យោងតាមទិន្នន័យរបស់ក្រសួងទេសចរណ៍ នៅក្នុងរយៈពេល៣ខែ ដើមឆ្នាំ២០២៤នេះ កម្ពុជាទទួលបានភ្ញៀវទេសចរអន្តរជាតិសរុបជាង១លាន៥៨ម៉ឺននាក់ មានការកើនឡើង២២,៥ ភាគរយ បើធៀបនឹងរយៈពេលដូចគ្នាកាលពីឆ្នាំ២០២៣ និងមានការថយចុះប្រមាណ ១៥ ភាគរយ បើធៀបនឹងឆ្នាំ២០១៩ ជាពេលមុនពេលមានវិបត្តិកូវីដ-១៩ រាតត្បាត។
ក្រសួងទេសចរណ៍បានអោយដឹងថា ភ្ញៀវទេសចរជនជាតិថៃជាភ្ញៀវទេសចបរទេសដែលចូលមកកម្ពុជាច្រើនជាងគេក្នុងរយៈពេល៣ខែកន្លងមកនេះ ដោយក្នុងរយៈពេល៣ខែដើមឆ្នាំនេះ ភ្ញៀវជនជាតិថៃបានចូលមកកម្ពុជាចំនួន ៤១៩ ៧៨១ នាក់ ដែលមានចំណែកប្រមាណ២៦,៥ ភាគរយនៃភ្ញៀវទេសចរបរទេសរុប ។ ភ្ញៀវទេសចរជនជាតិវៀតណាមស្ថិតនៅលំដាប់ទី២ ដែលមានចំនួន ២៩៩ ៣៩១ នាក់ កើនឡើង ៤៤ ភាគរយធៀបនឹងរយៈពេលដូចគ្នាកាលពីឆ្នាំមុន។ ភ្ញៀវទេសចរជនជាតិចិនបានរក្សានៅលំដាប់ទី ៣ ដដែល ដោយក្នុងរយៈពេល៣ខែទេសចរចិនចូលមកកម្ពុជាមានចំនួន ១៨៩ ៩៦១ នាក់ មានកំណើន ៤៣,២ ភាគរយធៀបនឹងរយៈពេលដូចគ្នាកាលពីឆ្នាំមុន ។
ចំណែកភ្ញៀវទេសចរឡាវ ស្ថិតនៅលំដាប់ទី៤ មានចំនួន ៩០ ១៧១ នាក់ កើនឡើងប្រមាណ ៤៦ ភាគរយធៀបនឹងរយៈពេលដូចគ្នាកាលពីឆ្នាំមុន។
ក្រៅពីភ្ញៀវទេសចរមានប្រភពមកពីប្រទេសផ្សេងទៀតដូចជា ជនជាតិអាមេរិក ៦៦,៧៥២ នាក់ ជនជាតិកូរ៉េ ៦៦ ៤៩៨នាក់ ជនជាតិបារាំង ៤៣ ៦៦១នាក់ ជនជាតិអង់គ្លេស ៣៨ ៥៥៨នាក់ ជនជាតិឥណ្ឌូនេស៊ី ៣៧ ៩១៤នាក់ និងជនជាតិជប៉ុន ៣២ ១៤៨នាក់។
បើតាមរបាយការណ៍បានឱ្យឃើញថាភ្ញៀវទេសចរដែលចូលមកកម្ពុជាតាមច្រកព្រំដែនគោក មានចំនួនច្រើនជាងគេ ដោយក្នុងរយៈពេល៣ខែនេះ ភ្ញៀវទេសចរបរទេសចូលមកកម្ពុជាតាមច្រកព្រំដែនគោកមានចំនួនជាង ៩០៨ ០០០ នាក់ តាមច្រកអាកាសយានដ្ឋានមានចំនួនជាង ៦៤១ ០០០ នាក់ និងតាមផ្លូវទឹកមានចំនួនជាង ៣២ ០០០ នាក់៕
0
()
Application has been successfully submitted
we will contact you soon, please pay attention
ទូរស័ព្ទ:+855 66300666
+855 (0) 23222206 (CN/EN/KH)
+86 023 67480241 (CN)
+855 (0) 66400666 (CN/EN/KH)