត្រ ដែលជាអគារខ្ពស់ជាងគេនៅប្រទេសកម្ពុជា។
នៅក្នុងខែធ្នូឆ្នាំដដែល គម្រោងនេះបានរៀបចំពិធីបើកការដ្ឋានជាផ្លូវការ ហើយរំពឹងថានឹងបញ្ចប់ និងប្រគល់ផ្ទះជូននៅចុងឆ្នាំ ២០២៨។ គម្រោងនេះមានយូនីតសរុបចំនួន ៣៦០ យូនីត ជាមួយនឹងគ្រឿងបរិក្ខារដូចជា កន្លែងរង់ចាំ ២ កន្លែង កន្លែងក្មេងលេង សួនច្បារលើអាកាស កន្លែងហាត់ប្រាណ អាងហែលទឹកខាងក្នុង អាងហែលទឹកសម្រាប់កុមារ កន្លែងសោណា ស្ប៉ា ហាងកាហ្វេ និងកន្លែងសម្រាកលម្ហែកាយ ស្កាយបារ និងអាងហែលទឹកinfinity…
┊គម្រោង Urban Village┊មានកម្ពស់ ៥៨ ជាន់ស្មើនឹង ២២៨ ម៉ែត្រ
គម្រោង Urban Village មានផ្ទៃដីសរុប ៧,៦ ហិកតា និងចែកចេញជា ៣ ដំណាក់កាល។ ត្រូវបានអភិវឌ្ឍដោយក្រុមហ៊ុន Goldfame Group និងសាងសង់ដោយក្រុមហ៊ុន China Construction Third Engineering Bureau។
គម្រោង Urban Village ជាគម្រោងលំដាប់អន្តរជាតិធំជាងគេក្នុងរាជធានីភ្នំពេញ។ គម្រោងនេះរួមមានfactory ខុនដូ (យូនីតបន្ទប់គេង ១-៣) lofts ការិយាល័យ ហាងចំណតរថយន្ត និងផលិតផលផ្សេងៗ ជាមួយគ្រឿងបរិក្ខារផ្សេងៗទៀត។ ដំណាក់កាលទីមួយនៃគម្រោងមានអគារខុនដូលំដាប់អន្តរជាតិចំនួន ២៣ ជាន់ចំនួន ៤ ដែលមានយូនីតខុនដូសរុបចំនួន ៨២៨ យូនីត។ ដំណាក់កាលទី ១ ត្រូវបានលក់ដាច់ទាំងស្រុង ហើយត្រូវបានបញ្ចប់ការសាងសង់ផងដែរ។
នៅក្នុងខែកុម្ភៈ ឆ្នាំ ២០២៤ ដំណាក់កាលទីពីរនៃគម្រោង Urban Village ក៏ត្រូវបានដាក់ឱ្យដំណើរការជាផ្លូវការផងដែរ ដែលមានកម្ពស់ ២៣០ ម៉ែត្រ ដែលធ្វើឱ្យវាក្លាយជាអគារខ្ពស់ជាងគេនៅតាមបណ្តោយមហាវិថីសម្ដេច ហ៊ុន សែន (ផ្លូវ ៦០ ម៉ែត្រ)។
┊គម្រោង The Peak┊មានកម្ពស់ ៥៥ ជាន់ស្មើនឹង ២២៤ ម៉ែត្រ
គម្រោង The Peak គឺជាគម្រោងអភិវឌ្ឍចម្រុះ និងប្រណីតកម្ពស់រហូតដល់ ៥៥ជាន់ ដែលមានទីតាំងនៅសង្កាត់ទន្លេបាសាក់ ខណ្ឌចំការមន រាជធានីភ្នំពេញ។ គម្រោងនេះមានភោជនីយដ្ឋានប្រណីត ផ្សារទំនើបលក់រាយ ការិយាល័យ យូនីតស្នាក់នៅ និងសណ្ឋាគារលំដាប់ផ្កាយ 5 Shangri-La ដ៏ល្បីល្បាញ។
ក្រុមហ៊ុនអភិវឌ្ឍគម្រោងនេះគឺ Oxley Gem (Cambodia) Co., Ltd. ដែលជាក្រុមហ៊ុនបុត្រសម្ព័ន្ធរបស់ Oxley Holdings ។
┊គម្រោង Morgan EnMaison┊មានកម្ពស់ ៦០ ជាន់ស្មើនឹង ២១៨ ម៉ែត្រ
គម្រោង Morgan Enmaison មានទីតាំងនៅតាមដងទន្លេមេគង្គ ក្នុងខណ្ឌជ្រោយចង្វារ។ មានផ្ទៃដីសាងសង់សរុបប្រមាណ ៤២២ ០០០ ម៉ែត្រការ៉េ និងមានអគារខ្ពស់ចំនួន ៥ ។ ជាសហគមន៍សួនច្បារមាត់ទន្លេសម្រាប់មនុស្សគ្រប់វ័យ ជាមួយនឹងផលិតផលនៅក្នុងគម្រោង រួមមាន ខុនដូ Morgan Riverside, Morgan Sky Palace Penthouse & Sky Villa និង Morgan Smart Loft ។ គម្រោងខាងក្នុងត្រូវបានបំពាក់ដោយគ្រឿងបរិក្ខារប្រណីតៗជាច្រើន រួមមានៈ កន្លែងចតឧទ្ធម្ភាគចក្រ ក្លឹបជិះទូកកម្សាន្ត កន្លែងជិះទូកកម្សាន្ត ក្លឹប VIP កម្ពស់ ២១០ ម៉ែត្រ អាងហែលទឹក Infinity សួនច្បារមាត់ទន្លេ ទំហំប្រហែល ១០ ០០០ ម៉ែត្រការ៉េ កន្លែងហាត់ប្រាណ កន្លែងស៊ីហ្គានិងស្រា បន្ទប់ស្ប៉ា ។ល។
┊គម្រោង Golden Tower┊មានកម្ពស់ ៤២ ជាន់ស្មើនឹង ២១១ ម៉ែត្រ
អគារ Golden Tower ស្ថិតនៅចំណុចប្រសព្វនៃមហាវិថីព្រះមុនីវង្ស និងមហាវិថីព្រះសីហនុ ក្នុងរាជធានីភ្នំពេញ។ ជាគម្រោងអគារខ្ពស់ដំបូងគេដែលត្រូវបានបង្កើតឡើងក្នុងរាជធានីភ្នំពេញ ដោយរួមបញ្ចូលតំបន់ពាណិជ្ជកម្ម ការិយាល័យ និងលំនៅឋាន។ ការសាងសង់បានចាប់ផ្តើមនៅក្នុងឆ្នាំ ២០០៨ ប៉ុន្តែគម្រោងនេះបានជួបប្រទះនឹងការពន្យារពេល និងភាពមិនច្បាស់លាស់ក្នុងរយៈពេលយូរ។ ទោះបីជាក្រុមហ៊ុនអភិវឌ្ឍន៍ហាក់បីដូចជាបានបន្តការងារនៅលើគម្រោងនេះ ហើយត្រូវបានបញ្ចប់នៅឆ្នាំ ២០១៩ ក៏ដោយ រហូតមកដល់ពេលនេះ គម្រោងនេះនៅតែមិនទាន់បញ្ចប់ការសាងសង់នៅឡើយទេ។
ក្នុងខែមីនា ឆ្នាំ២០២៤ ដើម្បីកុំឱ្យប៉ះពាល់ដល់មុខមាត់ទីក្រុង និងការអភិវឌ្ឍវិស័យអចលនទ្រព្យ លោក សេង ឡូត អ្នកនាំពាក្យក្រសួងរៀបចំដែនដី នគរូបនីយកម្ម និងសំណង់ មានប្រសាសន៍ថា ក្រសួងនៅតែសហការនិងជម្រុញដើម្បីបញ្ចប់ដំណើរការសាងសង់។
┊គម្រោង Morgan Tower┊មាន ៤៨ ជាន់ស្មើនឹង ២១០ ម៉ែត្រ
គម្រោង Morgan Tower មានទីតាំងនៅកោះពេជ្រ (តំបន់ពាណិជ្ជកម្មកណ្ដាល) ដែលមានកម្ពស់សរុប ២១០ ម៉ែត្រ ស្មើនឹង ៤៨ ជាន់។ មានជាអគារការិយាល័យលំដាប់ Super 5A Grade A ដំបូងគេក្នុងរាជធានីភ្នំពេញ និងជានិមិត្តសញ្ញាស្ថាបត្យកម្មមួយរបស់រាជធានីភ្នំពេញ។ គម្រោងនេះនឹងត្រូវបញ្ចប់ការសាងសង់នៅខែកក្កដា ឆ្នាំ២០២២។
ជាន់ទី ៤០-៤៥ របស់អគារ Morgan Tower គឺជាប្រភេទស្កាយវីឡា (Star Palace) ដែលមានទំហំ ៤៩៩-១ ០០០ ម៉ែត្រការ៉េ។ គម្រោងនេះក៏ត្រូវបានបំពាក់ដោយកន្លែងផ្សេងដូចជា កន្លែងចតឧទ្ធម្ភាគចក្រនៅជាន់ខាងលើ ស្កាយបារ កន្លែងមើលទេសភាព អាងហែលទឹកinfinity ក្លឹបហាត់ប្រាណ ក្លឹបស្ប៉ា ភោជនីយដ្ឋានលំដាប់អន្តរជាតិ ការិយាល័យប្រណីត កន្លែងបារស៊ីហ្គាស្រា។ល។ ដើម្បីឲ្យអតិថិជនរីករាយនឹងសេវាកម្មលើសពីស្តង់ដារអន្តរជាតិ។
┊គម្រោង Times Square 302┊មានកម្ពស់ ៤៨ ជាន់ស្មើនឹង ១៩០ ម៉ែត្រ
គម្រោង Times Square 302 ដែលត្រូវបានគេស្គាល់ថាជា Times Square 6 គឺជាគម្រោងទីប្រាំមួយ និងចុងក្រោយបំផុតរបស់ក្រុមហ៊ុនអភិវឌ្ឍន៍ដ៏ល្បីល្បាញ (ក្រុមហ៊ុន Mega Kim World Corp.)។ គម្រោងមានទីតាំងនៅខណ្ឌបឹងកេងកង រាជធានីភ្នំពេញ ហើយការសាងសង់បានចាប់ផ្តើមនៅខែមីនា ឆ្នាំ ២០២៣។
គម្រោងនេះមានខុនដូសរុប ៣៧០ យូនីត ជាមួយនឹងកន្លែងហាត់ប្រាណ និងកន្លែងសម្រាប់បំពេញការស្នាក់នៅប្រចាំថ្ងៃនៅលើជាន់ដំបូលជាន់ទី ៤៨ រួមទាំងអាងហែលទឹក Infinity បន្ទប់វាយប៉េងប៉ុង កន្លែងហាត់ប្រាណ កន្លែងអាំង BBQ សួនច្បារលើអាកាស និងទីធ្លាលម្ហែ បន្ទប់ហាត់យ៉ូហ្គា កន្លែងក្មេងលេង។ល។ ចំណែកឯជាន់ទី ៣៧ ក៏មានកន្លែងអង្គុយរង់ចាំ បន្ទប់ខារ៉ាអូខេគ្រួសារ រោងភាពយន្ត កន្លែងវាយប៉េងប៉ុង បន្ទប់ប្រជុំ បន្ទប់ទទួលភ្ញៀវ កន្លែងលេងស្នូកឃ័រ។ល។
┊គម្រោង Flatiron┊មានកម្ពស់ ៤១ ជាន់ស្មើនឹង ១៦៨ ម៉ែត្រ
គម្រោង Flatiron By Meridian មានទីតាំងនៅក្នុងខណ្ឌដូនពេញ រាជធានីភ្នំពេញ ដែលមានផ្ទៃដីសាងសង់សរុបប្រមាណ ៨៤ ០០០ ម៉ែត្រការ៉េ រួមទាំងអគារការិយាល័យលំដាប់ A និងសណ្ឋាគារបែបអាផាតមេន។
គម្រោងនេះត្រូវបានបំពាក់ដោយបរិក្ខារដ៏ប្រណីត រួមមាន អាងហែលទឹក Sky Infinity បន្ទប់ហាត់ប្រាណកម្រិតកីឡដ្ឋាន បន្ទប់ជិះកង់តាមចង្វាក់ភ្លេង បន្ទប់ហាត់យូហ្គា កន្លែងសោណា បន្ទប់ប្រជុំ ផ្ទះបាយរួម កន្លែងសម្រាកលម្ហែកាយ កន្លែងអាំងថ្ងៃ កន្លែងទទួលភ្ញៀវយ៉ាងធំ ចំណតរថយន្ត និងការរចនាជាមួយទេសភាពយ៉ាងស្រស់ស្អាត។
┊គម្រោង Wealth Mansion┊មានកម្ពស់ ៤៥ ជាន់ស្មើនឹង ១៦៦ ម៉ែត្រ
កម្ពស់អគាររបស់គម្រោង Wealth Mansion មានកម្ពស់រហូតដល់ ១៦៦ ម៉ែត្រ ហើយផ្ទៃដីសាងសង់សរុបរបស់គម្រោងមានប្រហែល ១៤០ ០០០ ម៉ែត្រការ៉េ។
ជាន់ផ្ទាល់ដីមានកន្លែងទទួលភ្ញៀវ ជណ្តើរយន្ត និងកន្លែងទទួលភ្ញៀវ ជាន់ទី ១-៥ ជាកន្លែងចំណតរថយន្ត ជាន់ទី៦-៨ គឺជាជាន់ពហុមុខងារ (មានកន្លែងការិយាល័យ។ល។) ជាន់ទី ៩-៣៦ ជាជាន់សម្រាប់យូនីតអាផាតមេន ចាប់ពីជាន់ ៣៧-៤២ គឺជាសណ្ឋាគារលំដាប់ផ្កាយប្រាំ Shama ហើយសម្រាប់ជាន់ទី ៤៣-៤៥ គឺជាជាន់សម្រាប់បរិក្ខារនានា រួមមានអាងហែលទឹកinfinity ទំហំប្រហែល ១ ១០០ ម៉ែត្រការ៉េ និងទីលានវាយសីមានទំហំប្រហែល ៥០០ ម៉ែត្រការ៉េ។
លើសពីនេះ នៅមានកន្លែងផ្សេងៗទៀតដូចជា កន្លែងហាត់ប្រាណ ភោជនីយដ្ឋានបែបចិន និងលោកខាងលិច ស្កាយបារ ជាដើម ព្រមទាំងក្លឹបអាជីវកម្ម និងសាលពហុមុខងារផងដែរ។ ជាន់ផ្ទាល់ដីមានកម្ពស់ដល់ ៥,១ ម៉ែត្រ ជាមួយនឹងការរចនាកន្លែងទទួលភ្ញៀវដែលមានពិដានខ្ពស់ មានផ្សារទំនើបលំដាប់អន្តរជាតិបើក ២៤ ម៉ោង ដែលមានទំហំប្រមាណ ២០០ ម៉ែត្រការ៉េ។
┊គម្រោង The Bridge┊មានកម្ពស់ ៤៥ ជាន់ស្មើនឹង ១៥៤ ម៉ែត្រ
គម្រោង The Bridge មានកម្ពស់ដល់ទៅ ៤៥ ជាន់ ហើយមានទីតាំងនៅសង្កាត់ទន្លេបាសាក់ ជិតទីក្រុងរណបកោះពេជ្រ (តំបន់ពាណិជ្ជកម្មកណ្ដាល) ។ គម្រោងគ្របដណ្តប់លើផ្ទៃដីមួយហិកតា ហើយត្រូវបានបង្កើតឡើងដោយក្រុមហ៊ុនអភិវឌ្ឍដែលមានមូលដ្ឋាននៅប្រទេសសិង្ហបុរី Oxley Holdings និងក្រុមហ៊ុន Worldbridge Land របស់ប្រទេសកម្ពុជា។
គម្រោង The Bridge មានអគារចំនួន ២ ។ អគារ ១ សម្រាប់យូនីតខុនដូ និងអគារ ១ ទៀត សម្រាប់យូនីត SOHO ដែលអគារទាំងពីរភ្ជាប់គ្នាតាមរយៈស្ពានអាកាស និងហ៊ុំព័ទ្ធដោយទេសភាពទីក្រុងដ៏ស្រស់ត្រកាល។
អគារនីមួយៗមានកន្លែងកម្សាន្តផ្ទាល់ខ្លួន។ អគារទី ១ មានផ្តល់ជូននូវអាងហែលទឹក កន្លែងលេងទឹក សួនកុមារ កន្លែងហាត់ប្រាណលក្ខណៈគ្រួសារ និងសាលពហុមុខងារ ដើម្បីរៀបចំកម្មវិធីឯកជនផ្សេងៗ។ អគារទី ២ មានអាងហែលទឹកលើដំបូលឯកជនមួយដែលមានកន្លែងហាត់ប្រាណនៅជាប់គ្នាសម្រាប់SoHo executives នៅជាន់ទី ៣៩។
0